我最喜歡的綠葉(下集)

話說寫完上一篇後，本來想寫男、女藝員，但10個人名卻久久填不滿，綠葉一欄卻打得滿滿的，多到可以再來一篇再寫一轉，好了，就讓我自己欲罷一個不能，自己為自己encore一吓﹗

(這篇的自娛成份又是很高﹗)

陳鴻烈

登登登登﹗左冷禪先生(96版的《笑傲江湖》其實真係唔錯架﹗)﹗呢張相實在係太有型啦﹗係，直至《同事三分親》之前我都講唔出陳鴻烈的名字…一路係叫左冷禪的﹗~(情況同王俊棠被我叫了鰲拜好耐…)。也是最近至知，佢和岳華都係以前邵氏的明星(﹗)，佢有演過96年的《聊齋》(﹗﹗)，仲有拍過台版93年的《包青天》(﹗﹗﹗)((原來我睇過佢好多舊劇喎﹗))

家陣煲緊《豬肝補氣》(我知我out了…而家先睇…喂，原來呢部野好得架喎﹗)，陳演的宋世萬係明奸(加埋左冷禪，硬覺得大言/閆生笑時的面口都有少少奸﹗哈)，岳華演的賀生就暗奸，兩個都好有型﹗哈。主打想講的係，睇番呢套上年的台慶劇，再對照今年的兩套，真係舒服好多(aka：《豬肝》描寫的有錢人係似番上流社會的人好多…)，唔好講有錢人丫，正常人都唔會郁啲就鬧交，又手起刀落咁摑人掛？吓吓鬧交打人，腎上腺素隨時高到死人架喎…

郭峰

自從偉大(但死唔斷氣)的《創世紀》播出後…我和弟就叫郭大俠做霍景良，倒是後來才知他的妻知就是83年《神鵰》的黃蓉歐陽佩珊﹗失覺失覺﹗(《創》劇太入腦…佢老婆係阿姐，個女係陳慧珊嘛﹗)

霍景良好似係奸架嘛？話實阿霍生時裝片就係滿腹奸計的商人，古裝片就係笑裡藏刀的王爺(佢好似都做幾多大官和王爺？﹗)我還是喜歡《鐵血保鏢》(此劇在吾博出現率真的很高﹗)或《碧血鹽梟》那種大家長，嚴肅得來不失幽默風趣的~

其實…講嚟講去都係近年的，因為遠古的(上世紀8字頭以前的…)我沒印象啦﹗哈

蔣志光

呢個封面…想點？好似未瞓醒咁﹗(原來佢英文名叫Ram﹗)

印象中係記得佢唱過歌，但唔睇維基都唔知：「原本是創作歌手出身，其中包辦曲詞的歌曲有《相逢何必曾相識》、《舊朋友》等，可惜歌曲雖然走紅，但本人卻並未一炮而紅，其後認為自己「歌唱生涯經已完結」，決定封口不唱，甚至連牽涉唱歌的綜藝節目，都拒絕演唱」嘩嘩嘩﹗難怪他拍劇以來都唔見佢唱歌啦﹗btw，《舊朋友》是相當不錯的﹗《相》更是大紅…紅到去《家有喜事》喎﹗

劇集的第一印象應該係《壹號皇庭》(我對律師的第一印象啊﹗)，之後就係《真情》的阿福，和蘇玉華係一對做兩公婆的，同時另一部《親恩情未了》蘇又係做人老婆，一頭才看完她在《神鵰》演公孫小姐，另一頭就演c9…真係精神分裂…(離題了﹗)

呀呀，Ram哥路線很廣闊啦，小人物又得，專業人士又得(消防員也是吧﹗阿功﹗阿功呀﹗)，攪笑正經奸鬼都得，黎耀祥憑柴九上位，希望有一日會到Ram哥啦﹗

駱應鈞

Felix哥哥後生時都好靚仔啊﹗佢縱橫無記三十幾年，拍過的劇集無數，要數我喪煲得最多當然係95《神鵰》…唔知點解佢演既黃藥師一仰天長笑我就想笑…(好了，佢演得很正經的…怎麼所有人都被我當咗笑片咁睇…之前有金輪法王…哈)…umum。其實我印象最深的是《網中人》，記得佢和任達華去街街的節目係搭地鐵(時為79年)﹗﹗﹗﹗﹗﹗﹗(中學時看到這部戲是很新奇的，地鐵喎﹗)哈，真係殺手都有小學同學，日常見開的野都有新奇時…

駱大哥也是一個忠奸皆能，古今皆宜的，很厲害，funny可以很funny(如《十兄弟》的爆了英文…)，幽默可以很幽默(《壹號皇庭》、《CIB》那些男人和男人之間的互寸…很抵死的…)，奸又可以勁奸(如《BIG血》的屠應龍…)，很厲害﹗

曾江

也許將Ken哥列作綠葉有點難為了他…明明人家早已獨當一面…umum。不過講得90年代的黃藥師，真係不禁要list埋83年黃翁版的黃藥師，曾sir可是將黃藥師的邪氣表現得淋漓盡致，呢頭仲同你笑緊下一頭就打你一野，完全估你唔到。記得一場係蓉兒喺房度亂扔野發脾氣，呢個阿爹入房唔係阻止個女，反而係同佢扔埋一份，之後兩父女相對而笑，啊﹗好溫馨啊﹗

