[港劇]《烈火雄心3》~再見阿牛

牛哥，辛苦你了﹗終於捱完啦，最後一次不要重複，第4輯就等視帝揹飛啦，人地咁有型…


實在小的真係好憎邊睇邊鬧，但這個系列睇開有感情…卒之skip了中間牛哥瞓了的10集，前後的集數就…唉。好了，對於此劇的觀感，很簡單，cap番呢個月以來小的在plurk裡發過的牢騷就好了﹗

7月6日：有點期待《烈火雄心3》…

• 雖然我不喜歡鄭視帝…
• 之後上網睇番囉…好怕等廣告…又要坐定喺個廳度睇…好side時間…
• 一碟在手慢慢煲時最好的…
• 喜爺大戰鄭視帝…應該很有火花…
• 我鐘意的藝員有劇上我會望一望，然後一集定生死(也是呃文一篇的時候…哈哈…)
• 烈火系列睇開有感情嘛…雖然三輯人車係無關係的…

7月6日：《烈火3》喜爺又做番coolcool的消防員…

• 雖然《烈火2》的帶女洪郎幾好睇…不過都係cool啲有型啲…
  唔怪得報導說佢同鄭視帝無計傾了…個角色兩人應該係唔啱的…
  喜爺、巴士高和鄭視帝上一輯都有做，不過巴士高係二打六…而家係主角了…
  睇番上一輯除了巴士高，仲有唔唱k和馬國明添﹗

7月8日：去看烈火雄心…

• 第一集就有36點…很勁﹗
• 當中應該係很多頂唔順《id精英》的人吧…
• 點解有人返咗屋企一輪又做晒家務咁仲著住對皮鞋？
• 細節位得過且過。
• 好好笑…返屋企都唔換拖鞋呢個很騎呢…(冰按：這是說胡囧囧的說…)

7月13日："我封升職信係署長簽俾我架"(冰按：這是阿牛和rex鬧交時講的…很型﹗)

• 巴士高叫囧囧師母好攪笑…
  署長好得閒咩？
  鄭嘉穎話係人令王喜升職…王喜咁答佢的…
  匯豐寄黎D信封封都係乜乜經理....有幾奇....
  通常都係代筆
  睇佢兩個鬧交好睇呀…
  佢兩個之前好似好friend咁點解無啦啦會開始鬧交嘅？（淨係睇左最後十五分鐘的人......）
  umum…喺好耐好耐之前呢，喜爺係救護員，有次救人時俾視帝的手足寸佢手腳慢，視帝幫了喜爺一把…佢兩個係同局的，放工時大家吹了兩咀水，就成為朋友了…
  以下應該係今集的劇情：
  喜爺後來轉做消防，跟視帝一team的，喜爺好勤力又上進咁，升吓升吓就兩粒花/柴(唔熟消防啲grading…)，視帝覺得喜爺威脅都佢，喜爺又唔鐘意視帝啲靠運既工作態度…慢慢就唔妥對方…
  同埋我估應該關胡囧囧事…
  哦.....原來又係因為上位的問題......
  視帝應該多喜爺一條柴，但佢兩個都係條team的阿頭，唔同更…
  (我睇熟啲劇情大綱了﹗哈哈)
  我是一個認真的劇迷(睇吓個故仔值唔值得追先嘛…)

7月9日：烈3第3集bug：支按摩膏06年先喺香港有得賣架﹗

• 鳴謝我弟資料提供…
• 水貨呢可能
• 可能1999年已經做緊…我弟唔知…其實係cctvb啱的說…
• O6年去香港國際旅遊展，就是派這支技摩膏試用裝。
• 哈﹗哈﹗哈﹗果然係一個bug…

7月11日：烈火第4集：終於出現了﹗碧瑤局的身影﹗ (冰按：這是第2輯出現過的局啊﹗)

7月13日：死好命vs辛苦命…

• 這是我睇《烈火雄心》最感觸深的東西…
  有啲人係做死(牛哥﹗)，有啲人又成世好彩(鄭視帝)…

7月13日：烈火3第6集：鄭視帝個角色好乞人憎    

• 明明自己hea仲好懶人唔同佢補鑊…
• 包庇佢就真唔係兄弟喎…
• 呢個角色令我勁憎鄭視帝…(還是佢演得太全神？)
• 我開始唔想睇了...
• 其實都ok公式的…

7月14日：《烈火3》第7集：真係個隊長乞人憎team人都乞人憎的…

• 成間局啲人都好似八婆咁講是非…好好笑…
  每日睇完上來打一兩句，成套睇完cop番埋一齊就係一篇文啦…
  這無疑是一個創舉…    (冰按：我而家完成呢個創舉了﹗哈哈)
  有bug：點解兩隊人離火場是要爬繞由窗口出去…
  但剩番王喜時，鄭嘉穎等人上去救佢可以轉個頭就上到去…
  第一次上火場時唔係大火到癲咗，無路可逃架咩？喜爺一個人喺間房度仲要搵啲氧氣筒圍住自己保命架喎… 

