蒲啡曬.傾《襟吐咪錶鐵拉呼安史地柱演唱會》

攪到個演唱會名咁樣，死未﹗(我可能會被林公子粉絲打…囧)正式名字係《Come 2 Me Beauty Live On Stage演唱會》呀…XDDDDD
首先我得嚴正聲明：我係唔buy佢架﹗(可能睇得《尋秦記》太多…)…咁啱友人係林公子狂迷，我咪跟埋去睇囉，果然這是一個很有娛樂性的演唱會﹗

老老實實，林公子係唱得不錯(特別係TBB親生仔女堆中)， 典解我咁頂佢唔順呢？﹗um，也許係無記谷得佢太勁吧，你明嘛，當由朝到晚不停見/聽到，幾鐘意都會覺煩(而且本來已經不…)，跟住無記好似驚佢唔夠紅仲要整多兩腳，先嚟上年無啦啦整個《峰情無限演唱會》(真係好似鹹片名…)((好了，入行一兩年就開騷，側田、Janice都如是…不是林公子獨有了…))，跟住無啦啦做咗亞太區男歌手((咁我諗電視劇威力真係好勁既又…))，跟住又無啦啦做咗prof((無抄的話…我寧願信我係男人囉…跟住成堆男女主角出嚟護航，睇見都辛苦…))，又無啦啦整套《jade pearl》電影((那張poster想點？))，無一樣不令我覺得無記在愛林公變成害林公…。不過又引番20/80定律，只要俾到最多revenue既20%人鐘意佢，又使乜理另外那受不住的80%人呢…

((胡囧囧一定好心傷，同樣係死谷爛谷，點解林公子越谷越紅，自己越谷越囧…))

Anyway， 撇除本人係那80%，評心而論…林公喺演唱會度現出係相當OK既，意外地(係意外地…)佢勁歌熱舞竟然相當好睇﹗，其實佢啲慢歌我真係聽到悶出鳥來，怎麼首首都差唔多(曲式和歌詞…)，就連電視劇歌曲我都係聽到副歌先知係邊首(放手…放開所有…我剩係記得呢首叫《愛不疚》…)…；快歌其實我都只係識兩次演唱會既主題曲，但曲式和內容實在係醒神和有特色多，起碼我記得有首不停唱住"hello"一首不停"morning"…

據林公子言，佢話唱得太多慘情歌，今次新碟加多咗啲devil(﹗)既快歌喎﹗(上面說既兩首都係《襟吐咪》新碟的)

啲慢歌我真係唔知邊首打邊首，現場大合唱時我就擔天望地，同埋上吓網做吓現場直擊咁囉。納雜後感各下：

• 個camera man成日都將部camera快上快落，喺台上個大電視睇到人眼都花。跟住唔知做乜應郁時又唔郁，變咗影實女dancer條褲(﹗)，有位女歌迷被邀上台和林公共舞，跟住最後佢瞓咗喺張床度，個camera man就咁水平影住張床…咪…就係…淨係睇到個女歌迷既…好似睇緊鹹片啊﹗
• 阿林公子個頭染咗白色，頭頂一堆黑色頭髮咁，橫睇掂睇都係似一舊飯糰…
• 不知何解林公只要稍為fe一fe開件衫就會有人尖叫，放煙花又尖叫，有風吹起佢年外衣又尖叫(咦﹗呢吓光一王子好鐘意架喎﹗)，唔知做乜踢水龍頭爆水又尖叫，放火又尖叫，連林公眨眼都叫…我以為自己睇緊J家演唱會…
• 啲間場片好鬼賣廣告，狂影住贊助商隻錶都算，最爆係喺encore之前無啦啦播《襟吐咪》mv，無啦啦同今年啲候選港姐賣廣告…而那個就係全晚最令人期待既廁所位…
• 林公子成日偷笑，好好笑…係「嘻」一聲那種少女既笑聲喎﹗
• 除紙山啲舞好得，夾埋佢個串貢貢既樣真係好掂﹗反而K歌…um…其實佢以前係咪真係dancer嚟架？﹗
• 佢出場時坐住那架疑似銀色跑車物體未免太似紙紮公仔了…
• 我琴日寫文先講完陳天后，佢晚上就去做嘉賓唱《大日子》…好驚啊﹗好唔慣佢著平底鞋…
• 個台好似好淺吓，啲升降台降得一半就見到林公要彎低身貢番入台底，跟住啲道具(床呀、琴呀咁)係見到啲工作人員在狂拆…
• 最爆係encore前有個布幕出嚟，跟住就喺那塊布上面project咗《襟吐咪》個mv，播完就到王祖藍出嚟。佢出嚟不是重點，重點是，布幕從天花跌下來到台上時，係一堆工作人員在台上快快手咁執走塊布囉﹗囧﹗咁low tech既﹗
• 有首歌林公係邊彈邊唱…而那個邊彈邊唱既意思係唱完一句彈兩粒音…唱了一段後就起身俾另一位哥哥彈…吓？﹗彈完架啦？﹗

我係咪好認真咁寫後感報告呢﹗﹗﹗哈哈。雖然佢真係好靚仔吓，但我都係…仲有啲頂唔住…。um，我係支持二少架﹗哈哈。楊怡都係做番勝雪好啲﹗呵。

相關報導

認真的說，這首《襟吐咪》係幾好聽的…哈哈﹗