2012/04/20

失驚無神泡菜國之旅~6~第3天

第3天最好玩是搭了個幾兩個鐘的地鐵﹗我想話我成個2012年(或者2011年都係)加埋都無搭到咁多囉﹙勁囧﹗)

去了的地方:
甚麼泡菜工房-->健肝寶專門店-->甚麼化妝城-->明洞/南大門-->樂天免稅店(點解當係一個景點?)-->東大門



甚麼泡菜工房…其實我唔鐘意食泡菜囉﹗而且唔想成手味…於是小的是全團人最快做完的一個…哈哈…舊泡菜好孤獨呀(係…我地的確係試整的),反而那杯甚麼人參牛奶幾好味…

而那個試穿韓服…呃…啲衫好殘好醜樣喎﹗小的反而對呢頂疑似皇帝(?)的帽有興趣…偷了來影了張相…哈…(同埋詭異地喺試著韓服的地方見到韓rain個NR廣告板囉…)

點解紀念品檔會有襪賣?而辛辣麵那對幾正喎﹗


甚麼護肝寶專門店就是被人sell野囉…anyway,這不是重點,重點是行出嚟上車時見到的這家窩夫店,個窩夫是新鮮從粉糰放到機上焗好再塗上古古力醬,十萬個好味啊﹗
之後去的甚麼化妝城…其實小的只想搭單買支傳說是名物既牌子既eye cream…典知敗了堆野出嚟…真係危險過火星…anyway…這不是重點…重點是…這是「橡筋碩」事件發生的地方…嘩哈哈哈哈哈…

午餐這個甚麼漢陽蔘雞湯相當不錯喎…雖然我有少少驚會食到流鼻血的說…






下午兩點幾終於都到明洞了…本來期待可以行吓《美男》劇中那條飲食購物路線,但沒有追星的同伴…呃…算啦…同行旅伴說有個甚麼migliore衣服相當不錯,行了幾轉化妝店就貢咗去…呃…怎麼全場都係圓領衫和《王世子》入面女二啲西裝縷襯短褲﹗囧﹗我無長腿呀﹗同埋香港廿幾三十度著西裝縷?焗脂減肥嘛?

anyway,買衫不成在疑似NR總店度見到有CD/雜誌店就貢了上去,奇遇是…一行三人要幫人買一隊野入面某成員的精品,但三人都唔識呢隊野喎﹗跟住問店員用勻兩文三語都溝通唔到時…竟然日文得喎﹗(終於都可以俾我扮日本人了﹗)

而呢個店員姐姐是相當helpful吓,係咁幫我地搵呢個搵那個的product(同時在店裡有兩個來自香港的少女都在掃偶像精品,佢地俾了好多意見啊﹗),咁俾錢時…店員姐姐送了買的兩隊野的相各乙張…之後小的買了兩本雜誌(一本是有天少爺一本是上一期碩碩的),小的只係喺擺過期期數個櫃度問姐姐有無最新一期,之後拎了本和3月號的去俾錢…姐姐竟然識問小的係咪碩碩粉,送上一張碩碩相﹗佢都好觀人於微啫﹗全程小的都在幫人搵呢樣搵那樣…反而無乜望碩碩野架喎﹗(除了不停偷影店內的碩碩相囉…哈哈…)

掃了少少街就再戰過…想過左上角個煎(?)餅好好味﹗我想問檔口個伯伯係鹹定甜的,出盡我三文四語的能力問極佢都係答我幾多錢…囧…吃了一口…甜的﹗想扯開佢些牙的時候…啲甜耶耶的餡就係咁流出來了(友伴說應該係豆蓉)…唔怪得俾隻杯我食啦…

 






基於同行長輩對食有相當要求,於是行勻成條街都唔知食乜好,本來見到pizza hut諗住行入去(諗住無死)…之後見到有家mr. pizza好像不錯但店員十問九唔應態度唔好感覺也不良好(其實係單叫好貴,一行五人隨時食千幾蚊出嚟…)…行吓行吓見到上圖的一家上樓意大利餐廳,一個套餐差不多30000 won,有pizza有pasta又有青口咁,相當不賴…又說…終於唔係燒烤和火鍋了…囧…又說,味道相當不賴呢家店…

