地獄式慳家~《攢錢羅曼史》

話說是琴日在pixnet啲「你可能感興趣」的文無啦啦click到的，話劉亞仁、張某碩和女林哥哥都在電影有癲覆形象演出嘛，咁小的即刻click入去睇吓點癲覆啦…車…原來就係《寵物情人》扮狗狗…睇落去…就發現題目呢套戲…女林哥哥演無業頹男喎﹗

越睇越有興趣(卒之睇完)…呃，話說小的都正在地獄式慳家中，女角在戲中呢，疑似男友問佢睇唔睇演唱會…佢第一句就問：「要唔要錢…」…呃…前陣子友人問起同一個問題…我竟然又問了同一句…嘩﹗好驚囉﹗

um，其實小的是沒太多理財觀念(果然我是沒天份做金融大亨~)，呃，也有點享樂主義，有十蚊的話小的可是使到一蚊都唔淨的(定係唔使突已經好叻？)…

話說呢，自從一月(要我自己打去稅局問先得知要交幾多)稅務月(嗚﹗點解我咁窮都要交咁多？仲要唔早啲寄俾我呀﹗一路都收唔到囉﹗打去hotline問時聽到個數差點暈低囉﹗)， 新年後家有喜事逼不得已多了筆使費，踏入2012年後啲錢係唔知去晒邊，呢三個月幾乎係約friend食飯以外的時間都慳家mode on…當小的以為鬆一點可以放肆出吓門的時候又無啦啦有一筆洗費…囧﹗已經報咗恨錯難返，唯有進入地獄mode…每日使50…

好在小的多數留司吃飯，減了返工的車費後仲有十零廿蚊放工時可以買吓零食篤吓魚蛋，滿足吓購物欲咁…如是者經過一個月後，總算省下了一筆，好有成就感…(呃，那不就是之前洗得太開心所以攪到而家逼不得已才要慳？)因為就住就住，會發現好多平時覺得無所謂啦~的行為…例如去史打北買杯野hea咁，又或者time gap等人去睇場戲咁，頭髮長了就自己修修佢就算(這是長髮的好處…哈，但pat留海長到遮住眼了((可以扮黃泰京單眼郁﹗))…好煩﹗)少少地幾廿蚊一次儲埋百幾二百蚊，又夠捱幾日的了。(對上一次幫襯pcc…是二月定一月？)

戲中有一句對白話：為了追求幸福，於是變得唔幸福…都係喎，買野係一時快樂，之後望住張單就好唔開心…(呀，好在找埋二月張單，三月張單就回復正常了…即是說4月會得救…)

望住女主角層出不窮的慳家技倆就忍不住會心微笑了，小的又唔會去cafe tart糖既，但小的有同事是每次行過公司樓下的*$會拎佢一疊紙巾(cashier望唔到嘛﹗)，於是佢從來都唔使買紙巾喺枱頭用。小的鐘意食麥記時叫佢俾多幾包茄汁…於是屋企儲堆勁多…多到可以俾娘去整咕嚕肉的說…

如果無乜特別繼續keep住呢個快樂每日50，今年應該可以儲到幾多錢吧？

另外的：
我是…濕平魔…嗎？
我cheap故我在
我cheap故我在2之入會狂迷 

延伸閱讀：
百物騰貴的證據…
百萬富翁的頭腦

另一篇：如何變得更慳家
**********************************************************
哈哈，that's why我睇呢套戲睇得咁投入囉﹗

睇番先知原來呢套戲同《寵物情人》差唔多時候上，其實個角色設定女強男弱都好似，然後張poster女主角御姐樣個男既就卑躬屈膝又是好似…而呢位女主角姐姐韓藝瑟(不必問，我唔識﹗係正常架喎﹗XD)poster上勁似范冰冰，戲入面又有啲似陳松伶，好詭異﹗(佢對眼圓得…呃…係咪整過架？同大物幫襯同一家店的？)

啦啦啦，講起《寵物情人》真係把鬼火，個故事單薄到不行，感情位又odd，純粹睇主角二人行嚟行去…呢套野設定是有點似的，不過情節上是豐富啲，雖然結局還是攪了點小狗血，但好在都不太過，個happy ending也算流暢自然…係好好多囉﹗唔該﹗

一開始阿守財奴洪實(韓藝瑟)無啦啦誇過一個天台去對面個天台…o咗咀…成龍嗎？(還是呢個係笑位？)佢因為要省錢除了執玻璃樽，養雞取蛋，將垃圾塞去人地度，十里內地方一定要行(呢幕智雄係喘晒氣的行到…好好笑)，仲有組結婚扮嘉賓公司，再tart人家的食物，然後又執舊野拎去買，手法層出不窮，只是現實好難跟呢？

(佢收留千智雄((宋仲基))呢吓真係同《寵物情人》一模一樣﹗)

千智雄個名讓我想起大雄…哈﹗佢係無業遊民，得把口又懶又hea咁(咦，校草哥哥乖學生樣做壞事時特別可愛…如…睇甜品﹗哈)，無錢就叫阿媽俾，到阿媽幫唔到佢又無啦啦被洪實收留就依賴佢，雖然洪實都唔係話想教佢乜野(用佢個身份啫…)，但過程度又build up咗互信，最後睇住洪實俾個衰人呃晒啲錢(來自香港的金融騙子﹗)，智雄竟然捨得將陪住自己的奧迪電單車賣咗，幫佢買番懷念母親棵樹之餘又應承陪洪實兩年內搵番無咗既兩億…噢﹗大個仔了~

<<<唱得巧難聽呀…XDDDDDDDD

唔好意思我完全ignore咗范爺+松松姐姐混合體的女角淨係望住校草哥哥…哈

咦…食煙危害健康喎，好孩子不要做﹗

係咪因為《寵物情人》太得我驚呢？呢套戲其實不甚浪漫(是有一點少少的溫心位)，不得十分惹笑(會心微笑是很多的啦)，而且見佢差唔多成兩個鐘真係嚇親，但又無乜悶位，感覺是十分ok喎﹗還是因為呢輪窮所以睇得特別投入呢？