2007/11/06

奇趣學科、另類課外活動

娜姐呢個題目真係考起,話實,雖然母校積極落實每人至少要參加一個課外活動制,但hea爆的本人由於不想投放太多學習(這是假話,同阿媽講的)和玩樂(這是真話,同我自己講的),於是中一開學後,拿著學會列表,不消一會就選好了。巧合地,卻和我會考高考的科目有奇異的牽連。

估你唔到,係電腦耶﹗嘩哈哈哈哈…

其實貪圖制服的本人是有想過join紅交叉(無惡意,係當年友儕間咁稱呼呢個會而已…)和鋸雞(亦無惡意,當年有join鋸雞既同學都係咁叫),只是如前述,唔想投放太多時間,硬覺得放學要留校很慘(估唔到我中一已有反OT意識…);同時有諗過學樂器,不過我上中學時見使費一大筆,新書新校服新書包新乜乜新物物,實在唔好意思再叫媽媽拎錢出來買樂器,於是造就本人到今天仍不通樂理,和年年music科因為唔識睇譜而險些不合格…

題外話,後來家弟上中一,佢居然參加紅交叉又學結他…激死我﹗

說回本人的電腦學會,點解會選上呢?無他,諗住電腦勁嘛,中一時屋企邊鬼有電腦,玩具反x城把鬼扮學習機電腦就有,看著簡介,嘩,教你寫程式喎,幾勁呀。不過這不是主要原因…最主要是…星期六返﹗﹗﹗哼哼,其實我幾鐘意學校當年的校服,返屋企都唔捨得換那種(不過本人絕不會校服mix人字拖落街,我覺得好醜樣﹗),有多一日可以著喎﹗不過,最深層既原因當然係返去課外活動一個鐘,玩樂幾個鐘耶﹗中一無補習的嘛,難得有街去就常約小學仔出來行街(不過我們的活動範圍只在方圓一個地車站的商場…很乖的說…哈哈)…

扯遠了。講番呢個課外活動,整件事都係十個奇特的。首先是地點,人家的電腦室應該是光線充足的嘛,可是咱們的卻是大樓後面的小室,轉來轉去先轉到入去的,入內黑漆漆一片,不開燈是伸手不見五指的,尤如雜物房般。而那些電腦活像史前文物,是九萬幾年前鍵盤連芒那一種,我懷疑,是八十年代尾出品…很驚…最衰當年無影相…呃…

而內容,就是學logo,話實我都唔知係乜,老師堂堂俾份筆記我們,我地就跟住打打打打打打,enter後個program會自己run,嘩,遊戲呀﹗唔該晒呀…最記得是青蛙過河。話實都幾無聊的,乃因那部「先進」的電腦太「先進」,雖然那是仲未人人有自家電腦的年代,不過我相信買的都唔會係那部史前文物型號…應該無人會在家中「應用」到吧。 還有,五吋軟碟,那時是第一次亦是最後一次見到。

就這樣,無聊聊的無聊到中三。

之前覺得廢廢地既野,估佢唔到後來會用得著。話說會考選科時很隨心選上自己喜歡的科目,之後,開始選覺得實用的了,見到「電腦」梗係覺得實用啦,當然,我又被騙了。讀的那科全名叫"Computer Studies"…科學﹗幾勁呀。上咗堂先知又係program…嗚…今次教的是Pascal,話實,讀完都係佢識我我唔識佢。只係,之前課外活動時成日打Readln、Writeln、open、end竟然在Pascal用得上場,一時間本人好似好勁咁,其實係假像﹗哈哈哈。

好在,上課時終於可以重見光明,這回課室在大樓內,光線充足,電腦是先進科技產品,配備當年最新的window型號,注意,有接龍玩架啦﹗話實本人實在無乜寫program天份,呢科,僅僅合格。合格呢,就係因為考的兩份paper一份係電腦知識,有書讀就無死啦,program那份,應該係死掉的。

其實我到而家都唔明10101010101同電腦有乜關係,那些有九牙邊的卡…關電腦乜事?

中六選科唔想再被騙,唔想做電腦人的了,點知見學科名係"Computer Application",應用喎,今次無program啦掛﹗錯一半啱一半,應用那邊真的很應用,Office/上網/email/中文輸入法盡學齊, 我省下出去學的錢呢。中招的是繼續有program,今次是更唔知佢做乜的Sql…orz﹗由於A-level時CA係最後一科,我又掛住去搵暑期工…這科的下場…哼哼…好在係AS咋…

教呢科的阿sir是個懶年青的年青人,後來本人上了商大,偶然於商大碰到他(佢應該係來進修),同學竟以為佢係本人中學同學囉…吓?﹗

電腦盲玩足七年電腦,係咪奇先﹗

其他奇怪學校生活文:
寧死也不穿的…校褸
Computer Studies / Computer Application
中學術科奇怪項目
運動嘛…
**********************************************
相信比我更奇趣的博友文:

