謙

今日睇到一《人在中環》CK一篇謙虛解讀，提到張敬hins最近一些是是非非，進而談到有關這個字相關的處世之道，講到謙這個字就想起好些往事…

要做到這個字真係唔易架﹗

小的自小煉精學懶求學從來不求分數，但求達到Average上下，分數足以令媽媽滿意又不會差到俾老師鬧。小學(好像)未考過十名之內，最差二十頭，平均keep住十幾名咁。 由於小的高小時轉到間水準較好的小學，所以以上唔算太標青的成績家母都收貨了。而最精彩的是，小的這樣不太標青的成績被第一志願(注意是家母的第一志願)直屬中學收了，入到這所中學，誰理小學考第幾名？重點就是這所中學是讀這所小學的女生爭崩頭的頭號目標，記得當年吾班(注意只是吾班)廿幾個女生只有十幾個入到，不幸小的朋友都中唔到此獎，被派到騎呢中學樹。其中一位朋友的媽媽知道此結果極不滿，遠遠的俾啤本人說(重點是給本人聽到了…嗚)：「有乜理由佢派到…」…阿伯母，我點知喎…(這可是本人中化肥oral另外一個不解之謎…)

於是中學生涯開始了，本人都不敢怎樣分享中學新生活，就是怕被朋友覺得晒命。

這可能和謙字扯不上關係，不過這可是本人人生第一次體會到，表達喜悅(或曰自信？雖然本人一向不算自信爆棚的人…)和晒命可以是一線之差，說話內容要就對話對象修修改改…一不小心就會出事。

唔知係攞景定贈興，小的社名正是這類字…orz
************************************************
雖然小的是張勁囂/謙粉絲，說太多好像為佢護航呀呵？哈哈…

說實在近兩年媒體確係對佢注目多了，人紅的確可能會令人飄飄然，以往都有好多case係人紅了就語無倫次(諗起雪雪雪一句「邪不能勝正」)。睇番張生舊訪問，感覺是他一直很清楚自己定位，加上佢十七歲就出來社會做事，唱過夜場輾轉等到機會出唱片，又從國內唱到特區；我諗一個人就算幾持才傲物(我係覺得佢幾持才的說…)，話晒都係十年經驗的社會人，應該知乜野可以講乜野唔可以吧？又或者，來得太快的名與利真係會令人不知所措…umum

不過傳媒就係咁，瘦田無人耕耕開有人爭，自信會被解讀成臭串…這樣看來張生真的紅了…呵呵…

自信和晒命，真係一線之差。

(寫完真係好似為佢護航呀呵？哈哈)