打風天的歌

 

上次數過《下雨天的歌》，趁今晚打大風(風聲雷雷的﹗反而無乜雨…)，就貼吓關於風的歌~

(雨是水，今次貼風，下次可以寫火和土喎，之後再寫金銀銅鐵錫﹗卡卡…呃文怪呀)

好了上面貼的是王傑大哥的《人在風雨中》。話說90年代初他老哥大紅時我的姨姨是他超級粉絲，幾乎張張碟都買，於是錄錄埋埋很多帶給媽媽聽，就係咁我就聽聽埋好多佢既歌，再加埋套殺死人的《今生無悔》…真係聽到入晒腦。不過好多時係聽就記得「啊﹗係呢首啦﹗」，但係up唔出個名的。如這首…

媽呀，這首陳年的《風是我的朋友》居然會有live﹗(他老哥當年的唱功真係很稚嫩…)數數吓郭先生仲有其他關於風既歌係好聽好多既…例如《霧裡清風》(？﹗《風之刀》呢套劇我係零記憶啦﹗哈哈…)、《風裡密碼》、《風不息》和《聽風的歌》…不過貼呢啲陳年舊歌夠醒神(驚嚇…)哈哈哈﹗

聽番啲正常啲既啦。話說打從我有記憶以來聽親《風的季節》幾乎都係梅姐的新秀片段，小時我以為這首是梅姐的歌多於小鳳歌的說…

周董的《龍捲風》。他出第一張碟時我跟風買了…哈，咁多年來最熟還是那張碟的歌。記得後來倒帶吹到七角一皮的效果…初初睇時係不住狂笑的…

陳天后的《風花雪》。陳天后的碟小的最喜歡就是這張碟，佢剛出道時的型格路線本人是十分欣賞的，而那水雷生啲作品抄味又唔算太濃兼且都幾特具一格(那時另 一隻飛佛係郭富城的《純真傳說》，應該係雷生入港娛圈監制的第一張碟﹗)。至於後來嘛，天后漸漸變得玉女，啲歌唔係千篇一律的情歌就係好dance beat的跳舞歌…囧…算啦，我都係煲番《風花雪》和《醉迷情人》好了。

陳小東先生的《風一樣的男子》。首歌其實ok的(雖然係偏向騎呢的…)，係中間無啦啦整堆廣東話獨白唔知想點囉…(陳醫生的《1個2個3個4個》都係咁，國語歌入面無啦啦有句廣東歌詞，勁怪﹗)

蓮母的《微涼》，其實這首和多個風字的《風微涼》我都十分喜歡的。《風微涼》係《打開天空》(多麼的驚為天人的一首歌啊﹗)裡面邱穎欣的獨唱歌，小的當年 可以十分喜歡她的3首solo(仲有《有你以後》和《再渡艷陽天》﹗)，不過佢出完呢張碟就無再唱了…嗚…我不依… (我只有當年錄低的帶和md，就係無cd…rip唔到…嗚…(講到微風，我係咪應該貼埋孫明光的《微風中》呢？)

哥哥的《暴風一族》…「ar...知不知我是惡夢從無受控…」…係勁型囉唔該﹗yeah!~I can break away...

貼得哥哥既唔爭在貼埋倫伯的《暴風女神 Lorelei》(真係想貼埋《夏日寒風》…)睇番啲mv，原來呢首和上面的《暴風一族》都係強伯填詞的說﹗

最後一首，張學友的《飛機師的風衣》，其實唔關風字…純粹係我食個風字而已。張學友和王傑一樣，都係姨姨們錄錄埋好多帶俾媽媽，於是我就聽聽埋好多 歌唔識名但一聽又會覺得好熟。這首《飛機師》真係又細聽到大，但我去到預科時經同學借番歌神的復刻碟才知這首歌的歌名…哈。但…不就是在副歌不停重覆嘛…

只貼了華語歌。仲有啲日文、英文歌可以貼，遲點再續﹗呵

齊章的風火水土系列：水、火、土