2009/08/29

熱煲系列5~:王喜篇

 靜局了一水的煲劇狂迷系列又出現了﹗嘩哈哈…

<--呢張相係王生喺《尋秦記》度客串﹗究竟點解會無啦啦搵佢客串蹴鞠比賽結束敲鑼的人呢?有無人可以解答呀?﹗

(4/1/12後記:解謎了﹗原因是拍《雷霆第一關》喜爺和宣萱friend咗,於是宣萱到《烈火2》客串,喜爺到《尋秦記》客串去…)

(會有人無聊到影電視來cap相嗎?哈哈…就係我…)

1996年:緝私群英 飾 章浩輝 

本著本人對紀律部隊劇譚小環的欣賞…本人可是很熱切期待這一部劇的說。話實這套劇很typical(如舊文所說,評價沒有變…),好仔工作、事業和家庭都 出色,跟住總係無啦啦有變掛失驚無神走去做臥底,又係一輪工作、事業和家庭的衝擊,之後當然係大團圓,身份真相大白又捉到賊,一齊回歸正常,齊歡暢同慶賀 咁…不過就係勝在四平八穩,個角色好入屋…友儕和家母都追得很入神…中咗招成迷了…記得大結局之後第二日開學,返學兼無劇追(跟住的無記錯應該係《新上海灘》…勁悶囉唔該﹗),失落之情不低於95年《神鵰》呢…

另,此劇的主題曲《我以你自豪》好好聽架(我會追得到…就算蒼天幾高…幾正氣呀﹗)((十幾年我仲記得…可見當年迷得幾勁﹗))…但始終搵唔到有收錄呢首歌既林子祥碟…唔通我要拎住部mp3機錄電視?﹗囧…

((4/1/12又後按:我果然是拎部機去錄了…哈哈哈))

1996年:闔府統請 飾 游自德

是《伙頭智多星》的真人版嘛?劇情不太記得了…最記得係當年喜爺好像很喜歡show body(﹗﹗其實套套劇都有展示的…都不只這部…哈哈)…成日赤膊就咁著工人褲的(﹗﹗﹗)…仲有那句:食得又瞓得,我係ok德…

主打就係劉家輝…印象中佢係金輪法王嘛(95《神鵰》太入腦了…後來才知佢原來係邵氏的知名武打明星)((少年十八銅人我只會諗起《食神》…哈)),維基如是說:「直至90年代,劉家輝轉向演出詼諧角色,為演技帶來新衝擊」﹗﹗﹗…呢套野佢演喜爺舅父專和陳秀珠鬥氣的,笑到我和娘親肚痛…成套劇我最記得就係佢兩個和「勁食牛扒jeb jeb jeb」(2/7/14後按:這個音究竟應該點寫?)…劇情…真係唔記得了…不過呢套野好像無出番vcd…我想睇呀…

1997年:保護證人組 飾 陳富貴

呢套野無睇過…

1998年:花木蘭 飾 賀高陞

呢套開咗個頭無睇埋落去,好似話賀高陞係貪小便宜的嗎?當年我懷疑係抄《忍者亂太郎》的小丸架…(2/7/14後按:趁09年因為《烈火3》出街而一條龍番喜爺舊劇時煲翻了…又有張玉珊姐姐既﹗)

1998年:烈火雄心 飾 駱天佑

這套我係呢水先煲番的。之前古生一篇的疑問呢解開了…南山村真係商大隔離的那條南山村啊﹗睇番劇中的實景拍攝真係好親切…商大3年我們可是常到南山村開飯架﹗唔覺唔覺真係有感情的說…(南山茶樓…執咗了…嗚…)

山山姐的小悅還是很難頂…(哈),三虎的兄弟情、群姐和阿佑的母子情還是很感人,幾pair友的三角戀還是很煩,喜愛度和第2輯不相上下,都說,是第3輯太爛…

看訪問喜爺說駱天佑和鍾阿牛某程度有點相像,駱天佑10年後可能會變成鍾阿牛的…我諗…應該駱天佑好點吧?起碼佢有阿爸有阿哥,又有真心為佢好的兄弟(那個卓sir和盈姐嘛…真的有為阿牛著想嗎?還不是只顧自己…車…),就算係偏執但命好過阿牛幾廿萬倍喎…。umum…對不起,我又認真了。

