2012/05/13

[韓劇]《城市獵人》

我覺得呢套係so far睇得最滿足的一套喎…劇本係難得地好完整無爛尾﹗又說,最衰係前一篇抓圖時唔覺意劇透了(所以是一路睇一路心up的說…)…唉呀…

睇完諗起《狗與狼的時間》和《魔王》(泡版的),我諗我都係buy呢類節奏快,情節環環相扣的劇…

(謎之聲:即是說…難怪我咁頂《愛情雨》唔順…即係呢,唔係話一定要分分鐘都有爆點,又或集集都要bang bang聲的快爆前進,咁愛情劇都可以細水長流既,或者只能說我投入唔到仁河叔和允熙姨((注意係中年的二人))的愛情世界度囉…劇情越描述佢地我越頂不住,自動波ignore了劇情所以覺得無進展?…呃…傳說有成24集…仲有咩可以拉到布呀啲劇情?究竟我會唔會頂唔順棄劇呢?﹗囧﹗)

噢,OT了,不過說,唔好劇透﹗請自skip。

李潤城(李民浩)跟孟波是沒關係的吧﹗究竟點解佢向五人組報復時要自稱city hunter呢?﹗一個謎﹗而另一個謎是…乜你覺得戴了個口罩,而佢係keep住同平時一樣的髮型就會無人認得佢?佢當自己係美少女戰士嗎?典解連呀金英株檢察官都要親手去除佢口罩嚟確認佢就係李潤城?第三個謎究竟佢有無死呀??????結局佢同金娜娜在機場(?)相遇後轉個頭佢又在揸車了…咁即係典呀?(是會拍續集?)

維基又可以LINKUP到劇中每人原型係漫畫的邊個喎﹗咁神奇﹗

李潤城都幾慘,俾自己叫住阿爸的人從媽媽度抱走,然後訓練成殺人工具,除掉五人組過程中跟阿爸多次意見不合,到頭來自己原來被阿爸用嚟向終極大佬報復,呀…巧慘啊﹗但很難得的…過程中又有白血病又有原來以為係我阿爸的人竟然唔係我阿爸,仲有阿妹差啲愛上親生阿哥(不過呢一段係唔重要的),雖然有呢啲老土元素但出嚟效果係一啲都唔娘,主線都係阿爸跟李潤城向五人組大報復嘛﹗


一開始李潤城搵金娜娜(朴敏英)做代理係咪特登既呢?植中大叔托佢要照顧娜娜嘛﹗李潤城跟金娜娜條感情線其實都有齊娘爆元素的:歡喜冤家、不知不覺愛上你、愛在心裡口難開、為你好所以要離開你、沒有你還是愛你呀咁,突破的是一貫的男角救女角之餘,今次有女角救番男角為佢擋子彈了~

好鐘意李潤城話金娜娜似大笨象又成日毒舌地叫她做熊娜娜,初初佢個來電顯示明明打了金娜娜,後期改了做熊娜娜…哈哈哈﹗好好笑﹗而圖中呢個水池圖…打完第一個大佬後二人跟兩個小朋友玩水一幕好sweet~~(雖然濕身又是一個常見劇情了)

係啦係啦,劇本厲害就厲害在城市獵人報復五人組的主線,仲插了很多愛情親情,而啲人物係好世界真細小地炒埋一碟:李潤城對李鎮標(父子)/對金娜娜(愛情)/對植中大叔(大叔之餘仲似母子…)/對李景熙(初頭以為被阿媽拋棄…),在發現總統係親生阿爸和第五大佬之前仲有敬仰之情添喎,然後金英株阿爸就係害到金娜娜父母遇上致命交通意外的兇手,仲收買咗植中大叔改口供,環環相扣就係話呢班人一開始好似無咩關係,但慢慢打吓一個大佬打吓一個慢慢解謎,之前有好多「點解佢要咁做呢」之謎,例如李鎮標做乜要抱走bb李潤城,又或者植中大叔點解咁在意金娜娜,又或者點解金英株要做長腿叔叔,仲有佢同世熙既關係…呀,又可以合理地解晒喎﹗


咦,講講吓完全無理到朴敏英姐姐添﹗佢都係做呢啲外表柔弱但實際堅強的角色吧﹗金娜娜和金允熙除了唔使女扮男裝外其實性格都很相像呀…

另…其實最後金娜娜阿爸係咪無醒到?又說,係咪要就番李民浩和朴敏英二人高度分別,明明開始金娜娜成日著平底鞋,中間開始佢成日著高根鞋了,因為李潤城買起佢間屋佢唔使交租所以有閒錢買令衫令鞋了?

