午餐新歡~ SaVoye Bistro

下一站天后這區搭車常經過，但停下來走走就極少有。因友人推介某餐廳…於是蠢蠢欲動去試…

典知，人生最老土既事係…我連續兩星期一補假，但該店卻逢星期一休…囧﹗不來白不來，走著走著睇吓有乜好食，於是就遇到這家Savoye，見大家都係食西餐，lunch set也是80~100蚊上下，那就試一個啦。

店子以啡木為主…真係幾relax吓，四處櫃子內又放著各式酒樽，幾有氣氛的說，睇開飯話原來《閉ai門》曾經來此店拍外景…不過我都唔知架啦﹗哈﹗哈﹗哈…

想話啲擺設幾雅緻，不過啲酒都封了塵…囧﹗


 

忌廉粟米蓉湯，賣相和味道都一流…個包熱辣辣既，感覺相當良好。set lunch除了一款固定既湯，仲可以選沙律，又可以加廿蚊轉第二個湯，圖中那次…好似係龍蝦湯甚麼的，又或加50蚊轉帶子甚麼沙律，見隔離位兩個西裝友食到津津有味既…又攪到我好想試添…


 

(極速encore了一次…勁嗎？﹗哈哈哈)這回餐湯係菠菜忌廉湯，個人麻麻地喜歡，就加20蚊試圖中這個忌廉鮮蠔甚麼湯(我真係好唔在行記食物名…)…一端上枱就聞到香味樸鼻而來，忌廉吸收埋蠔、煙肉和蜆肉的味道…好好味啊﹗呵呵…(但可以走青嗎？﹗)



main course先試一吓pasta(好似安全啲…應該不會易中雷吧？)…無記錯既話呢碟應該係香草乜野雜菌意粉？﹗個汁望落去超濃超杰，同埋感覺好似幾油， 但食落又ok喎﹗又唔覺有陣油gel住個口，個份量又剛剛好，除了我挑剩既紅/黃椒和洋蔥，其餘我係全部食晒架﹗

這個應該係甚麼日式醬汁澳洲牛扒，又係…無走青…囧﹗(西餐好似…無乜見蔥花架喎﹗這是fusion？)個汁有點醬油和麻油既香味，清清地唔肥膩喎﹗啱 啦，呢水腸胃不太受得味道太濃的食物~。件牛扒當然不能要求太高，肉質還滿嫩滑的(佢經過到我隻打橫生智慧齒la考驗，即係呢，如果啲肉太粗…好易係攝了 喺牙la度…)…不過我在想，這件肉細細地又係剛剛好夠我食晒，男士咪唔夠飽都似…


最後既咖啡茶，可以加20蚊多個甜品。聽到係creme brulee又試吓啦(如果係bread pudding我會更開心啦…哈哈哈…)，即係呢…creme brulee應該很難整得不好吃吧？﹗不過就比我想像中細兜少少囉~

啊…店子係有免費wifi既…但我無試啦，求其gprs就算。

另，店子既哥哥仔見你吃完一樣很快就會過來收碟同加水，很有效率的說~

睇openrice先知原來此店喺開飯頗受好評，咦，咁又多個地方開補假飯了~ (仲見到附近有家日本野喎﹗)

SaVoye Bistro@開飯