講起又想去南山村行一轉了。講起又諗起好一段日子沒返商大行一轉了…哈。

1999年:吾係差人 飾 周世芬

呢個角色正職唔記得係乜,part-time係輔警,睇既時候覺得既然自己體能唔得做唔到警察…做輔警都幾好喎…(人家都係重視體能架…)

umum…呢套野…想講…很悶…悶到都唔記得啲劇情…(哈…)

2000年:雷霆第一關 飾 林志剛

又回帶了:呢套真係《緝私群英》的變奏加大版(好像是當年的台慶鉅獻來的)。不過章浩輝係好正面和陽光,但林志剛就有很多心理陰影邪惡位,卒之做臥底做到番 唔到轉頭,本來期待是另一套《緝》,但出來卻黑暗很多,又多了很多人生道理(所以我信喜爺和李修賢不和同改對白傳言…我是理智的粉…哈),那境界和《緝》 一類流水作業當然不同了。但《雷》的調子和結局都很沉重,所以不常翻看(這和《烈2》結局一樣…睇一次灰一次啊…)…其餘觀感詳看舊文好了,不重覆(但上 面一大段不是在回自己帶嗎?哈)

另,主題曲陳醫生的《天網》和插曲喜爺的《戀愛是個海》都很正,《戀》就因為睇埋大結局,最後那個畫面無停住咁pan出,再播埋歌…很impress…啲歌詞和個結局同阿剛的偏執,成件事都係勁搭配,很難忘懷的說。

2001年:尋秦記 飾 蹴鞠比賽結束敲鑼的人 (客串演出)

呃一行…喜爺只有開首那幅圖的幾秒演出…真係客串呢架咋…(btw…《尋秦記》真係好唔錯,科幻奇情又有攪笑,乃為本人除了《神鵰》之後的頭號飛佛,高度推介﹗)

2002年:鄭板橋 飾 鄭板橋 (於2007年播映)

作為一個忠實的劇迷,本人可是很神心的一條龍睇埋這套。但只看了一點就沒有看了,原因不明(很悶又唔係…但就係無動力囉…唔通係因為角色唔係紀律部隊?﹗劇中人好似有去考功名架…)((4/1/12後按:本著一條龍劇迷的精神還是看了,um,其實就是比較平淡,不難看又不特別好看,不過喜爺少拍古裝片就睇埋佢…um,還未拎視后的黎視后都幾浮誇的…而未囧的胡囧姐就清新很多…讓人看得很舒服…um,those were the days 啦…))

真係唔睇唔知套劇有黎視后和胡囧囧,這部和後來的《追魂交易》囧囧演喜爺妹妹,入腦了,看《烈火3》真係投入唔到佢地演情人囉…囧

2002年:烈火雄心II 飾 紀德田

鯨吞完《烈火1》本人又極速翻煲了這部一次。結局瑤瑤問阿怡老豆去咗邊…還是忍不住喊了一大餐。這個結局真係太慘啦﹗不過紀德呢個貪生怕死(理由係因為唔想 自己有事攪到個女無老豆﹗有原因架﹗)既消防員角色幾有新鮮感,吓吓勇猛你唔悶我都悶啦。劇中已有智勇雙全的《十萬火急》方中信啦嘛,又有木口木面(7年 來都如是…視帝喎…)的鄭視帝啦嘛(真係啲面口第2和第3輯都無兩樣…演技喎…)

一諗起此劇的結局,再聽埋喜爺的《起身叫我》…嗚…太慘了…紀德呀…點解你要死呀…嗚…(入戲了…)

好了,第二輯無第一輯咁拖拉,但個結局又以第二輯慘啲喎…唉呀,真係唔知點揀好了…

2004年:追魂交易 飾 饒承天 (於2006年播映)

饒承天亦正亦邪咁,幾型的說﹗忠既就係關禮傑演既火爆差人,都幾型的說。但二人去到《豬肝補氣》就完全唔型了…點算?﹗

科技野一日千里呀,放了幾年先播就out番了…。還是睇人好了。喜爺喺呢套野度真係好有型架﹗(花痴來了…拖佢出去打…)…真係唔睇都唔知,原來啊港姐冠軍林敏俐都有拍到劇…

