Project Mission Impossible~序章~你學完日文啦？

um，其實我好怕人地問我「你學完日文啦？」咁，很直覺第一個反應是「咁你學完中英文未丫？」(丫字是重點)…呃，咁係喎，點解有人會覺得一樣野有得學完？之但係問既人又唔係出於惡意，咁小的就收起串咀反應啦…

都係講番project mission impossible…咁咩係impossible呢？

今年小的做了很多反常的事，包括忽然對棟棟圈圈棟棟棟的泡菜文有興趣起來。

其一是，日文學得相當沮喪(特別係…第n次接到肥佬的result時)，學是未學完，不過覺得唔知點樣可以再進步，再報course嗎？市面上的班要不程度去到日能一級，要不就商業日語，讀完…寫還可以，聽唔ok，講都麻麻，睇係最ok…。呃，咁其實回想當初學日文為啥？搵工？我唔識寫篇正式email架喎？(不過我覺得只要有上一手的剩餘物資參考和參考書在手應該ok既)煲劇？其實唔望字幕我都係估估吓架咋…聽歌？無歌詞在手也是估估吓…so far學咗咁多年最成功好似係…讀報和小說大概睇得明，幫同事睇book酒店火車的網頁也睇得明，算係有番啲成就感啦呵？

(所以呢，雖然努力煲泡菜劇之餘還是keep住開日劇來睇，試著唔望字幕估佢講乜，當係練習啦…於是煲得好慢。日子有功應該會有用吧？)

咁之前嘗試過西班牙粉感覺不對路(大抵我怕了那個尤如漱口的RR音？其實無乜得應用就係既…)咁學啲在香港接觸機會多好似好啲？起碼我隨手就有支SKINFOOD可以望吓佢寫乜喎…

其二是睇泡菜劇時發現有啲字跟壽司文發音很像(博友解說是因為大家都參考古代中文)，又有啲phrase發音直頭勁似中文(《瑪麗外宿中》對白有過句「同病相憐」﹗)這時忽然很好奇…這些棟棟棟圈圈圈究竟點樣formulate到一套語言系統出嚟既呢？(我唔係用嚟追星架﹗哈哈哈…睇我學咗咁多年壽司文都仲半桶水就知啦…)

前陣子有張某某書局的100蚊coupon，就去換了本書回來開始呢個mission impossible(暗號：要嬴人先要嬴自己﹗哈﹗我唔會變節改變我對壽司國的熱愛﹗﹗)…

實在，成日都聽人講學過壽司文再學泡菜文會事半功倍，我諗在於子音+母音的組合嚟講…會有幫助吧？都係背屬晒啲子/母音點寫就可以(但這時我發現…小的自小學以來鐘意將口字寫圈圈的怪習慣…令我將好多泡菜文都寫錯了﹗)。字母一關很快過了(很有成就感﹗)…下一個就係發音﹗嘩﹗真係勁開心﹗

十幾廿個(其實我沒數總共有幾多條)發音規則，甚麼弱音強音鼻音送氣緊音的…睇都睇到扯頭髮﹗點解要咁做呀？﹗(不過世上無被淘汰的東東自然有佢存在的理由啦﹗)…寫有寫法，讀有讀法﹗囧﹗(這時博友說要拋開壽司文的一套了)…看上圖…個讀音從寫法到一步步的跟規則轉來轉去…十足十中學maths計代數將啲xyz sub落abc再簡化來簡化去囉﹗

(扯了幾個星期頭髮，算係記下了一點…可以扯少啲頭髮了﹗)

ko了發音開始文法，望了一點，好攪笑跟當年學壽司/西班牙粉一樣，都係你係邊度人？你做乜職業？呢度有啲乜？啲咩喺邊度？特登編到內容都一樣的嗎？差啲搵番當年壽司文的初級書出嚟對照一番，寫番啲泡菜文上去就可以啦(不過整屋時扔了﹗嗚)，好得意的是三種文都有こそあど(which中文只有這裡和哪裡)…好奇妙唔同地方的語文竟然會有差唔多的東東？(咦…唔通我要去研究吓語言的發展？…呀，其實我有本講英文發展史的書未睇﹗哈哈)而，邊睇泡菜文邊諗番壽司文應該點寫，算是溫故知新吧？

(講起上嚟，雖然在play store((安卓market無啦啦改了個咁既名…))下了泡菜文字典…但無從入手點打字﹗((我見同同部三叔機有qwerty形式的泡文keypad，但我那個是跟num pad咁present，得10粒掣去打))…哈﹗《瑪麗外宿中》((係又係佢﹗))不停有瑪麗和無缺二人打sms的場口…咦﹗原來就係用啲點點棟棟砌番個音出嚟﹗((但有啲都係唔識打﹗囧))XDDDDDD…睇劇學外語果然是我的嚐好)

講住咁多先啦…再續(扯頭髮…)。