林窿大戰鄭視帝

自琴日讀報得知鄭視帝加盟英記之後，我腦中就浮起title的這一句「林窿大戰鄭視帝」，究竟佢地邊個會喺出年《勁多蝦碌總選》度分到亞太區、最愛歡迎男歌星和金曲金獎呢？

跟住有篇仲攪笑，將同期加入英記的羅力威，加上鄭視帝、林窿、謝lemon合稱為「四大chok王」﹗哈哈哈哈﹗乜羅力威係「港版言承look」？﹗咁京京？因為小的唔睇亞記，上年喺敬hins馬交演唱會先第一次聽港版言承look唱歌(不過篇文我好似完全無mention過港版言生做嘉賓的事？)，是滿ok的，只是加入了呢家盛世公司唔知會點打造佢呢…

um，都係講番鄭視帝先啦(可見我對佢既欣賞之情有幾滔滔不絕？)，報導說吳雨大哥豪言一番(又令我諗起n年前paco跟万刀甲的08年最受歡迎男歌手豪情壯語，有時講咗真係收唔番的說) ，話今年要為鄭視帝打造一首街知巷聞的金曲，再開演唱會，加上年尾播的《怒火街頭2》，誓要為鄭視帝再創高峰云云…嘩﹗攪到我好期待添﹗會唔會開埋電影呢？n年前視帝的《假男假女》好好睇喎其實…(咦，我不是視帝暗粉啊﹗雖然《怒火》是好睇的。)

然後我又在諗，其實係咪見林窿拎獎拎到俾全城圍插，於是無記先加多個鄭視帝去搶獎，分散大家注意力呢？咁而家唔夠分喎啲獎，英記仲有古眼神，金曲金獎仲可以有容天后爭…。呃，講起古眼神，真係feel sorry about him，轉會是為了再創高峰吧？不過觀乎佢轉了去英記後，好似除了發佈的記者會最grand最有氣勢之外(坐晒龍椅咁丫嘛)，其餘時間出碟開演唱會都靜英英的，跟住在《勁多蝦碌》度例牌地拎個「最受歡迎男歌手」獎…之後呢？﹗無啦…而家成篇鄭視帝加盟的報導都無特別mention古眼神，真係有啲慘…咁…又真係無計…

well，另外，我想問而家英記係咪取代咗甚麼「正視音樂」成為接收無記藝人出碟的主要唱片公司？(neway？另一家？)，鄭視帝、林窿仲有王祖藍，oh﹗不過無經理人約(which is係最賺錢的吧？)，淨係出碟和攪演唱會其實可以賺幾多呢？攪一個演唱會製作費不少喎，而家出碟又唔賺得幾多(又說最主力會買碟的人…aka：少女，會買鄭視帝和林窿的碟？)，咁點維皮呢？

淨係講想睇佢地爭獎好似好mean添…老實說我真心覺得林窿唱歌是不賴的(其實我有睇佢演唱會…哈哈哈)，只是背後動力好似做得太出和太盡，咁香港人憎人富貴厭人窮的嘛，就算你好人好姐，見到有咁多在上位者為你出心出力捧上天都不會看得順眼啦…我在想…其實加入鄭視帝係咪想分散大家對林公子的厭惡感呢？﹗﹗﹗﹗﹗

又貼，呢首我覺得堅好聽的…哈哈哈…

之前夜晚某日見到tbb播一個鄭視帝的節目，佢話佢之前喺寶記無一首代表作(又係喎﹗講陳妖窿我即時諗起《心理遊戲》先啦﹗) …um，都唔係無既：

呢首「呀~~~呀~~~呀~~~~飛出戀愛街」都係一時之選呀﹗(笑)

以上。