2004年:水滸無間道 飾 林子聰/林沖

呢套野喺無記劇而言幾踩界的,首先將《無間道》和《水滸傳》的劇情和人物炒埋一碟已經夠大膽(天馬行空得來又有點胡鬧,幾有前陣子《王老虎搶親》的感覺架﹗) 但評價就兩極,有人覺得好無聊,有人覺得好好笑…小的就係後者啦…

詳情可睇番張生一篇花痴文。喜爺呢個角色做差人時好認真,落咗班就係溝女王,兩極得來有點人格分裂,但啲變臉位又爆爆地(可以一邊正氣地鬧人…轉頭就變番花痴樣lum女喎…)…呢啲咪演技囉﹗(這其實也是花痴﹗哈)

2006年:刑事情報科 飾 鍾正

呢套無認真追,只記得喜爺和保怡哥的不和傳聞(乜野《江山美人》?﹗也是沒怎樣看的說…)…同埋首主題曲…"Love is the clue...yeah~~~"…ok難頂囉…

(5/1/12後感:小的卒之睇咗呢套劇~好鐘意第一集個同一時空幾個人做唔同既野,心諗佢做乜喺度係咁回帶,後尾先知原來係餐飯之前的倒帶,幾有心思的說。亦難得邵美琪和伍姑娘係競爭對手,但大家係靠做野嚟競爭,唔係你打我我打你囉…睇得好舒服…。同埋邵美琪的幾個阿媽好攪笑…then就係佢同喜爺個抹車感情位,subtle得嚟又帶出個結局,sweet sweet的…好唔錯的說~)

2007年:爸爸閉翳 飾 高青

看了一點,每見喜爺和譚小環(這劇是第三次合演,《緝》劇之後仲有《水滸無間道》)都會感概當喜爺仲係主腳時,小環卻做了二打六兼總係反派的…。當年本人很喜歡她的…但她做主角的《緝》劇和《彊屍福星》(拍住陳小東和元華)…表現又一般般咋喎,之後仲全職拍拖添…際遇既野真係無得講,同屆的張可頤已經拎埋視 后了…

另,此劇好似又係拋夫棄子的女人跟佬走,之後因為各種意外而失去生育能力,掉轉頭向帶仔洪郎前夫要孩子…第n次回帶了呢條橋﹗很悶啊﹗

睇雜誌訪問有人將呢套劇的貝貝和《烈火2》的瑤瑤比較,又好難比既,文中喜爺說因為《烈火2》係第一次演爸爸,佢和嘉螢妹妹friend到送hello mimi架;呢套野感覺貝貝和喜爺無咁friend…同埋,咁都比一餐對貝貝呢講又唔多公平既…。(我又認真了?﹗但其實呢套劇我只睇了少少…感覺啲劇情好老土…夏雨無啦啦認番喜爺係仔那段都老土到嘔…哈)

(5/1/12後感:就是一套溫情劇囉,已睇番) 

2008年:同事三分親 飾 伍公斤

沒怎樣看…邊有咁早返到屋企呀﹗

2008年:珠光寶氣 飾 石泰禾

呢套世紀長氣史詩式死唔斷氣鉅製我只看了個頭,其後的都係斷斷續續,只覺得點解次次睇三姊妹的情人都轉了;喜爺個髮型唔得;鍾嘉欣演刁蠻女入型入格…同埋,sk姐隻主題曲很正﹗

(5/1/12後感:又是戚其義,呢套其實係三姊妹換夫記,個頭開得幾靚的,上流社會的人終於似番上流社會((我suppose)),談吐行為舉止都唔係郁啲就打人和放聲鬧人的說…。不過中間啲感情位幾拖拉…個結局有啦啲草草了事((自從蔡少芬車死人媽媽司棋姐代佢坐監之後…))…同埋…喜爺果真是行行企企食飯兩味…噢)  

2009年:烈火雄心3 飾 鍾有成(阿牛)

一諗起視帝和囧囧那副委屈樣就不安…無眼睇,唔回帶啦…

未播映:囧探查過界 飾 紀安居

(照片來源:喜爺的﹗)

