[港劇]軟硬天師《黑白彊屍》

Long time no see的軟硬天師復合了，我暗啞底最懷念的組合是《黑白彊屍》。

(唔知《黑白彊屍》係咩？噢，那證明你是年輕的一群了…)

我算不上是軟硬fans，當年湊熱鬧買了餅《廣播道fans殺人事件》，貪點題歌得意有趣，成餅帶都應該好笑啦﹗已忘了為何和同學交換這餅帶，直至最近買番隻《軟硬聯盟》補償番當年的失落，《最後今天》原來係講蘭桂坊倒數踩死人事件，《鈴通天地線》講玩line，《愛式》講 咩係愛…原來都好深﹗不過我都係跟風而已，屋企聽港台的我未親身經歷過「三史必」、「皮縷裙」、「I teach you in a Spanish way」笑爆咀年代。所以今次他們復出我很冷靜，到琴日睇報紙知道他們請天黎張劉郭做嘉賓，啊，真夠90年代﹗為了那一首萬人大合唱的《流行曲》和黎張劉郭，遲啲出碟買來看看啦。

合久必分分久必合，一個又一個組合團隊復出搵錢，每次坐巴士時看到龍炳基教煮餸時，我都會妄想吓2006版的《黑白彊屍》會係點﹗(只係妄想吓…)

自出娘胎就痴住電視唔放的本人小時候已是電視汁撈飯，撈到唔食碗飯只懂望住電視，食到《歡樂今宵》都未食完。兒童節目當然係必看節目，但奇怪我對當時的《四三零穿梭機》全無印象，所有對兒童節目的回憶都來自後來的《閃電傳真機》(還有那首克人主唱的主題曲)。我僅記得的四三零事物有：周星馳和譚玉瑛姐姐係主持(係人都知﹗)，首主題曲(我懷疑係後來啲兒歌集都聽返呢)和小學時(已做緊《傳真機》)重播的這套《黑白彊屍》。 

不要問我劇情如何，周星星好唔好笑，點解會有曾華倩，龍炳基又做成點(奇怪我一直記得他的名字)。時日久遠，除了記得二人角色是殭屍(廢話…哈哈)，記憶幾乎係零。不過我倒記得黑殭屍周星星常整蠱白殭屍龍炳基和一件肥仔(星星果真有恰細路﹗)，啲笑位係真 係幾好笑﹗為免令人覺得我講咗等如無講，找來以下一段劇情介紹：

黑殭屍(周星馳)與白殭屍(龍炳基)是殭屍一族的最後兩隻殭屍，彼此雖然終日針鋒相對，但卻相處融洽，同住一古老大宅內。一天，大屋來了一位保護古物研究會主席Beautiful(曾華倩)。她以研究古物歷史為生，為人和藹親切，充滿愛心，即使發現了兩者的殭屍身份，卻認為他們較人類還要有愛心，並與兩隻殭屍發展真摰的友情。可惜，黑白殭屍的外貌和生活習慣畢竟與人類不同，引起他們的鄰居譚博士(譚玉瑛)懷疑。譚博士專責尋找殭屍，欲把黑白殭屍帶回科學會作深入研究。隨著瞭解加深，並在Beautiful的求情和兩隻殭屍的真誠打動下，譚博士決定背叛科學會，協助他們把身份隱瞞。但科學會會否就此罷休？黑白 殭屍如何面對生死危機？Beautiful和譚博士又有甚麼對策，帶黑白殭屍逃出生天？

我懷疑，我之所以如此愛看周星星的戲是因為細到未懂事已看他的節目，潛移默化下不自覺覺得呢個哥哥好親切，對他的電視劇和電影未看都已有莫名的好感。當然， 當中很多真係好好睇，逢有記重播《家有喜事》、《國產零零漆》、《唐伯虎點秋香》、《整蠱專家》(四大至愛，當然有梅姐坐陣的《龍過雞年》都不能放過)等我都坐低一看再看，無記翻做《孖仔孖心肝》我又會錄低呢睇。可能我無留意，打從中學開始都無係無記再重溫到《黑白彊屍》的風采，出了VCD之後當然即時入購但又唔知放了在那兒﹗硬係無法坐低好好的看一次。

