2012/04/24

[日/韓劇]《爸爸是偶像》、《城市獵人》

先講這套次世代《巨星夫婿》吧﹗

一路睇一路覺得係《巨星夫婿》啲friend喎﹗(因為我無睇過1987年的《偶像媽媽》嘛﹗中山美穗我有印象已經講緊《情書》啦~)
無計啦…鬼叫佢係大明星邂逅平凡女子,之後走進該女子的平凡家庭,起初其他家庭成員都反對喎﹗似﹗
  • 之後個明星又係極力保護戀愛的幼苗,寧願自己無得瞓偷偷摸摸都要爭取相處的時間(包括換裝啦…)﹗似﹗
  • 之後屋企入面個高(?)中生又一定係反對,而老人家又覺得難得個女搵到真愛,是支持佢架喎﹗似﹗
  • 阿女主角優香和當年的小櫻竹內結子都係小鳥依人型的,似似似﹗
  • 想當年阿櫻庭裕一郎話因為自己係孤兒,所以好羨慕小櫻一家大細好熱鬧,於是好想同佢快啲組織家庭,咁今勻向錦戶亮(佢個角色係本名演出囉~)個角色又係咪無家人既呢?唔見佢話結婚時要向父母報告既?
  • 又一樣唔似﹗係二人張結婚申請書係俾優香媽媽私自拎去申請了…而唔係二人親身交的(咦﹗咁《瑪麗外宿中》既﹗雖然張form係二人自己填既)
um,似完一大輪,最唔似就係錦戶亮和關8本名演出,件事都幾詭異的,全程阿麻生同學(都係鐘意咁叫阿亮哥仔)就係做番自己,一時同關8上綜藝節目,一時又拍劇(但詭異的是…拍消防員劇喎﹗係咪《rescue》呀﹗那套是KT中丸做男主角喎﹗),一時又唱歌出碟咁…有啲真人show feel…但見關8之間成員互動戲份不多…無乜得好奇吓咁喎﹗就第一集而言,講阿麻生同學工作點忙…點樣做到嘔中,跟住穿插J+人(詭異到爆﹗TOKIO城島茂竟然有份演一角﹗跟住又有ARASHI友情客串…)其中…其實ok好笑喎﹗

講起客串,第一集有堤幸彦,第二集有笑福亭鶴瓶(《虎與龍》個組長﹗),加埋主要演員之一的江成和己(也是《虎與龍》的jump亭jump﹗)…可唔可以請長瀨大叔來客串一番呢?件事好宮藤官九郎喎﹗(off topic了﹗…但啲串星好似仲精彩…)

呃…又說關8其實不是(我的)看點啦(哈,我本命不是這隊啦)…呃…即係呢…呢水爆出仁哥仔奉子成婚攪到被雪又被罰的新聞嘛,同係J+的麻生同學呢個時候上套劇又係講藝人唔理經理人反對私自決定結婚,真係人生如戲戲如人生啊﹗係咪J+見反正仁哥仔呢單野咁爆,肥水不流別人田,要串人不如先自串呢?

好了,講埋,優香三個仔女,大女愛理不理的,二仔疑似隱閉兒童一味上網(疑似search錦戶亮啲緋聞那一幕好好笑),三女好可愛(佢打開書枱見到都係嵐和櫻井翔的相我大笑了…)…嘩…想話好《家政婦三田》囉﹗可以推斷,之後的劇情就如《巨星夫婿》咁,女婿為了得到家人信任努力幫家中各人解決問題…怕且…大女會有戀愛問題…二仔可能被欺凌…三女想要爸爸?而佢應該係最易解決的一個…至於病緊的婆婆…可能係女婿幫佢解決性命之憂啦~

如果繼續輕輕鬆鬆(但又實要賣一點((懶))感人和親情)的話,都應該不錯看的說。以上。

劇集詳情在此
*********************************************************
某朴友看完大讚不已(指男角),加之於見女角係《成均館》大物…順便挑一挑囉…(於是…說好的《黃真伊》和《仁醫》是完封不動未郁過)

之前(咦﹗上年咋喎﹗都唔係好勾池啫)某韓劇達人博度望過吓…一路疑惑跟日漫《城市獵人》有乜關係…原來係有架喎…不過將背景泡菜國化了…

呃…我想話我小時看孟波看得很入神,劉華的「mark哥話我知,batman話我知」主題曲小的可是唱到滾瓜爛熟(於是讀書不成…泣…)…then除了無記播的卡通版外,連(我極討厭的)成虫大哥及周文健的電影版都睇勻…情意結使然,小的對這部泡菜ized的版本頗有期待的說…

果然是泡菜化了…怎麼又加了南北泡的東東?黑麻麻關係加之於小的這兩天睡得不夠,第一集看到差點睡著了(是真的睡著了…唔通我唔buy南北泡的?《傾屎吐嚇》也睡著了…篤)…呃…well,舖背景嘛…我忍﹗講男一身世和典解佢會成為城市獵人嘛…我忍…我忍忍忍…忍到第二集(其實第一集尾)…終於來到2011年兼回到泡菜…呃…點解喺親泰國都係殺人毒品和殺人毒品?(我講緊《狗與狼的時間》…哈)

大物(誤…是金娜娜…但佢個名令我想起香蕉…panana…哈哈哈…我都話睇劇學外語work架啦﹗) …典解又係為了家人而不停做兼職搵錢?跟住又係做做吓兼職時遇到男主角?