7月16日：烈火3第8集：最好睇係巴士高和陳奀微鬧交…

• 你叫我lulu我叫你richard…好90年代呀…
• 陳奀微說：不如開套電視劇俾你做男主角丫…
• 你以為你係英雄呀…
• 我仲諗住佢會講：你以為你係王喜呀…
• 咁就真係夠好笑了…

 
7月16日：烈火3第9集：悶到無朋友…

• 見到鄭視帝就想轉台，喜爺條line無乜戲，最好睇巴士高…
• 係…做完後就結集成文…我要創出博界傳奇…跨媒體啊﹗
• 幾十歲人話考琴考8級..
• 劇情話囧囧好多年無彈架啦喎，仲要6級跳去8級…得唔得架？
• 越來越悶, 唔睇lu~
• 其實六級同八級之間係冇乜la lung，你練多幾首歌學多啲技巧其實都可以的......不過耐冇彈就麻煩啲囉......要練好耐先有能力考八級
• 好，我approve這個是bug﹗哈哈哈…
• 我阿媽因為唔鐘意鄭生同王生，所以無睇
• 我娘好鐘意鄭生…我鐘意王生…各有所好…但黃生沒人喜歡…雖然我和弟都覺得佢很生鬼…
• 我成日覺得王生同鄭生都冤口冤面，好煩
• 小聲：佢從第一部《闔府統請》我就很buy佢

7月21日：烈火3第11集：唔鐘意睇胡囧囧和鄭視帝…

• 琴晚唔記得出添…哈
• 瞄咗幾眼。 你畀我揀我都會同王喜分手囉, 頂唔順啲咁嘅男人呀。    
• 都係…管住晒…超煩…不過工作上我buy王喜角色那種…
• 胡囧囧在訪問度都講，佢個角色係一味避…呢下都好討厭…
• 管住晒>>成日將自己個套加落人地度, 無從人地個角度睇嘢。以自己嘅喜好為喜好。
• 呢個角色無出王喜其右…
• 入型入格……

 
7月21日：烈火3第12集：救緊火都仲得閒鬧交…  

• 唔怪得巴士高鬧鄭視帝落錯order害死阿牛啦…
• 再憎多佢幾錢囉唔該…    
• 呢集幾好睇
• 又係因為鄭視帝所以喜爺受傷了…回緊第二輯帶…
• 第二輯係佢地嚟架咩？    
• 係呀…喜爺做視帝阿哥…    
• 吓？即係同埋一班人，但係d角色就唔同哂呀？
• 係呀…好多上一輯有做的今次都有…
• 即係《溏心風暴》同《家好月圓》咁囉。
• 故事都有老土化跡象…

7月22日：烈火3第13集：un…打…史…den？

• 這是十級差勁的human management…
• 果然是個差極到底的角色…
• 死啦…我真係勁唔想睇鄭視帝…係咪應該等播晒之後先飛住嚟睇呢？        
• 嘩…咁賤既…執咗人地電話仲聽仲del埋…
• 好衰格呀啲手足…    
• 但問題：點解啲手足會知阿盈手提入面有牛哥既msg呢？    
• 鄭視帝成日CHOK個懶型既樣，好乞我憎
• 佢仲要扮無事…之後又cover件事既真相…勁乞人憎呀…(我太投入了…)

8月6日：烈火3第23集：阿成瞓完又要撞車…其實不如整死佢等阿rex做正式第一男主角啦…

• 呢兩集開始睇番了…
• 唔好睇的...    
• 所以網上睇就啱了…可以FAST FORWARD…
• 阿成而家變左狂躁成......唔想睇 我想睇救火唔係開火囉
• 我覺得睇番第一輯無咁嬲…反正我都唔係好記得第一輯啲劇情…當新劇咁睇… 

8月9日：烈火3第24,25集：結局篇阿牛做番消防員了…

• 那對憂男囧女就由鬼得佢地啦…見到就眼冤…
• 我真係有自虐狂，明明唔鐘意見到憂男囧女又要睇…
• 還好網上睇可以飛…
• 兩集一場火都無救過…然後局入面的劇情唔係食飯就係kelvin和阿宇鬧交…
• 這樣一個橫不講理的上司…陳展鵬執到個咁既角色真黑仔…一定成為c9公敵啦…    
• 個編劇一定係鄭視帝粉，除咗佢個角色，其他男角無個正常的…
• 越來越想睇番第一輯… (冰按：我真係睇緊啦而家﹗哈哈…)