另外一印象好深係《大家族》演萬子既阿爸，80年代尾90年代頭的家族情仇大劇(如《義不容情》、《我本善良》、《大時代》呀咁)唔知點解我淨係最記得《大家族》…。不過呢套野好typical，奸既超奸，忠既超忠，關海山又總係演善良大家長，又總係有個衰仔，忠既仔又總係早死…呀，曾sir就係演衰既仔，最後一幕(佢個角色已經瓜咗…)萬子好似係結緊婚，但就有曾sir既獨白(好似係…山水有相逢咁上下意思？)，嘩…不寒而慓呀睇到…真係把聲都有戲的說﹗

我多數看tbb，後來曾sir喺亞記和西片的演出沒多看了。最近又成日見到佢，孖住鄭佩佩那個乜鬼骨x靈廣告…都…有點…ok…煩的﹗XDDDDD

仲有一篇：[港劇]射鵰馬拉松

關海山

家族劇大家長必然人選(有時可以係劉兆銘或鮑方)，呢種大家長又種係有幾個仔，長進的通常早死(唔係病死就係被人害死)，有個衰既仔謀住副家財，跟住又會喺外面仲有個仔，呢個野仔又通常係出嚟拯救頭家的救星。而呢個大家長通常係有兩個或以上的老婆，個大婆好惡二奶好人，大婆會勁恰出面個女人，令到大家長不能好好和出面個仔和好…之後大家長總係會死，死之前奸人通常已經現身，令家族企業快要斷送，呢個時候大家長就會同出面個仔和好…後半段就係出面個仔和奸人的大戰了…囧﹗

呢條formula，《大家族》用到《天地男兒》﹗所以…我好記得蝦叔係大家族的大家長，睇《雷洛傳》的阿叔反而睇唔慣﹗哈

李國麟

嘩﹗唔睇唔知，原來佢喺1979年的《絕代雙驕》飾江玉郎﹗林志穎版本係鄭視帝演架呢個角色﹗

不知何解我記得的都係古裝片，如《天龍八部》鳩摩智(1997)和《神鵰俠侶》的馮默風(1995，有演過這套的台前幕後名字我都背晒的說﹗)，仲有《西遊記》的乜乜乜王(都怪我看古裝片太入腦了…)，時裝片就唔多up得出啲角色，好多時都係主角阿爸，某某上司呀咁，要數就數到《爸爸閉翳》的Marco(2007)，吓吓都叫歐陽震華拆局，好攪笑﹗(其實我是最近才翻看這部的…所以好記得﹗不過再潮啲要講馬大將軍吧？﹗)

女士：

講咗咁多男士，係咁意講一吓女士吧﹗

陳曼娜-->其實唔係喜歡…係驚訝﹗點解Mannor姐有咁多假髮，身材keep得咁勁(《畢打自己人》佢有勁多性感打裝的場口﹗)佢多數演潑辣的女士，如《緝私群英》那種良家婦女的角色真係少見…(這部…我翻睇了好多次的…哈)

韓馬利-->自我有印象以來Mary姐已經係演緊媽媽或老婆的角色，但某年睇番《京華春夢》…咦，阿姐後生時靚，Mary姐後生時仲靚喎﹗不過唔知係咪呢個角色係反派…攪到無得上去做女主角被定型呢？﹗另，據說Mary姐拍劇之外仲有攪美容生意的…

陳秀珠-->嚴格來說Rebecca姐係自花旦慢慢轉型至中旦(男人有中生…女的…雖然她的角色已有甘草味了…)，她做花旦時的戲沒看太多，印象最深(驚﹗)係《師奶強人》演李克人阿媽…天呀﹗佢大唔上李克人10年架﹗天呀﹗天呀﹗天呀﹗同埋回帶，我勁鐘意佢和劉家輝喺《闔府統請》鬥氣﹗好好笑(笑片算係佢既新路線？﹗)，講到最愛還是《金枝》的皇后，既貴氣又霸氣又奸，和如妃唇槍舌劍超精彩。最近看《豬肝》，她演的Melissa又是一個亮點…貴氣不能掩…c9又得上等人又得，咪就係演技囉。

羅冠蘭-->主打係因為《烈火雄心1》﹗哈哈哈﹗維基段介紹寫得好正：「於電視劇的演出，雖然大多爲綠葉角色，但羅氏扮演的角色反差很大，亦莊亦諧，既能演韋春花，又能演武則天。憑借深厚的表演功力，羅氏將各種角色發揮得淋漓盡致，演賢妻良母，可以把觀衆感動得潸然淚下，而扮市井師奶，又能逗得大家捧腹大笑，尤其是她的招牌笑容，極具感染力。」講晒我想講既啦﹗

好了，數住咁多先，下集再續﹗

我最喜歡的--本地版：

我最喜歡的10大綠葉

我最喜歡的女演員

我最喜歡的男演員