2009/10/05

我最喜歡的10大綠葉

心血來潮,想來數吓喜歡的港劇演員﹗呵~
 

(由綠葉開始係咪好有型呢﹗哈哈…)


自從睇完《卡啦屋企》後我就扮熟叫佢做肥舅父…哈。另一套最有印象就係老頑童,真係好鬼可愛,明明係肥阿伯但又一副貪玩相…見到想meet佢面珠兩野(好詭異?﹗)…即是說呢,90年代阿柴九的演出都有佢既特色,但珠玉(肉)在前嘛﹗

印象中肥舅父通常做啲樂天好人,記得好似係有套古裝係做超奸的和尚…同埋啲民初劇好似做過奸既軍人…但唔exactly記得係邊套了…


小時候我常將艾威和另一綠葉鄭家生撈亂的(樣子不相像吧?﹗點解呢?﹗鄭係喺95《神鵰》度演樊一翁那個…),印象中二人都係亦忠亦奸的,不過艾威多有on end-roll的正式角色,鄭家生很多時係紀律部隊那些一閃即過的悍匪角色…一閃即過…都未諗得起佢叫乜名…全部戲份就過了…(呢個時候…我諗起王青…)

印象最深是《大鬧廣昌隆》的三六九(好似係大隻廣個舅父?﹗)和《戀愛自游式》的阿爸游德,我專記得啲攪笑既老粗角色的說…(btw…原來佢叫Wilson…同埋,這張相很俊俏啊﹗)


                                                 這張相就是我對Gorden哥哥的第一印象…95年《神鵰俠侶》入面既金輪法王(這會讓他老人家反眼嗎?),第二印象就係《闔府統請》 的羅四季,和陳秀珠鬥氣真係超好笑(講起我真係好想翻煲這一部的說﹗)…仲鬥到去《西遊記》做牛魔王和鐵扇公主(佢二人的合作仲有一部《追魂交易》﹗喜爺 和關禮傑,也是相當好睇的說﹗)…之後的劇集時裝的大部份都係大同小異的縮骨小男人(古裝就有點變化囉…),實在很難linkup番電影裡的少林十八銅 人…(這個term…我只會諗起《食神》和…摺櫈…七種武器之首耶﹗)((這又再令他反眼了吧?﹗))

自從睇完一大堆他和陳秀珠的劇集後,睇番正經八八的《神鵰》,明明係奸到出汁的金輪法王…我會笑…(真係人唔做我做,殺出新血路﹗)

多年前從帶銀公主網頁得知佢大哥改了個英文名叫Internet…真係…笑爆咀…((原來佢和哥哥同年的﹗同是56年生﹗﹗﹗))(((這張相佢很英吧﹗)))((((不過佢老哥好像久不久就涉及啲官司咁喎﹗))))

羅 大哥生得惡型惡相件頭又大,本來是做惡人的材料嘛,但印象中我又只記得佢做啲頭大無腦,對女一/女二/或女配癡心一片的傻佬…也就是…諧角囉﹗(怎麼我只 記得啲會令我笑的?)…不過最難忘的演出不是任何一套電視劇,是電影《乾柴烈火》(烈火~~~~~烈火癡又發癲了…)千fa的四代行醫鐵打佬爸爸徐英 彪,onon直直但又愛女深切,很可愛的爸爸啊﹗(btw,這是眾多千fa電影入面本人最喜歡的一套~呵)

原來棠哥洋名叫Ricky﹗(仲係傳說中既倫伯保鑣?﹗囧…)

我係叫咗佢做鰲拜好耐先記得他的名字的說~(哈…雖然98年的《鹿鼎記》不特別好看)。這也是一個忠奸古今正邪皆宜,紀律部隊到社團人士,小市民到惡霸都得,當然…個人最喜歡還是睇佢攪笑…同埋…東華時和魯振順一齊《卡啦之星》囉…

最近翻煲番《烈火》系列先發現當中好多演員和喜爺一樣都係三朝元老,棠哥同埋林敬剛都係的說…啊…叫喊再多…只是勇氣更多…flaming heart…flaming heart…(傻了…)


從小我就奇怪怎麼洋人會有個咁中國人的名字?﹗後來聽收音機才知原來因為河國榮哥哥很喜歡哥哥,於是老遠走來香港發展的時候就以他的名字為名,配埋自己個姓氏Rivers作中文名了…

其實唔exactly有邊套劇集特別有印象,總之印象中古裝片/民初片他就是傳教士/神父,時裝片就是警司(或更高級的…),總是見佢一口流利到不行的廣東話,小時候我甚至懷疑過係咪配音來的…(以前啲港產片任何洋人角色都會配廣東話架嘛,不過係加少少歪歪的口音…)

之前聽收音機說佢而家無拍tbb的劇了,維基載他不打算回電視界…囧﹗

(相入面的他很趣怪啊﹗一貫本人最記得諧星的風格…)

Benz雄我最喜歡的演出其實都不是電視劇,是《新紮師妹》(又係千fa?)的方鍾sir…特別係周聰叔一臉認真的問他個「sir」字點寫時…雄哥又真係寫咗個似字非字的字出來…真係笑到眼水都標埋出嚟,呢個 一定係經典﹗我話既…。另一個係《暗戰》的黃啟發,最記得佢成日鬧劉青雲…

劇集我好記得83《神鵰》的公孫止,嘩…真係超賤格勁卑鄙,同埋近期《絕代商驕》的二世祖唐吉,主打係因為…角色的爸爸係周聰叔…又讓我諗起《新紮師妹》了…哈哈哈哈…

印象中佢十套有九套都係大奸大惡的,應該是從《真情》的子浩開始吧(《烈火1》的海逸也相當乞人憎啊﹗)…。但說來奇怪,因為吾家向來都有聽收音機 瞓覺的習慣,唔望樣齋聽聲,佢做既節目真係相當OK架,揀既歌又好好聽(少聽英文歌的我很多識既英文歌都係聽佢節目學番嚟的…)

