Project Mission Impossible~2~開課一個月…

時光飛逝，離上一篇差不多一個月…也就是說入門課上了一個月囉。


(我有說過我報了太空學院嗎？)

• 老師是位elegant的阿豬媽，成日好high地"yeah~"，好有當年某草本精華洗髮露廣告個女角feel…而佢個髮型有啲似董輝個老婆…(我講緊《聰明笨伯》…哈)
• 其實佢係4語廣播，一時講英文…一時講韓文…一時講國語…一時講廣東話…好攪笑的…
• 然而佢(跟我工作上接觸過的泡菜國人差不多)好認真，有人唔睇網上報名的細節，無買書就上堂…得到老師一個 .\ /.啤眼，跟住無notes又唔出聲…得到老師 .\ /.住眼地重覆3次「你為甚麼不告訴我」(國語)…
• 最爆炸是，老師很認真地要求預知走堂的人先告訴她，then佢會安排補堂…(其實日文那邊跟老師講聲都可以sit番另外的課…不過日文那邊我已經係走咗就算…從來無認真地安排過補堂喎﹗)
• 跟住老師會上堂前叫人出來白板默寫番上堂學過既野…囧﹗就是說…請你回家務必認溫習(好了，上日文其實唔QUIZ我唔溫的…)
• 跟住堂上會不停重覆喪讀課文…一篇(其實都講緊兩三句)重覆讀足4,5次…想唔記得都唔得囉﹗(死啦﹗對照我上日文真係好hea添﹗)
• 然後功課除了工作紙外(又無好似日文咁認真印定一疊喎﹗呀，我有無講我同時在太空讀緊日文？所以有比較囉~)，仲要返屋企抄番上堂學過的課文2,3次…嘩﹗抄書呢家野真係勁耐無做過…(我中學都無咁神心抄書溫習耶﹗)
• 不過又說，抄完一大輪，是比較能記住啲棟棟橫橫圈圈口既。(小的圈和口的handicap還是依舊嘛…)

 唔知係咪唔想太俾人覺得讀死書，於是用緊的《Active Korean》是懶生活化的，一課係自我介紹，另一課就去餐廳點菜，望過下一課係去shopping，課文都係對話為主，一句起兩句止，之後就插啲listening和oral，之後老師就會篤人出嚟真人會話(是無得拎住本書囉﹗大囧)。呀，是想針對成日讀完都啞的問題嗎？(我講日文課…)記得當年日文入門時(其實我是在中大校外讀既當年)，就係一篇課文，睇完後就list一堆生字，學一堆文型，then作句，作完就返屋企做練習，全程唔使點開口的(於是就成日恰眼瞓…)…

當一堂讀了十幾廿次一至十後…唔使靠《愛情雨》都識數一秒…兩秒…三秒了…大囧﹗

懶生活化是重點，又真係唔係好悶，而文法上都無特別notes派，主打係老師解釋番句入面啲字詞點拼湊出嚟，幾輕鬆的。

事前揭過其他書如呢本和呢本，structure都幾似地學完字母就教這裡那裡哪裡，有沒有，呢度有乜，你係邊度人，上下左右前前後後，數字，動詞呀咁(which is跟當年啲日文入門書structure好似)…本《Active Korean》都幾破格都唔以上述的型式嚟分課，反而用唔同生活topic嚟劃分，穿插番啲生字(學咗國藉、職業、食物、動詞和數字…講緊兩課…都好多字要背囉﹗囧)和文法(其實都係有/無和動詞"請"既form)，又確係無咁悶和死板的說。

而我最扯頭髮的讀音問題，課本裡是避重就輕的一個細box解釋吓就算，無啲乜鬼鼻音化…濁音化咁睇到人都嘔，so far都係教了一條有終聲的話就食了落跟住的「o」音度(你明我講乜嗎？)，我諗入門(1)唔會要求好高吧，主打都係要大家記好句子和生字，可以大概講到就ok，發音既野…再上才再執吧？

感覺…so far是良好的…繼續煲，以上~