本來有胡二少已經係看點,睇埋呢張相(我笑到噴飯了…)…係勁期待囉唔該﹗嘩哈哈哈哈哈…



******************************************************

原來都有幾多劇係無睇過…看來我粉得嚟唔夠一條龍了…(aka…失格?﹗)哈哈…

資料來源:維基

*****************************************************
「讀書又唔見咁叻一日到黑睇電視」歲月總集:  

熱煲系列2~光一王子  (7/2/12後按:原來我無視咗堂本剛那一篇喎﹗)
《十月初五的月光》+張生雜談 (理論上是第4集…哈哈…)

10 則留言:

  1. 刑事情報科係超好睇的說

    29th Aug 2009 17:18 PM

    回覆刪除
    回覆
    1. 係?咁樣我會好想睇架喎…哈哈…

      29th Aug 2009 22:01 PM

      刪除
  2. 佢未做電視的時候我已經開始留意佢,因為覺得佢口才好好,做主持做得好好。不過印象最深刻都仲係停留o係「ok德」呢個角色。哈哈。

    29th Aug 2009 18:09 PM

    回覆刪除
    回覆
    1. 我屋企唔聽商台的…所以係周末任你點和《緝私群英》開始認識佢…記得後來佢喺rthk客串過做嘉賓主持…講埋啲野勁深…
      ok德啲劇情我唔記得啦,我煲得最入腦係緝私群英…哈…

      29th Aug 2009 22:03 PM

      刪除
  3. 係啦.....陰公....我响plurk話左你知叫你del左下面個po添呀~ (因為太樣衰...XDD)

    原文如下..... :P
    *********************************
    哇~勁喎你!果然係喜飯~XDDD

    雷霆第一關 飾 林志剛


    31st Aug 2009 20:01 PM

    回覆刪除
    回覆
    1. 唔知點解好鬼煩的,有啲向左向右的箭咀system會當咗係css code,後面的文字就成段cut咗…我試過好多次架啦﹗我是飯呀﹗哈哈…搶住認的…

      1st Sep 2009 13:39 PM

      刪除
  4. 哇~勁喎你!果然係喜飯~XDDD

    今次睇下出唔出得到先~ /..\

    雷霆第一關 飾 林志剛 - 我都係記得最跳海一幕印象超深但唔記得晒劇情...

    尋秦記 飾 蹴鞠比賽結束敲鑼的人 (客串演出) - 呢個聽聞係佢同宣萱拍完第一關係好fd,有日去探班所以客串一角~ :P

    爸爸閉翳 飾 高青 - 呢個我覺得ok架~佢破格做個camcam地嗲哋夠晒破格,好新鮮呀!

    珠光寶氣 飾 石泰禾 - 好內斂,因為做佢對手既蔡蔡芬太搶,所以佢個角色變得更...低調~ (被打)

    未播映:囧探查過界 飾 紀安居 - 雖然我唔好鍾小姐,但睇見阿喜講到拍得咁過癮,都有興趣到時追下~:P


    31st Aug 2009 20:30 PM

    回覆刪除
    回覆
    1. 雷霆第一關--可能我地都好似劇中阿剛咁話齋,選擇記住啲想記的,忘記啲唔想記的了…
      尋秦記--咁就真係投桃報李喎,喜爺客串咗《尋秦記》…宣萱又客串番《烈火雄心2》…
      爸爸閉翳--賣花讚花香…喜爺真係幾全面架演得…呵…(這套我只睇了少少…
      珠光寶氣--蔡少芬個角色好嘈…嚴格來說我只坐定定看了第一集…其餘都係斷斷續續的睇…好似話喜爺和巴士高係兩兄弟吧?
      囧探查過界--喜爺好似係喺《豬肝》度同鍾小姐friend咗的,到拍《囧探》時仲friend,直頭慶埋生的…我諗呢套野會好好笑…好期待啊…

      1st Sep 2009 13:53 PM

      刪除
  5. 《刑事情報科》好正ga wor,係"luv is the clue yeah~"難頂少少jer。:-)

    9th Sep 2009 14:57 PM

    回覆刪除
    回覆
    1. 既然係咁我就要追啦…
      當年我都好似lap過少少…究竟點解會無睇落去呢…囧…

      12th Sep 2009 23:04 PM

      刪除

要講幾句嗎?﹗XD