牢騷絮語:奇趣學科、另類課外活動 (aulina)
紫熊部屋: 課外活動 (紫熊)
cosmicrays:尚存模糊記憶的課外活動 (cosmicrays)
一個好人?:校園電視 (Guy)
飯.格:11.06(另類)課外活動 (rice)
加百列傳:我的奇趣學科 (Gabriel)
Yan's Space?: 集體發文之另類課外活動 (yan)
no reason:另類課外活動 (no reason)
依莎貝兒的格.仔.簿:另類課外活動 - Prefect (Bel Bel)
Uncle Ray's Corner:奇趣學科/另類課外活動-人肉層層疊 (UncleRay)

12 則留言:

  1. 我也是電腦盲,好在中學沒選修電腦,不然大學也走去讀engin就死了

    6th Nov 2007 10:50 Am

    回覆刪除
    回覆
    1. 哈哈,我呢o的至係真正電腦盲,我中學冇讀過電腦架(個時我第八科讀地理,而且如果讀唔掂理科,又貪佢可以係學校裡面轉讀文科;不過之後A-level又嫌讀兩科半頹得滯,冇揀CA啦),電腦呢,中學時只係有一年學過o的Logo。

      不過大學呢,無謂提啦,讀到我以後都唔想讀。

      ps.我當年都有join電腦學會的,但已經唔記得左玩咩啦~~

      6th Nov 2007 12:06 PM

      刪除
    2. re:rice

      好在我有另外科目囉會考,cs我僅僅而已…

      大學一定不會選呢類科目,賭上自己會考和高考成績的了,玩唔過…

      6th Nov 2007 13:44 PM

      刪除
    3. re:johnny仔

      會考時我想讀的科目一係要讀geog,一係computer sicence,咁我地理唔得,咪逼住要computer囉,諗住佢實用架嘛,點知寫埋啲讀完都唔知佢做乜既program…

      電腦學會玩的program完全唔知佢做乜…呢個學會頹到無委員會,玩完就散水的說…

      6th Nov 2007 13:47 PM

      刪除
  2. 你講果部機應該係BBC機嚟,我校以前都係用果種型號,係連出面d公司都一早冇用,相信當年津校係指定要買呢款,所以我都見過。

    你又LOGO?你應該後生過我好多個喎!!!

    6th Nov 2007 11:08 AM

    回覆刪除
    回覆
    1. 唔知乜機耶,我覺得係見佢未壞咪繼續用咁囉,中一時見到佢地已有感係史前文物…都唔知用咗幾耐…

      中一時有logo架,umum…我同你差得唔係好遠je…少過10年…logo都仲未死既…

      6th Nov 2007 13:45 PM

      刪除
  3. >>其實我幾鐘意學校當年的校服,返屋企都唔捨得換那種

    呢個好有日本學生妹feel 喎. d 日劇裡面, 佢地日又著夜又著. 戲服都慳番幾套.

    >>唔明10101010101同電腦有乜關係

    有記錯的話, 0 係冇電過 1 係有電過, 所有電腦程式/運作都係用 0 和 1 的組合架.

    6th Nov 2007 20:48 PM

    回覆刪除
    回覆
    1. 我煲劇都好疑惑,點解人地返屋企唔使即刻換校服?家母當年為咗唔使成日熨,強逼我一返屋企就要換咗佢,所以我好恨可以著耐啲架…但後來自己熨啦喎…一返屋企就換…

      同埋,日本學生出席喪禮都係著校服架?﹗

      我啲cs合識本來就吸收得唔多,吸咗的又還番晒比先生,而家乜都唔識的了…
      總之,部電腦開到機,上到網,用到我要用的application就算…

      8th Nov 2007 15:06 PM

      刪除
  4. LOGO...係邊一年既事呢? 嘿...
    我到中學後半段先有機會學電腦, 但當時用既機, 係舊到不能再舊既機, MON連鍵盤都算, 仲要無MOUSE, 反而係一個大波連埋係個鍵盤既右上角. (trackball咁上下啦~)

    最初係學C, 後尾又走左去玩pascal既後續版.

    有九牙邊的卡 <-係乜黎架?

    7th Nov 2007 04:41 AM

    回覆刪除
    回覆
    1. 90年代囉…

      trackball那種我在cs啲教科書度見過,學校電腦學會那些史前文物無trackball添架,比你講的那部更史前的了…好驚…

      其實我唔係自願學的說…係被騙…會考時無乜心機讀的…

      九牙邊的卡…那些九牙邊唔知凹定凸代表1/0是但一個,唔同既combination就代表一組二進制數字囉…

      我講完都唔知我講乜…都係cs書課目…唔知呀…

      8th Nov 2007 15:09 P

      刪除
  5. >>同埋,日本學生出席喪禮都係著校服架?﹗

    我見至少在世界中心係咁喎.

    8th Nov 2007 17:33 PM

    回覆刪除
    回覆
    1. 我懷疑係dress code…

      11th Nov 2007 12:41 PM

      刪除

要講幾句嗎?﹗XD