每次坐車時看到龍炳基煮餸我就想搵番呢套野出呢睇一次，但每次都尋遍不獲，激死人﹗
------------------------------------------------------------------------------
今天無意中搵到的篇「周星星之最」﹗來源來自台灣，我姑且試吓改番做廣東話﹗

所謂七大武器係：

1. 摺櫈(食神) 這個大家沒什麼異議吧 (七大定十大武武器之首，點敢有異議﹗)
2. 阿頭的善良的槍(逃學威龍) (《國產零零漆》都有枝相類似的，叫「蠱惑的槍」)
3. 拂拂拂拂拂拂…機(《大内密探零零發》) (呢套唔熟，唔記得)
4. 唐家寒鐵霸王槍(《唐伯虎點秋香》) (我鐘意唐伯虎啲詩詞歌賦多啲…)
5. 無敵整蠱箱(《整蠱專家》) (仲有誠實豆沙包和慚愧波板糖﹗)
6. 馬桶塞雙截棍(《賭俠》) (有呢招？我覺得賭聖拳勁啲)
7. 御賜尚方寶劍 (《九品芝麻官》) (仲要係明朝崇禎皇帝賞賜的﹗死未﹗)

所謂七大絕招係：

1. 「渣」X龍爪手(《鹿鼎記》) (太三級不好意思出街)
2. 天外飛仙 (《大内密探零零發》) (唔識…)
3. 大力金剛腿(《少林足球》) (雖然睇咗幾次，但在本人心水排名唔高…)
4. 無敵風火輪(《破壞之王》) (呢套無睇，唔識)
5. 巴黎鐵塔反轉又反轉 (《家有喜事》) (我鐘意玩泥時無啦啦咬斷手指隻假手﹗)
6. 還原靚靚拳(《唐伯虎點秋香》) (有呢隻拳就無人會整容了﹗)
7. 把你變個大字(《濟公》) 靠我們一致公認這是七大絕招之首 (無睇過，唔知…)

所謂七大劇毒係：

1. 我愛一條柴(《神龍教》) 發作時會對條狀物充滿反應 (唔記得咗個名添…)
2. 一日「陷」「包」散(《唐伯虎點秋香》) 一日之內武功盡失七孔流血而死 (味道仲好好添)
3. 含笑半步釘(《唐伯虎點秋香) 不能露出笑容也不能走一步路 否則爆炸而死 (真在係居家旅行，殺人滅口，必備良藥﹗)
4. 美國新藥 (《少林足球》) 別小看它魔鬼隊的贏球聖品 (無咩印象)
5. 化骨綿掌之毒 (《鹿鼎記》) 綠氣不能過手否則…….好悽涼啊 (海公公﹗吳孟達﹗)
6. 洋蔥(《食神》) 發作時會流淚還會在叉燒上滾來滾去 (有咩？)
7. 過期Cream (《整蠱專家》) (呢個武器…其實係唔覺意整咗啲過期的比整蠱之霸食﹗)

所謂七大美食係：

1. 甜在心饅頭(《少林足球》) (四兩撥千斤…)
2. 雞屁股 (《濟公》) 超越魚翅的美味啊 (唔識喎大佬)
3. 黯然銷魂飯 (《食神》) (呢個我記得喎反而)
4. 菩提老母的葡萄(《西遊記》) (係咪上集呢？菩提子好似係上集架…)
5. 狗飯 (《武狀元蘇乞兒》) 總覺得好想吃吃看 (無睇呀，唔知﹗)
6. 燒雞翼 (《唐伯虎點秋香》) (我鐘意食…但係你老母講係就快釘…越係快釘之所以越要整多隻，如果而家唔食以後無機會再食…)
7. 醬爆牛丸 (《食神》) 好吃新奇又好玩…… (希望我無記錯個名﹗)

相關閱讀： 周星星飛佛五大