風和日麗購物日

「風和日麗」快要等同「晒命」，某博友真係要收版權費嗎？﹗

無計啦，踏破鐵鞋終於俾我搜購到，網上入貨要一百三十五個大洋，家吓現兜兜八十九個大洋入到現貨乙隻﹗嘩哈哈，掩不住的興奮啊…(雖然…真係無乜人知蕭賀碩係乜水？﹗)

其實我對華納天王時代曲目無乜興趣(看本人個郭生演唱會後記有幾多首唔識就知…)，拎起手…出事…DVD部份居然有《對你愛不完》、《第四晚心情》、《到底有誰能告訴我》、《我是不是該安靜的走開》MV…華星年代的力作耶﹗當年一直沒出過MV結集(誰叫國語歌是年代，廣東歌則分家給華星…)，家陣雖然只有少少幾隻，始終都係少咗本人頭號心水《雨中感嘆號》，不過…好過無吧﹗

華納初期的《狂野之城》、《個個讚你乖》、《純真傳說》…還有本人激讚的《我的開始在這裡》耶﹗救命，入貨了…

至於CD有乜歌已不重要了，反正碟我早就有，我只要MV﹗

 

行入書店十居其九忍唔住掃兩本返屋企…身痕掃了想看很久的《萬曆十五年》，其實明史我麻麻地有興趣，但見這本書居然改編成舞台劇，忽然有衝動去看，後來當然是不了了知囉…書也是隔到十年先買(17/3/14後按：但我對《洪武三十二》很有興趣喎﹗)。其實見隔離有本平四份三的簡體版，但見佢被人摸到滿身傷痕，卒之都係買了七十七個大洋的繁體版…

隔離的是金老散文集，抵不住金老魔力，睇睇睇﹗

人家女生行街shopping係買衫買鞋，我就係買書買碟﹗哈哈…
******************************************************
還想掃幾隻舊碟，只是可遇不可求，先寫下個wishlist，得閒再到二手店碰運氣：

1. 有《我以你自豪》的是但一隻林子祥碟(呢隻係王喜96年套《緝私群英》主題曲，都唔知收錄過喺邊隻碟，超難搵的說…)(19/2/12後按：卒之…我係拎mp3機錄網上片段的說…)

2. 《十指緊扣》張智霖(勁鐘意入面一cut《猶豫》，少有的性感。x年前在圖書館借過來聽，之後餅md不見了…搵唔番﹗﹗﹗嗚…這隻碟係阿初哥哥人氣升番之後出架喎，點解都咁難搵？) (19/2/12後按：好似真係喺二手店都掃到的，搵番《猶豫》一曲了﹗) 

3. 《純真傳說》郭阿王(當年和同學仔一人一半夾錢買，碟歸了友人，一路都想搵番初版，但流番出市面的極少囉…)(19/2/12後按：卒之都買番﹗最爆是竟然有簽名的﹗)

4. 《心理遊戲》陳妖窿(唔係講笑，真係得架喎呢隻碟…)(19/2/12後按：根據此文所說…我已經買番呢隻碟啦喎﹗呢隻未買得番，反而搵番另一隻搵咗好耐的《愛的解釋》﹗)

5. 順手掃埋李卓庭…佢個樣真係幾似鄭融啊﹗

與其次次碰運氣…我係咪應該試吓網上購碟呢其實？