我是「香港」人

昨天看了個講港九兩地人的生活(為何沒新界呢？﹗)的電視節目，節目中請了兩位分別住港島和九龍的嘉賓接受訪問，暢談小時對自家和對面海的回憶，看得我這個100%港島人極有共嗚~

話說，本人除了商場大學三年，由出生的醫院到讀書到工作地點全部都在港島，住就不用說，兩歲前住過港島東的另一頭，之後坐鎮港島的篤篤直到今時今日。生下來看的見的都是港島事和物，現在叫我搬已捨不得離開這個孤島…

我喜歡港島簡單的地理環境(蓋因我是路盲)，走在街上，首先分清東行或西行，之後就是搵向電車路(舊區)還是行出新填地(很喜歡這個古色古香得很的叫法…哈 哈)，街號總是一邊雙一邊單，搵大廈易過借火，就算是我最唔熟的中西區都未試過蕩失路。這個東西搵路法方便路盲如我，相信亦方便不少遊客，遇著問路的遊客要盡地主之誼簡單到極，只需指著東或西行線叫他們直行便可，小學生的英文到應付到，一流﹗

中學本人考試末段乘早放可以盡情玩的時節，更有個癲狂的嗜好~相約友好從學校行出銅鑼灣﹗唔係講笑，邊行邊吃邊看，雖則沿途沒太多商場遊玩地，如是者嘻嘻哈哈就一天，爽。

九龍，印象中除了到幾個親戚家拜年之外，真係無幾可過海。蓋因媽媽嫌的住兩條化骨龍過海麻煩，而且香港島都夠自給自足，要行街睇戲食飯近的可去太古城，遠的可去銅鑼灣，遊山玩水例去維公，要不就到到香港公園，大件事點就到海浪公園或虎豹別墅(可惜已摺了﹗)，一家人影影相食食野，對精打細算的媽媽而言，港島都做到既野何需過海？一家人加埋的交通費可以食多餐啊﹗記憶中遊山玩水相都是港島影的。現下無必要就懶得過海，除了實際的車錢考量外，時間都係一個因素， 若然同一件事可以在銅鑼灣辦到的話，何必浪費多半個鐘搭車出旺角呢？從前我喜歡無聊聊就出旺角掃cd行街買衫，現在都在替代品銅記灣仔攪掂算了。

節目中主持人問住港島有否覺得自己高尚？﹗嘉賓哥哥(sorry，唔記得他的名字)笑說唔覺﹗哈，我都唔覺，反而覺得自閉(正面啲既說法…自給自足？)、隔離。九龍給我的感覺是繁華、活力和不夜城，從熱鬧的九龍吃喝玩樂完，回家旅途中心情從燦爛慢慢回歸平淡，睡個好覺，明天又是新開始了。

入U前，過海通常只為到信和朝聖，除了旺角和尖沙咀，其他區踏足次數真係數得出，新界更係少之有少，記憶中只有幾回新城市之旅。大學三年最大得著是行熟九龍塘到尖咀一帶的路，討厭搭地鐵關係學曉從南山村碌落太子，再煲熟尖咀搵食指南。雖然九龍十字路口多，唔似港島一條直路，基本上從深水埗直落到尖咀我都唔會蕩失路，對一個路盲又未住過九龍的人而言，我絕對覺得這是一個成就﹗嘩哈哈﹗有次心血來潮，從深水埗行吓行吓(「行」街真是本人的嗜好~)竟然行到出太子 ﹗嘩哈哈，忍不住向友好分享本人喜悅…當然是聽到同學仔滴汗…商場U的同學多數來自九龍新界…都係無人明我感受的了…

雖說熱愛港島，不過小時候的我是有想過搬過對面海，認識香港地理環境後，本人總是覺得島仔一個可能會飄咗去(如是者維港會越來越闊…)…或許某天可能會陸沉(九龍連住新界安全啲…)，或者比啲地心吸力萬有引力呀吸咗去澳洲度(免費去旅行？哈哈)…咁咪大件事？﹗
************************************
寫完文揀tag，見「日記」一項中有「自話自說」和「自說自話」選擇，兩者有咩分別呢？好深…

另外的：
聽得感動的香港之歌… (我很愛港吧？﹗XDDDD)
我係屋邨大﹗
嬴在起跑線之馬路版
細個唔操將來怎辦？
香港人
看展覽：法國大革命&香港故事