「看法不一定相同？」@賽馬會創意藝術中心

其實我只是跟隊去湊熱鬧，不過去感受藝術氣味之前…我只感受到陣陣濃烈汗的氣味…囧﹗

(七種武器之首啊﹗摺櫈﹗)

 

最初醒唔起此大樓原為工廠大廈，還在狐疑疑做乜個個商戶都整個公司名喺門口，但又同單位內做的東東唔夾架喎…奇怪奇怪…(五金和摺櫈都風馬牛不相及吧？﹗哈)

從地車站行過去只是幾分鐘腳程，但天氣真的很熱…於是…我們一野鍾了入茶館裡…然後定一定神想到咖啡館坐一坐…大熱天時我居然能力戶外活動咁耐…仲有前一篇的重回母校遊記，流足一星期的汗…諗起都覺自己勁…我呢啲無冷氣會死架嘛﹗

只是呢，一眼望埋去很多檔口都落閘熄燈了…藝術家們星期日都出動去搵靈感嗎？卒之我們是在長廊走著走著的多，入內參觀的少(絕無僅有﹗﹗﹗)

走上天台走走(很《無間道》feel…)發現搭巴士成日見到的白田村原來就喺隔離…。座樓的設計仲幾古式古香添﹗

單位與單位之間有很多共用空間，有些是很artistic的裝置，有些就是原本工廠大廈廠戶的機器(有些甚麼60年代德國印床…)，行行吓會有啲相片展…又會行行吓見到跳飛機…(小的趁某人兄行過時拍了一個…很artistic啊﹗)

我決定將此相片命名為《後現代城市人玩跳飛機的孤寂》 (個名都好artisic啊﹗哈)

這個彩色草坪很可愛(不知何解係覺得可愛喎﹗)…望著望著如會踏上去時會著燈的話…都幾有MJ大神的《billie jean》MV 個feel架喎﹗(其實是無關係的…哈…)

這是鞋廠用的模子吧？﹗

我像忘了時間的鐘…一分一秒的過…(會不會有一首關於倫敦火車站的歌可以唱呢？﹗)

這兩個都很攪笑…(就是說租戶不是關了門就是閉門自作業…卒之我們只能看一路上的東東…)

酷熱難耐…行到2樓見有GOD就走入去了。此店除了都有平常常見的貨品外，還多很多舊時香港生活古物，仲擺咗好多迷你版裝置…(弄得本人WE嘩鬼叫的…好 可愛啊﹗雖然唔啱比例的…)…香港史地是本人飛佛嘛，行入去好似入咗迷你博物館咁，有啲物品好熟悉，有啲始曾相識，有啲係第一次見…睇得好開心…(呢件事 真詭異…山長水遠去睇這家店的分號？﹗

好了，既然來到呢啲咁有藝術氣息的地方…讓我也來寫番幅墨寶…各位觀眾…方鍾sir的sir字﹗嘩哈哈哈哈…





 


賽馬會創意藝術中心@維基

---

時間：2009 年8 月30 日
地點：賽馬會創意藝術中心
工具：Panasonic LX3

---

讓我跟風說一點後感吧。之前飯腳說過攝影迷思：構圖、器材、技術之間應該以那個行先呢…。其實我沒有太深思這個問題，小的影相其實很直接(即係紀錄性相片 囉…哈)，覺得眼前的東東影下會很有趣喎…就影了；覺得呢刻可以咁影，就咁影；無mood唔想較這個較那個，就索性auto聽天尤命了。巨蟹座，唔太理性 的…哈﹗

from子大：拍攝的迷思 V - 看法不一定相同？

from仁兄：拍攝的迷思 - 看法不一定相同?

from加大：看法不一定相同？