2009/11/04

新碟雜碎:盧廣仲+王菀之+藍奕邦+薜凱琪+Swing

沒時間(精神﹗)逐張寫(或者爛碟我會更有心機寫?﹗哈哈哈),好了,炒埋一碟一齊寫啦﹗

Swing 《武當

當年呢組的歌在友儕中很hit的,有人愛《1984》和《帝國大廈》的情深和唱,小的就愛《半張飛》和《JaL 565》的悠然自得。散檔7年後竟然重組,無不驚喜…呀…我們可愛的青春小烏飛番返嚟喎﹗

(這張碟一直好想賦文讚美,但最後只寫了HOCC…囧)《麵包生命》好鬼《1984》feel(我話既),頭號飛佛是《Let It Go》,正能量得可以和hocc《可可》匹敵啊﹗人生在世太多苦惱了,都係聽多啲正面的歌好啲。另《尿牀的啟示》…我想話我都成日發夢去死手間,但現實生活個人係仲瞓喺張床度…幾危險呀﹗另另《魚蝦蟹》用人類食海鮮食到個海乜都無嚟寫環保,有趣呀﹗

最後呢…黃日華、劉丹和eric嫂粉墨登場那三個mv…係癡線架﹗XDDDDDD

飛佛: Let It Go、Hehehe、尿牀的啟示、魚蝦蟹

藍奕邦 《邦》

其實我沒聽《藍》的,係偶然一次聽到《》的一cut《賴床》,十分click…咦,成長呢啲題材真係好易中招對號入座的,啟德移民回歸都係那個年代成長的共同回憶嘛,好了,final round就梗係追埋啦。search番《藍》的資料時睇到博友的舊文,咦﹗原來三張EP諗住08年出架﹗《藍》係童年,《奕》係成長(+一點反叛…嘩,好中的說﹗),《邦》係成年了。oh,第三集final round竟然包埋之前兩張的歌﹗太好了﹗(我未買番第一張啊﹗呵…但中間那張怎麼算?﹗)…算啦。個封面影得藍邦好型…哈,仲要有埋concert dvd…好抵啊﹗emotion

飛佛:不是我的我不要、學神、膠、向前走

薛凱琪 《Read me

我諗我鐘意聽費公主多多少少係佢有種特獨的活潑少女味(雖然…是廿尾了…)((不得不承認,這是失落在楊千fa身上轉移視線的結果…)),我在想如果沒了y文和方同學…費公主會點呢?﹗(就如千fa沒了人山人海…)呃…二人應該會合作吧?

比上張《Smile》(我好喜歡的),方同學今回只有一首《慕容雪》,咦,又係中式小調野喎﹗(《糖不甩》也是小的飛佛呢…),派台的《叮叮車》編曲係Jerald喎﹗即刻不自諗linkup咗《半張飛》那種悠然relax(其實我覺得很跑馬地那種中產的感覺,點講呢…明唔明呀?﹗哈),我沒聽商台嘛,據說此曲被播爛了﹗哈哈,總之不自禁的很喜歡﹗費公主,加油呀﹗其餘的兩首沒有太大印象,哈。

飛佛:叮叮車

王菀之《On Wings Of Time

據說此碟是二彎娜於英國遊學後的靈感組織而成,雖然我唔明開首的白光式懷舊歌曲和英國有何關係,不過中西夾雜的感覺很舊上海風(《色戒》?﹗),cultural shock?﹗哈。

《月亮說》和《大笨鐘》喺收音機度聽到快要曉背了,我呢啲係sidecut精嘛,我喜歡《低科技之歌》和《粒糖有毒》那種《詩情》/《想飛》式的跳脫快歌,說來奇怪,《一秒感動》/《畫意》我麻麻地click的,但就愛剎二彎娜快歌的活潑…怪呢?﹗所以我好鐘意《我來自火星》囉﹗哈。另外驚喜是看到常石磊的名字﹗敬hins的《am/pm》大碟有份的製作人呀﹗《春天》和《迷失表參道》他都有份做和唱的,嘩﹗今次同二彎娜合唱是敬hins介紹的嗎?﹗好了…此碟是第一張我由頭聽到尾的了彎娜碟…其實。

飛佛:低科技之歌、記住 記住、小團圓、粒糖有毒、I’m Sorry(不如說全碟吧﹗哈)