8月9日：烈火3第26集：阿牛聽日復職了﹗好野﹗

8月11日：烈火3第27集：de固執lized的牛哥…

• 真想同佢鬆鬆條頸
• 難怪喜爺說咁窄既創作空間仲寫到牛哥呢個角色出嚟算係咁…
• 看人家個角色幾正面…
• 捱多3日…都係鬧多3日…哈…

8月12日：烈火3第28集：一日俾佢食住，一世都俾佢食住…

• 面目可憎呀…
• 又是一集無無聊聊的    
• 何姑娘有見地，當啲人無到就唔覺佢食住自己啦﹗

8月13日：烈火3第29集：rex和盈的戲份真係勁想飛咗佢…

• 阿牛對阿盈的急救…好似想打佢咁…哈哈…
• 啲打大交戲超級就位喎…
• 完全被擊敗了……
• 「呢個係唯一令佢死心和放棄的方法」…
• 好賤格呀…奸夫淫婦呀…
• 聽晚成哥係咪要跳樓？
• 係呀…不過應該跳唔成吧…見預告仲有出車同埋阿盈悔婚…
• 但係仲有咩做呢要做多兩集......
• 應該係阿牛去死，令阿盈於心不忍退婚，之後阿牛做番operation，喺救火中途死咗…佢遺願係阿rex和阿盈快快樂樂咁喺埋一齊…
• (我都可以做編劇囉…呢個勢擺明係要阿牛退出啦…)
• 如果係咁發展都幾......無聊囉
• 唔記得喺邊度睇到劇情話阿牛最後係死的…囧
• Cut個阿牛Version可能得幾個鐘…    
• 佢兩個喺人家昏迷時喺埋一齊，跟住都唔顧人地剛剛醒番，急不及待公佈戀情啦…怕乜…(我睇到好入戲…)
• 阿牛最可憐……

8月15日：    烈火3第30集：當你愛 一個人愛到要死都仲識驚，即係唔愛啦…

• 唉…何必呢…何必呢…    
• 呢個時候真係好懷念駱天祐和紀德田…
• 睇緊琴晚那集…
• 囧囧唔好喊啦…真係變囧字架…
• 胡大姐啲eye shadow和假眼睫毛未免太誇了…出show咩而家…
• 所以尋晚都冇乜專心睇
• 囧：我唔可以唔理佢…
• 奸：我地唔理佢？我地已經為佢放棄好多架啦？
• 好煩呀佢兩個…    
• 琴晚睇時已經問出口究竟佢放棄左好多d乜野呢..我冇印象wor
• 放棄左好多......私人時間    
• 我係覺得佢地完全唔理阿牛受傷醒番後的感受囉…阿牛有咁既過敏反應都係佢兩個都有份做成囉…
• 受唔住啦，唔睇…反正睇少一節半節都差唔得幾多…

8月15日：烈火3第31集：個港姐節目做完了…開始鬧人兩個鐘…

• 《哥c9大戰乜乜奶奶》巴士高去四川做義工…而家到囧囧去四川…使唔使咁啱呀？    
• 《烈火3》成班人都互相累人累物…
• 累鬥累......
• 又在天台大和解嘛？
• 囧：我地真係無諗過會令你地痛苦架？
• 真係嗎？
• 我覺得呢場阿牛和easy交代離婚協議係全套戲睇得最舒服既一場…(可能都係喜爺演得最舒服…)
• 我覺得幾好笑......
• easy和encore條線睇得最舒服囉…    
• 突然覺得呢場戲唔似阿牛囉…哈…
• 原來阿牛哥仲係諗住死的！
• 又係佢兩個呀…時運高睇唔到…
• 之前先話啲賠償唔夠醫藥費，又唔夠住唔夠食，而家已經可以買樓…
• 忽然復職咪一夜發達囉    
• 神奇消防佬﹗
• （用叮噹的聲線）神奇消防員~~~~~~~~
• 嘩…救火唔係諗住救成集呀嘩？
• 點解消防員都有一格字幕？﹗    
• 牛哥終於再入火場了…
• 點解消防員都有一格字幕？﹗<<因為矇住面，驚大家唔知邊個打邊個
• 自殺行為來了…嗎…
• 會變左做水缸浮__嗎    
• 唉…真係最後都唔俾阿牛好過…喜爺係咪得罪個編劇啫…    
• 嘩…個心外壓手勢完全唔啱架囉…(雖然我的急救practical差點不合格…)
• oh…又死唔去了…
• 卒之都肯接受何姑娘了…    
• 突然變咗2011年…
• 2011年個bb應該差唔多2歲？﹗仲未識講野？
• 完了…也是無無聊聊的一集…
• 好彩唔係話扭黎扭去......救火都救左好耐
• 無晒前兩輯為救人救火種使命感囉…
• 臨尾場火我覺得係為左等牛哥救返火先會整場火出黎......
• 明明佢都做唔番operation，又俾佢入火場，跟住佢又救唔到火…於是就整個被困的situation出嚟…滿足吓一眾牛迷想睇佢入火場既願望…
• 但係臨尾「稍」到牛哥冇得出operation表情有少許失落......    
• 梗係啦…隻腳都無咗…有得出都唔合理既…
• 烈火溶冰說    
• 等我沖完涼將咁多集的烈火plurk結集成文先﹗(我唔會忘記呢個宏願既 ﹗﹗﹗)

好了，睇完呢個無無聊的第3輯，我繼續重溫第1輯好了﹗同埋，真係衷心希望無機快啲搵鄭視帝擔出第4輯囉…(視帝的粉會打我嗎？不好了…危險速逃…XDDDD)

同劇舊文：
追電視好忙：自己人+王老虎+烈火3
《烈火雄心》之１＋２＋３
熱煲系列5~：王喜篇