另另…朴敏英跟某人在國內代言果汁了…會有機會有香港買到嗎?????(嚴重誤焦點﹗)



金英株檢察官(李浚赫)…典解你要死呀﹗仲要可以跟世熙重修舊好先死﹗嗚呀…

(佢係繼鄭仁代表後另一個睇劇見到「呢個男二巧令仔喎﹗」之後就發現佢要入伍了…會有第三個嘛?好危險…哈哈哈)

作為恐咬城市獵人唔放的檢察官,阿金檢察官無疑係好落力既…但我想知點解佢次次收到啲線報都唔整理吓夠唔夠說服力,就轉身走去搵個相關的當事人…唔驚打草驚蛇嗎?另外,究竟檢察官係代表法院定警方既呢?(睇《壹號皇庭》香港的檢察官係代表律政署起訴犯人架嘛﹗)…即係呢,香港啲檢察官係唔使跑嚟跑去自己搵證據咁辛苦,睇金英株和《梨泰院》的檢察官(即係《愛情雨》個仁河叔)要辛苦自己親手搵證據咁,咁警察淨係負責拉人的嗎?又說阿部長同金英株講過「佢地做唔成律師」咁,咁檢察官應該係司法一邊的代表吧?(我睇得太認真了?)

另,金英株因為愧疚自己父親對金娜娜父母的作為於是化身長腿叔叔送吓野又寄吓信俾金娜娜,咁長腿叔叔呢個名又有無俾版權呢?﹗

陳世熙(黃善熙)乜原來係負責青瓦台警犬?﹗(完全miss咗…)又說佢做乜專負責替李潤城等人中槍治療?﹗

又難得地…佢係一個唔討(我)厭的女二(三?anyway),即係呢,佢唔係為了搶男一而攪事(係,常見劇情),而且挑通眼眉,幫李潤城擋住金英株,知道幾多就算唔會多口問,也不會隨便向人透露,即係呢,有智慧囉~

不過最慘既係,佢可以同金英株復合的時候…金檢察官死咗喎﹗

本來我覺得總統小女兒崔多惠(具荷拉)會有潛質成為討厭女二一類,咁佢成日纏住李潤城嘛﹗而且都似任性千金小姐一類,仲以為佢會玩死金娜娜和申恩雅兩個警衛官時…又竟然同佢地成為朋友,句「姐姐」都叫得真心喎…

本來(又是本來)自從劇情講到佢阿爸崔應燦就係第五大佬時,我仲以為佢在慈祥樣子的背後會有乜野奸計,但原來佢真係為掃蕩行為感到愧疚,而且也真準備好李鎮標嚟攞佢命喎﹗估佢唔到﹗前四個大佬都有啲浮誇奸樣襯住嚟做衰野,崔總統反而係釋懷「仇家」終於搵上門了…

噢﹗呢個反高潮真係夠晒反喎﹗

Last but not least,阿城市獵人著crocs﹗哈哈哈﹗其實呢…著鞋唔著襪呢…我成日覺得會焗汗有臭腳架喎﹗但阿李潤城除了化身成城市獵人做野時會著便服鞋之外,多數時間都係呢個著鞋唔著襪郁﹗究竟係大方兼老實定老土兼核突呢…(又說某人在《愛情雨》度都有著鞋唔著襪喎…哈哈哈哈哈…)

最後又講多句,好難得呢套劇真係無乜位我會飛(又…真係無喎﹗)…在我頂唔順《愛情雨》又要睇的時候…真係多謝李潤城同王柿子陪我渡過呢段自瘧的歲月了…

上一篇:[日/韓劇]《爸爸是偶像》、《城市獵人》


最最後容我貼埋呢個小時好鐘意的港版《城市獵人》…
劉華唱的主題曲…好正啲歌詞…噢耶﹗~

沒有留言:

張貼留言

要講幾句嗎?﹗XD