盧廣仲《七天

呢位造型有趣的弟弟,我是某次唱K有K友點《一百種生活》先識的,喂,OK喎啲歌,揸住支結他邊彈邊唱,時而正經時而情深的(呃,我諗起多年前的阿牛陳慶祥…),好有趣(雖然我還是覺得廣仲弟個髮型很柯南…)。有博友說佢上張碟好聽啲,咦,咁我係咪要聽埋呢?﹗

因為太多碟一齊煲,此碟只煲了一兩次,最記得是點題作《七天》:「我想做的 永遠都跟不上改變 改變需要勇氣面對 我看得清楚 我看得非常清楚 如果真要改變 那麼再給我七天」…作為一個超級DEADLINE人…實在太有共鳴了﹗七天七天,再給我七天﹗哈

飛佛:七天、開心餐廳

**************************************************

看報說09了沒有啥hit歌,但有一堆好碟丫都﹗ (另,好險,唔知high到keyboard上面乜key攪到page back咗…好在而家有auto save…唔係我成篇文又要打過啦﹗嗚﹗)

14 則留言:

  1. 同你一樣, 我都係第一次唔使skip ivana d歌(係佢粉絲都話)...
    今次真係好好聽...係我心目中, 同i love my name有得fight!

    4th Nov 2009 22:24 PM

    回覆刪除
    回覆
    1. 二彎娜早期的歌我一啲得一啲唔得,我係從《詩情.畫意》開始會成集碟聽…哈,我不是佢忠粉呢…

      12th Nov 2009 12:02 PM

      刪除
  2. 我也很喜歡swing的《jal 565》!想不到也有人喜歡啊。:-)

    4th Nov 2009 23:00 PM

    回覆刪除
    回覆
    1. 握手握手﹗《jal 565》和《半張飛》都是我的飛佛,很喜歡曲子relax的感覺,我同學的形容是:很跑馬地﹗哈哈哈…

      12th Nov 2009 12:05 PM

      刪除
  3. 我都覺得ivana今次隻碟好好聽!最愛白光腔嗰隻同低科技之歌!

    5th Nov 2009 01:34 AM

    回覆刪除
    回覆
    1. 白光腔那隻歌(總係唔記得歌名…)好驚喜…估唔到二彎娜會咁都唱到,《低科技之歌》講既其實都唔係新野,但會令人會心微笑囉﹗

      12th Nov 2009 12:06 PM

      刪除
  4. 呢幾隻碟都有意思...
    swing同藍邦好難會唔鍾意...
    ivana隻碟第一次聽係收音機...
    真係正到...

    5th Nov 2009 09:54 AM

    回覆刪除
    回覆
    1. swing最開心係久別重逢後無走樣,一樣聽得咁開心…(我比較喜歡Jerald~之前佢作俾其他歌手的歌我會特別聽多啲架﹗哈)
      藍邦隻碟我仲未肯去買,好期待睇埋隻演唱會dvd呀﹗
      ivana隻碟慢熱,但越聽越喜歡﹗

      12th Nov 2009 12:09 PM

      刪除
  5. 以上幾隻碟 (咩moov 有盧廣仲咩?), 我只小小click 慕容雪咋.

    為免被粉打, 就此打住了. 哈!


    5th Nov 2009 23:07 PM

    回覆刪除
    回覆
    1. 隊長的碟是人家借俾我聽架﹗(呢個年代仲有人交換碟聽係咪好詭異呢?﹗)
      我唔係費公主粉,係校友﹗哈(扮熟中…)

      12th Nov 2009 12:10 PM

      刪除
  6. Swing: Very Good
    藍邦: Pretty Good
    王丸之: I don't like it
    薛凱琪: Didn't listen to it
    盧廣仲: It's okay

    6th Nov 2009 09:55 AM

    回覆刪除
    回覆
    1. 我在想,以上一堆我覺得相當不錯的碟入面,會有幾多隻入到各大頒獎禮的十大…
      (順勢:數10首今年我的十大呃文一篇﹗哈)

      12th Nov 2009 12:13 PM

      刪除
  7. 博主 你好 我知这样说很冒昧 但是你有没有兴趣转让《奕》啊?这只碟对我有不一般的意义 可惜现在买不到了!我好像要啊!无论如何请你给我个回复!谢谢谢谢!

    8th Jul 2010 10:14 AM

    回覆刪除
    回覆
    1. 對不起了…我都想儲起它呢…

      15th Jul 2010 13:59 PM

      刪除

要講幾句嗎?﹗XD