你可以不令我想起抄書的300元(單位是元嗎?)嗎?

你可以不令我想起大物那位激似房祖明的弟弟嗎?

你又可以令我不想起第一次步入成均館的場面嗎?

但睇嚟,娜娜唔會好似惠香咁吓吓令個100磅的鎚出嚟打孟波架呵?而阿李敏鎬又確係幾有台型,高大靚仔,個角色有錢有面有勇有謀,又真係幾殺…不過係唔知之後的報仇路線會唔會好娘?(其實小的留意呢位哥哥和開呢套劇嚟睇…係因為某日某達人傳來了呢幅相…嘩﹗~~~~~~)

快樂人生》其中一個大叔(第x次)跟某橡筋同場出現後,另一位地中海大叔喺呢套出現喎﹗佢應該係娜娜親生阿爸吧?好親切啊﹗攪到我想睇多次《快樂人生》添…哈哈哈哈…

好,繼續努力煲~

《城市獵人》@維基
完成後記:[韓劇]《城市獵人》

14 則留言:

  1. 無線真係好過份,最近重播既節目,西遊記有黎耀祥,之後七點前個節目,咩同事三分親之類,又係黎耀祥,到八點半狄仁杰,又係有佢,想點?

    佢有無諗過就算比你咁樣谷到個人,d觀眾會悶,咩係電視霸權,而家你咪見囉!

    回覆刪除
    回覆
    1. 哈哈哈…又真係幾難頂…不過都唔係第一次,而家無記長期疊住一個人出兩線(或以上)的劇,連埋重播的,羅樂林叔叔那單事件再嚟過唔係難事呀…

      我對抗呢個霸權的方法是…唔睇﹗又說返工我睇唔到幾線重播劇,就咁睇《盛世仁傑》我又覺得柴九哥演出好精彩(同埋鄭則士啦)

      刪除
  2. 你不如寫篇blog講下呢單野,我相信無線d白痴都會黎呢度睇下你寫d野

    回覆刪除
    回覆
    1. 其實喺呢篇:我諗tbb真係無乜人用 (domotoiceko.blogspot.com/2011/07/tbb.html)
      半開玩笑地寫過…一年見啲小生花旦四五次,即係隔一兩套劇又見佢地回歸,真係好想嘔架﹗話口未完,鍾嘉欣《缺宅男女》、《當旺爸爸》之後又有一套甚麼《長安》了…

      刪除
  3. 我以前迷過鍾嘉欣,到佢fansclub又盛,不過迷偶像無結果,所以強逼自己唔再到。

    而家香港其實好多電車男,我都係其中一個,d女仔咁靚點唔中?尤其是佢果時無咩港女味(而家唔知喇),真係殺死,而家d新人,講真,都係想迷電車男,你見陳嘉桓都係話想引宅男就知,而家咁多電車男個市場真係大。

    講鍾嘉欣可以有排講,不過呢度咁公開我唔太想講咁多。

    回覆刪除
    回覆
    1. 迷偶像我只係會追歌影視作品,偶然買吓product(多數都係cd和影碟而已),見到雜誌有佢地就買,細個時會儲埋剪報,而家就通常見到靚既彩頁先會keep低,以前狂熱極都無入fan club…

      前陣子忽仔有個鍾嘉欣的訪問,佢話佢自己講野港女咗,所以放假返了加拿大叉一叉電…。我覺得字裡行間佢仲有外國長大啲人那種簡單啲既思想,我諗佢港女極有限啫…

      刪除
  4. 有人寫爸爸偶像,插隻腳先~ (花痴??)

    其實都幾好笑,真人加劇crossover,今之tbs幫左月9做了次宣傳(補償中居個套諷刺小田個套??)

    不過呢.....錦戶亮近期都係做爸爸,從上年的養狗這回事,到月9 全開girl再到今次papa偶像,都係做人爸爸(唔通幫佢洗底or打入小朋友家庭fans層!!!! 不過係關8黎講係他和大倉印象較正常點??不過大倉好弟弟feel 下)

    講起仁哥單野,有傳唔關事,因為單野係套劇出新聞前不久已經定左,反而係串錦戶亮年頭俾人偷影(好似chok 峰個次)個單多點,又係洗底。唉....