基於同行旅伴說在明洞買唔到啲乜衫,而佢友人大推東大門…於是吾等就出發去再掃過…

 一出地車…嘩﹗點解咁似祖國啲地下商店街?呃…景點第一號甚麼doota(咁上吓的串法啦)…很整潔很舒服行得(雖然很多祖國同胞)…於是衣服不怎便宜…友人於是說轉場… 

跟住又翻兜migliore和uus,果然是平很多了…不過係wholesale場囉,最少都要買同款兩件或以上…囧﹗吾等人少少而taste不又盡相同…卒之得個行字…兜吓兜吓…仲兜咗一個十分阿豬媽品味的商場度添…

買過乜化妝品和衫都不是重點了,重點是呢條返酒店的十萬五千里長征路線呀﹗很癲﹗仲癲過柴灣去羅湖呀﹗(太誇了?其實商大站((笑))轉車上羅湖不怎樣麻煩啫?係地理上遠?)…我覺得勁漫長的個幾鐘原來只係27個站(我以為30個或以上囉)…又因為是星期五,勁多人趕住返出城,於是明明夜晚十點幾十一點都逼過返工時間金鐘過老尖…勁辛苦…(最衰我唔識搭巴士囉…)((又說因為睇旅遊書話每條路線的尾班車時間不一…為免無車返去要搭勁多的士…於是吾等只行到十點鬆啲就閃了…))

攪笑的事情又發生,搭到甚麼溫水(Onsu)站時,有個坐在位子上的婆婆問我野喎…跟住憑我僅有的泡文知識…我聽到「odia」三粒音…我估佢問我去到邊個站掛?答了佢兩次「Onsu」(好在個站得兩粒音又無終聲…我估我無讀錯掛?)之後佢徐徐企起身落車去…呃…我諗我無估錯掛?﹗嘩哈哈,又說我個樣太友善了﹗去到邊都有人搵我幫忙既?﹗嘩卡卡卡卡…

又說,因為俾導遊老點從車站行返酒店頗遠,於是我地搪到去1號仁川線無轉車轉的士回去(搭了兩種交通工具感受生活耶﹗)((跟的士司機也用了我僅有的幾句泡菜…就係呢度和唔該﹗哈哈哈))…搭到返酒店時先發現車站跟酒店只是幾步路囉﹗我想殺人呀﹗

又又說,上面話本來想去某站但最終搭了去另一個站呀呵?係啦,吾等八達通mode太強了,忘了單程飛是點對點咁買,又說泡菜啲車飛係basic再on top唔知幾多公里咁加錢…於是出唔同的站車資就唔一樣…於是吾等出閘時…係出唔到囉…跟住咁啱有個職員大叔站在一旁開閘俾我地走…都唔check吓我地乜事又唔理我地買咗乜車飛…咁…我俾最少車資而搭最長線咪勁so?﹗(呃…但time cost好高囉…)…

呃呃呃呃呃…回到酒店後勁開心在欣賞明洞的戰利品…竟然又是一個小冰子不想睡,又喺度睇電視﹗


**************************************************************
泡菜之旅全集:
失驚無神泡菜國之旅~7(完)~第4天 & 蝸牛面膜
失驚無神泡菜國之旅~5~第2天
失驚無神泡菜國之旅~4~睇電視(廣告)
失驚無神泡菜國之旅~3~第1天
失驚無神泡菜國之旅~2~一人闖弘大
失驚無神泡菜國之旅~1~橡筋鍚

2 則留言:

  1. 見到d街頭小吃我流晒口水, 下次去一定要食!
    嗰間意粉店唔知係咪我哋上次嗰間呢? 好想再食。
    其實喺seoul用日文係好good, 尤其係明洞。

    回覆刪除
    回覆
    1. 只是吃了點點…因為正餐好飽…囧﹗

      意粉店你地都有食?其實係行行吓見到,個價錢ok啲野食相又幾靚,最緊要係同行長輩覺得可以就殺了上去…間店又坐得幾舒服的說…(友人說有間食燒烤的好得…唉呀…講到我好想再去食過)

      明洞好多店一行入去就同我講國語(囧)…反倒係因為唱片店入面個姐姐仔英/國語不通先有機會俾我練習吓日文咋…

      刪除

要講幾句嗎?﹗XD