做奸人多之餘都有做吓忠既…如《鐵血保鏢》孫三豹,乃係義氣仔女來的說,初頭我都以為佢係奸,同呀谷峰(啊…佢都好多時做奸佬的﹗)演既山寨大佬原來都係忠既,最後仲屢屢出手幫尚家添…(我又入戲了…哈,回帶,這戲真係好唔錯,可惜當年黎耀祥拎唔到男配啦﹗蔣志光也演得很出色呀)

他老哥最近很多花邊新聞的說…UMUM,誰是誰非不在此談論範圍啦。只說他也是一個忠奸皆能(其實此文數得出的都如是吧…),最記得係《尋秦記》的王翦,最後一幕喺城門騎住馬走出嚟救(?)項少龍(我唔exactly記得啲劇情啦…)係十分有型﹗(哈),仲有就係《水滸無間道》的易軍和《西遊記貳》通臂猿猴囉…

反而令他和滕小姐緋聞鬧個熱哄哄的《野蠻奶奶》同埋《古靈精探》沒看過,搭嗲不能…




看《尋秦記》見到陶總管樣子很面善,諗咗一輪先諗起佢就係蜀山奇俠II仙侶奇緣》的申屠宏﹗﹗﹗記得當年睇住申屠宏為咗心愛既崔盈不惜入魔…真係好婉惜的說…嗚嗚…話時話,原來再之前一的一部《蜀山奇俠》他都有演的說。但看維基上載的其他時裝劇就印象不深了…

順手一句…歐大哥也演了兩部《烈火》了…(2+3)

***********************************************************
這回不是呃文了﹗其實還有很多很多…,篇幅有限,只寫住10個先啦…(還有女士可以寫呢﹗)

我最喜歡的--本地版:

我最喜歡的綠葉(下集)
我最喜歡的女演員
我最喜歡的男演員

12 則留言:

  1. 你...在鞭策我要加快腳步寫我那篇文嗎?
    秦煌的周伯通真的很可愛!鄭子誠,看完真情後覺得他超討厭,連其他戲一看到他就先覺得他一定是奸的。

    5th Oct 2009 22:36 PM |

    回覆刪除
    回覆
    1. 你要快啦﹗呵呵…好難得我咁神心一口氣打出咁大篇文﹗(詰時話,風火水土我仲有篇土未寫﹗)
      鄭子誠啲戲做得乞人憎即係佢做得好囉,但佢做節目係好好聽的,好鐘意佢把聲…

      6th Oct 2009 00:05 AM

      刪除
  2. 我個個都覺面善, 但up 唔到名的說... =p

    5th Oct 2009 23:45 PM |

    回覆刪除
    回覆
    1. 等我幫你補習一吓﹗快讀熟文中出現過的名字(包括有相和無相的)同埋劇集名,之後出個quiz俾你﹗(哈…我反恐嚇番熊人呀﹗)

      6th Oct 2009 00:13 AM

      刪除
  3. Hihi long time no see!

    我鍾意"古佬"古明華!!
    http://princessdiane.com/oldies/tv-oldfriends-male90s.html

    7th Oct 2009 11:02 AM

    回覆刪除
    回覆
    1. 古佬都正呀,佢做反派過鏡角色多啦,偶然見到佢做吓正派,啲忠正又帶點on正的角色好攪笑吓的﹗

      11th Oct 2009 13:25 PM

      刪除
  4. 好多角色都係up到口唇邊都up唔出個名, 當然除左benz雄同秦煌啦....

    其實睇套戲除左睇主角,每次有benz雄都必笑!!扮基佬又似!!

    同埋...河國榮...因為佢同我中學呀sir同名...(係只係何同河既分別...)


    7th Oct 2009 16:13 PM

    回覆刪除
    回覆
    1. 綠葉就係咁架啦,日見夜見成日見,不過唔係主角少見報,好少會知道佢地既野,好多時連個名係乜都未必知呀…
      但見到佢地又好親切,最緊要…佢地啲戲真係好過好多所謂的主角呀﹗

      11th Oct 2009 13:26 PM

      刪除
  5. 佢地d名你咁都記得...亞視既演員有冇?

    8th Oct 2009 23:50 PM

    回覆刪除
    回覆
    1. 我記得架…我最鐘意起人底﹗
      亞記就唔太熟,自小我係專煲無記劇,好少睇亞記的說…

      12th Oct 2009 13:16 PM

      刪除
  6. 我對艾威的較深印象應係《師奶強人》,從呢套開始我先至知道原來佢可以搞笑囉!
    另外想提提《卡啦屋企》,有吳鎮宇、李彩華、盧婉茵、鄭敬基(好似仲有曾志偉客串),雲集左咁多搞笑高手真係難得,比起現在的《畢打自己人》絕對好睇十倍!!!

    9th Oct 2009 17:30 PM

    回覆刪除
    回覆
    1. 《卡啦屋企》係成家人都好攪笑的,楚原係阿爸,盧婉恩係阿媽,鄭敬基和黎海珊係阿仔阿女?好似係得李婉華的大女係斯文一點的…
      我最鐘意睇係肥舅父和泰臣表哥…同埋隻狗狗…
      佢之後重播我都係集集睇的﹗《畢打》我少睇,不過有啲位幽默不失攪笑的,係呢方面已經好過《開心華之里》和《愛生事家庭》架啦﹗

      12th Oct 2009 13:19 PM |

      刪除

要講幾句嗎?﹗XD