    可是幾好豔福第一隻(月9都係)已經有kiss戲,而且2劇d女角也好吸引(恨死唔少人)

    最後,阿細妹花音係全開個位千金小姐日向啊~~~~~

    打左咁多,漏了風我迷誰 ^^

    ps 第1集連radio同唔放過,堤導演好好笑

    回覆刪除
    回覆
    1. 你講起我又有印象,久不久蛇果報會講佢去浦跟住俾記者影到…,今次個劇洗底意味又幾重,擺明是個想組織家庭的好仔…又有啲自嘲意味,想攻少女之餘連嬸嬸姐姐級的都加分?﹗哈…

      《全開女孩》我沒看啦,話實自從《my boss my hero》之後我都沒追新垣妹妹的戲了…呢套《全開》o唔ok?男女角我都幾鐘意的…

      你漏了口風說你迷誰…但沒講你是誰喎﹗

      我睇番staff list沒有堤導的名字…但啲風格和人腳幾堤導的…如果係佢導演我就一定追到底囉…

      刪除
    2. 昨天我發表回覆後先知我冇選名~~~

      我係問版大係韓國之遊有買豬兔子個位呢

      我講既堤導係文中提及的堤幸彥,佢係關8套電影既導演,tbs也找他係劇中玩埋1份,而且係劇中都幾冷面笑匠

      另外電台個段我係睇片尾先知借左佢隊友個節目crossover~~~

      全開我睇tbb(星6 930 j2檔,頂木村既月之戀人),看了第1集,都ok,不過看評論都係估到個劇情個種,可是子役係此劇亮點 (當季收視不錯,好過當年春冬季月9)

      日本的mama姐姐級好捨得俾$(當年係裴勇俊係日本幾搵得就知),而且他fans年紀層都係同佢差唔多或細點(姐係一d岩岩做人mama,1係就剛踏入花痴年齡),1次掃晒老中青

      (題外話,係j家,暫時睇得關8有力接嵐個勢,而且比嵐多元化,而且錦戶亮外表,年齡和人氣係有適合力捧條件 (個評論好akb既我..))


      ps,新垣由萬年學生妹變左做萬年律師(今季有套由她和堺雅人合作)

      pps,今季回番往年最癲時刻,必追4套(中居既ataru、月9 、papa偶像,私立馬鹿田高校),另外2套仲未睇(兒童警察,3色猫)

      加上4套綜藝,好忙好忙啊~~

      刪除
    3. re:喂丁

      啊﹗謝提供﹗唔怪得無啦啦會有堤導登場﹗話說小的好喜歡堤導跟宮藤官九郎啲合作…關8那套電影沒看過啦(其實我沒太留意關8的…哈),前幾年光一套《壽司王子》電影版都好似係堤導出品來的…所以在劇中見到佢出場即刻為之一振…哈哈…

      電台節目…也是不知情(笑),不過又幾好笑…唔知生放送時有無提過會在劇集中出現?

      最近啲劇集好似成日爆童星出嚟?《全開》我還未看(《月之戀人》看了一集頂唔順了),前幾年對新垣妹妹印象不錯,睇你咁講呢套劇都好似唔錯…排吓隊先~

      勇樣啲日粉簡直係無限量吸力支持啦﹗真係唔怪得韓星咁努力搵日yen…睇張根碩劇都未拍完又話去日本出碟就知…

      j+呢…我out out地啦,去到hey say jump已經up唔出啲人名(因為睇《美男》和《雙頭犬》先識八乙女光),之後的甚麼kiss2feet(?)無識知…其實我係睇年尾先睇johnny's countdown,所以會聽過關8啲歌…平時真係唔會特別搵佢地啲歌嚟聽…脫節了~

      又說…錦戶亮全力做關8,山p又走咗…news會唔會摺?(雖然手越好似都ok…啲人氣…)

      我追緊兩套韓劇,所以日劇暫時只會看一套《偶像爸爸》…中居那套好像不錯,遲吓補元~

      刪除
    4. 好明顯呢套劇係為了宣傳將在7月上映嘅「關8戰隊」啦!點可能為一單緋聞洗底就開部戲俾佢,仲要六月隊友陪住佢。呢套劇一直講佢地點趕拍「關8戰隊」,每集片末打上呢套電影現實中的上映日期,剛好就在春季檔完了後。

      刪除
    5. re:Hotaru

      oh,多謝提供資料…
      電影資訊我out到不行…我其實等緊斗真同學套《源氏物語》囉…日本都上咗…但香港睇嚟唔會有…定係直接等出咗碟後訂隻嚟睇…囧﹗

      呢套劇crossover幾多關8真係有既節目/工作,咁樣真真假假撈埋一堆幾有趣…興趣高咗好多喎﹗

      刪除
    6. 《源氏物語》有斗真我也有興趣﹐但又怕故事好悶
      日影有等緊逆轉裁判 (上週末在美國上了兩日, 可惜沒機還會去看﹗>_<) ﹑浪客劍
      心﹑螢之光﹑新參者﹑Liar Game 2 & SPEC~天~

      btw, 邊度有得dl《城市獵人》?

      刪除
    7. re:Hotaru

      之前我都驚《人間失格》會悶,但turn out ok(係我覺得cut得太多)…我係驚自己唔熟本書唔明啲情節做乜,會睇到一頭霧水…所以趁而家未有得睇去望吓本書啲內容大要…

      我見某日劇博話有個乜鬼日韓電影節有《螢之光》和《spec~天~》,我諗有日劇版的電影會有機會上多啲…其他可能要等影碟…

      um…dl我無啦…有時會去北角啲小店度買隻dvd一了百了…

      刪除

要講幾句嗎?﹗XD