只是同事

等車時，同事乙看到和我同組的同事甲施施然的飄過來，同事乙問了我一句「使唔使過去同佢傾吓計？」我說：「唔使…」同事乙即說：「你地同組架喎！」這又如 何呢？同組…雖說大家共處時間長，但都是相對無雜言(最好唔見面)的話，証明大家沒做朋友的潛質(和可能)，那就罷了，勉強沒幸福。

前陣子播《烈火3》時記者問喜爺和鄭視帝的不和傳聞時，他說經過幾個月的拍攝後大家只是同事，那就只是同事了。人唔會設一個目標結識一個人要達到乜嘢結果的嘛…就是了。

而我和同事甲，經過幾十個月的共事後仍然只是同事，那就只是同事了。(其實我連最低程度的同事也唔想係！=P)。

人是群體動物嘛，多一個朋友總比多一個敵人好。而且公司的同事每天一起困在辦公室裡八個小時，唔好彩就更多…，一星期五天隨時見同事多過我媽媽(撞鬼…)。那麼遇到夾得埋的同事就梗係最好，做嘢順利一點之餘，食飯吹水都易找個伴呀，做獨家村又眞係好慘既，唔好彩的是…多口的本人要是遇不到可以嗲多咀的人俾我講吓野…個口會發霉的…

但話說回頭，做嘢係做嘢，跟同事相處這些人際關係嘢，重要極都唔及做好本份重要嘅，識到能夠做朋友嘅同事係bonus，冇咪算囉，公司又唔係請我做交際花…。(或者我的想法才算唔正常？﹗)

只是同事就只是同事囉，同事我沒有得揀(可以給我一些正常一點的人就好了，嗚)，選朋友我還想有點自由度。既然大家相識的時間不算短(我為她也死了很多細 胞，計起來應該係我問向索償才對﹗)，到頭來泛泛之交也談不上，一點都不可惜，既然淡如水，就由得佢繼續淡。放咗工，佢有佢我有我，大家眼不見為乾淨，不 好嗎？

也許是人大了。讀 書時很怕自己交不上朋友(原因當然是不想孤獨過lunch和分組沒人和自己同組了…)，那時逢人訕逢人笑，就像初玩面書要儲多啲friend，行到邊班都 有人識…感覺自己很強大的說。人大了，寧缺莫濫，人生可有幾個知已都已經很好，遠比一街三九唔識七的所謂「朋友」好多了。

選朋友，我是很有要求的，ok﹗

(同事乙的這一句讓我想起之前喜爺的訪問，再引發小的發了一段牢騷，更大的作用是…原來ipod個os update咗做3.1後，寫完memo可以直接send去email，那就算沒wifi也不要緊，打咗先，之後先再send出嚟，好方便啊﹗正﹗) 

後記：這位同事的後話：【小熊人擂台賽】15：你遇過最好/最差的上司/同事