2006/04/16

給零公德心的人...


內有惡女 楊千嬅 (@Play it loud, Kiss me soft 2000)
作詞:黃偉文 作曲:陳輝陽/好好笑 編曲:陳輝陽/好好笑


歡樂小姐 怎可以說:『沒有獎品!』 我卻沒法
付出一打飛吻 去博那大眾歡心
親善小姐 怎麼敢說:『你令我火滾!』 這種口吻
或者只得我 對惡棍夠膽兇狠 永不口震
俗艷有一批基本的客路 誰要做? 是我很知道
性格上比較路邊那花草
我更愛我的憤怒 就算知道事件太污糟 總得找個人來做
人人扮乖女 只得我做惡女 絕技是飛腿 不繳眼淚
人人在封嘴 分給我做惡女 叫我將一切 不公擊退
人人扮乖女 只得我做惡女 男孩沒志氣 不敢跟我一對
人人在推舉 選出我做惡女 你愛小可愛 切勿伴隨
芳艷芬肯 吞聲忍氣 也沒有天理 也給拋棄
若果都不爭氣 再看看白燕的戲 別衰收尾
扮弱柳爭取公子的愛慕 無進步 是我很知道 氣勢上
比較傅統那姑嫂 我更信我的憤怒
就算知道事件太污 總得找個人來做
人人扮乖女 只得我做惡女 名媛代表隊 歸家午睡
人人在封嘴 可惜我是惡女 恕我不識趣 多嘴講句
--------------------------------------------------
我家雖然無一流security guard,無高級私人會所加泳池,無住客村巴,無無敵大海景;都總算環境清幽,青蔥山木應有盡有;但地靈唔代表人潔,呢頭住著勁多無公德心的人在破壞我這個五星級的家。可惡。

首先係勁多講野大聲到無倫嘅人(通常都係婆婆,唔知點解啲伯伯無佢地咁好中氣)。話說啲婆婆晨早飲完茶、去完街市、送咗個孫返學…總之同樓下大堂個看更阿姐相遇總要吹水一番。吹水唔係問題,個問題係阿婆婆同坐係佢對面嘅看更阿姐講野都要用足百幾分貝嘅聲浪,我試過去二樓一個朋友仔屋企度坐,我完全聽到呢個巨肺阿婆講野﹗婆婆由晨早開始出入入周圍搵人訕,低層嘅人想瞓多陣都唔得,實比巨肺婆婆嘈醒﹗仲有啲中年阿叔,佢地成日一路行一路講電話,就係唔知點解要講到鬼咁大聲,我行係佢後面十步都聽到,屋企樓下又唔係地鐵,靜應應就好心唔好咁大聲講野啦,雖然我明,大聲講野唔代表粗魯,但…影響聽嗰個人嘅聽覺架,唔知看更姐姐有無得claim工傷呢…(琴日先有個叔叔同看更姐姐"申訴"百佳惠康要膠袋收多五毫無道理…我未入lift lobby已聽到佢鬧緊…)

另外一款無公德心之選就係高空掉野落街。相比起小時候的used白色太陽槍(童年陰影一)、針筒(童年陰影二)、係我旁邊落地嘅水袋乙個(童年陰影三)、 咸書(﹗)等等,而家嘅人已收斂了很多,但絕對唔係少咗。掉落街嘅野細型了,但殺傷力依然。飛啲食剩嘅食物、報紙已很好,好些無良心嘅人竟夠膽飛未弄熄的煙頭出街,好幾回點著了下層的衣物被單,差點做成意外﹗掉出街嗰個人肯定無用腦諗過,以為好方便順手,但就差點斷送了人家甚至整座樓人士的安全呀﹗

仲有啲人以為自己係球場踢波比賽,周不時放飛劍。對不起,這回又係complain公公婆婆。大佬,你一pat野咁吐係路邊,可知有幾多細菌就咁散播出去﹗再加埋少部分無手尾人士唔帶報紙就同狗狗散步,哼,到八點幾我出門口返工時就有條黃金大道我行了﹗如果食環署啲人呢出發票肯定發過豬頭。

自從換了物業管理公司後情況好多了,不過由-10分進步到去-2分都係-ve-喎,繼續努力﹗

延伸閱讀: 怪痰 15/02/07

沒有留言:

張貼留言

要講幾句嗎?﹗XD