幸福天后~Kelly媽

其實…和容天后一樣，陳天后我只喜歡初出道幾年既佢(同埋啲歌)…之後嘛…硬係睇唔順眼…(謎之聲：我越唔意係會越紅架喎﹗)

舞吧舞吧唱出功架﹗飛奔的天馬﹗~~~~


《打開天空》確為我等帶來相當既娛樂(見呢張碟：萬X路RED HOT HITS)~~從旋律裡講說話~而其實四人之中，女子組我係比較鐘意邱穎欣(我好似講過好多次﹗﹗哈哈)，佢既《艷陽天》和《有你以後》新人嚟講真係幾有功架，又據說邱小姐係千金小姐，出唱片只係玩票，年初既頒獎典都沒有去，要其他人些牙埋佢唱既部份呢…

《火熱動感啦啦啦》年代始終係久遠(雖然作為郭迷既我係細細個就聽…)，同學們都唔識嘛，而這首《打開天空》大家就有共鳴和回憶啦﹗

又講開又講，睇番個MV，見到三位陳氏族人既發展真係幾感概的說…(呀，我又諗起天后為了不做四人中最大那個所以將年紀報細一年了…)

初出道既陳天后被譽為王菲和林青霞混合體，但我點睇都覺得似鄒靜囉(據說陳天后曾為此事而黑面的說…)…umum…耶﹗我愛夏日長~~~~哈哈哈。anyway，初出道時陳天后一頭短髮，cool cool地既外型勉強有點王菲feel吧(會唔會被陳天后粉打呢我？﹗)好了，當年既我頗喜歡陳天后這種氣質既，就dub(係，係dub既…)了《打開天空》隻碟來聽，喂，不同於邱穎欣既抒情歌風格，首《醉迷情人》係酷酷又有型的﹗

當年無啦啦迷番郭城城既我係專登去睇《仙樂飄飄》，於是就愛屋及烏聽埋陳天后隻debut碟(是叫《一切很美只因有你》還是《醉迷情人》？)，呢隻碟係翻兜了《打開天空》和《仙》片ost既歌，都幾慳水慳力的說…不過唔緊要，當年買碟緊要過食飯既我還是買了…當中很喜歡這首《我會掛念你》，送機用一流﹗我會掛念你~~~~當星光優美~~~~~陳天后也不止一味cool既…(另，碟中另一cut《唔關你事》活用度都很高既﹗哈)

啊…我又好喜歡《風花雪》個封面…呢隻碟啲歌又係相當不賴，又，當年雷仲得啲歌又真係幾得…(雖然唔知佢有無抄歌啦吓)，《風花雪》好似係曼克頓信用卡廣告歌(好似係有啲tieup，exactly唔記得了…)，差不多時期蘇永康又有呢個信用卡既特約節目主題曲《深夜宣言》喎，讓我覺得首歌同張卡都好stylish…大個一定要申請﹗但到我申請到既時候…佢就係商台show既儲分工具，一啲都唔stylish囉﹗

《懦弱》係《風花雪》同碟sidetrack(定主打呢？我唔記得啦…)，好喜歡好喜歡呢首歌，當年唱k必唱…原因不明…(mv內陳天后個妝好得人驚地濃…囧)

啊，我覺得容天后和陳天后都係講野不行的…

點解呢首和"乾"合唱《紀念日》無mv睇架？﹗"乾"當年有乜歌我已經唔記得，淨係記得呢首，但我個人比較喜歡和鄭中袖合唱既國語版《製造浪漫》…(我認真到連國語碟都唔放過架﹗第一隻國語碟既《我不以為》和《青烏》都幾好的說…)

如果我無記錯既話，收錄《Lover's Concerto》隻碟應該係《我要看齣戲》同碟，而《我》係一首相當經典既cult歌，也是一期唱k必唱既…而呢首《Lover's》好喜歡個鋼琴background，舒舒服服既…

應該係2000年上下出既《Take my hand》，不知何解會買了隻《花花宇宙》，但我唔鐘意呢啲懶係dance beat既歌喎…咁咪煲《take》呢首抒情慢歌…比起再後期既hit歌，呢首啲詞係無咁突兀，個感覺襯番陳天后既高貴feel嘛…

和馮大導合唱既《北極雪》，也是我覺得好好聽既國語歌﹗(其實我覺得很這首很適合做迪迪尼既主題曲…)

我係神心到連陳天后既日文碟都聽埋架﹗久聞她曉日文嘛，但睇某集她上kinki既節目…啊…umum…會唱和會講係兩回事囉…呃…

這首《Ask》日文版係某年勁歌總選陳天后得女歌手獎後唱既，一聽就好喜歡，廣東版反而無乜feel，近期黃偉文哥哥有篇詞人背後既文講起先知，原來佢份詞係講社會問題架﹗我一路都以為係普通怨情歌咋喎﹗

*****************************************************
選既全部都有番咁上吓年份了，係呀，我真係buy以前既陳天后多啲，你睇我都唔似會鐘意聽《希望》、《他約我去迪迪尼》那些歌吧？﹗

佢都係集體回憶~陳曉東 (順便推吓陳小東先~)
[今期熱播﹗﹗﹗]勁歌熱舞陳曉東《SO HOT》

我看勁歌頒獎禮… (其實我是越來越頂陳天后既言論唔順，佢和容天后都需要經理人為她們修飾一吓囉…)