歌詞與時代

話說某天搭巴士時身旁幾個十來歲(看樣子是未到高中但又要扮潮的準潮童)少男少女在討論樂曲，討論的竟然是我熟悉的陳醫生喎，內容是…「《富士山下》那些老歌…」…

囧﹗這是老歌﹗咁《時代曲》、《黃金時代》係咩呀？我沒有…我沒有沒有啦真係…

well，唔記得睇書定上網睇到，新世代欣賞宇多田光出道作《Automatic》(1998)時…有幾樣要注釋：

• 「7回目のベル」 (鈴聲響第七次)→ ベルってなに？(鈴聲是啥~~~)
• 「受話器」(聽筒) → 受話器ってなに？(聽筒是啥？)((btw…聽筒是我家的叫法，我細個成日攪亂醫生用的和電話的聽筒))
• 「名前を言わなくても声ですぐ分かってくれる」(無講名但聽聲都知係乜水)　→いやいや、知り合いなら通知されるだろ？(唔係喎，係識既來電都有show出嚟啦)

我深深地震攝了。(歌詞全文)

《Automatic》之外，我常loop的安室奈美惠《Try Me ~私を信じて~》(1995)((因為2012演唱會唱了…本身我對這首無感))和步姐的《Appears》(1999)都有「受話器」一詞喎…

都係那個年代啊﹗

日人唔想電話騷擾人，怕且出街都要較manner mode吧？旅行時又真係無乜聽到鈴聲響。香港就梗係多好多囉…我雖然都好喜歡將喜歡的歌設定做鈴聲，但怕嘈到同事(我欣賞之嘛…)，又費事唔記得較震機開會時響會瘀皮，所以我都長年較震機，美妙的V團歌聲好耐無響過啦。

受話器呢，呢個世代的小朋友應該好少拎「電話」而用手提(我堅持唔用「手機」架吓﹗)，手提就是通話連按鈕總之係一舊野，電話就要拎起個通話器(我可以叫番聽筒嗎？)再按號碼…而，唔係返工的話又真係無幾可打傳統的電話…。我屋企的「電話」我都好耐無打過啦。最近娘轉了個新的無線電，聽電話時我拎起唔知點撳接聽囉…哈哈。

第三個，um，真係一個進化史。電話雖然有來電服務但唔係家家戶戶都有subscribe(…如…我司)，就算枱頭的是先進有screen的都唔代表你會知來電者是誰…囧咗。而手提的情況，好像一開始都未有來電顯示(CDMA年代…呃)，係要加錢先有的…咁而家雖然都係要加錢…但somehow食咗落個plan度同埋都無人唔要架啦呢個功能。咁小朋友們既logic係正常既，你識佢既話通常都入咗佢號碼，又使乜聽耙聲先知係乜水…就算係新識…通常大家互打一次電話就即刻save號碼…好少會唔知係乜水架啦…

關於電話，等我再講多兩單史前故事吧。

古巨基《幸運鈴聲》(2001)

有一個年代，我們只可用手提內default的鈴聲，而那些通常都是很難聽，買機回家要由頭到尾試聽一輪先可以揀得落手…呃，我要型架嘛。一輪之後，可以入歌仔…甚麼是入歌仔呢？就是對住啲數字撳撳撳，如此，就可以唔使忍受default鈴聲，或者俾錢去電訊商買。而雜誌會載的通常都係主打歌，而我鐘意聽既side cut往往要上網搵…跟住用Panasonic的GD92(佢真係好令架﹗有相)時又唔係成日有source搵到歌仔入喎…好慘。為此，有一水我係用實Nokia部8250…因為大牌子實有得入歌仔。(<--小朋友係咪覺得我講埋啲型號數字好外星文﹗哈)

過不久用索愛(<--都已成歷史啦﹗)的彩芒機就可以自cut mp3做鈴聲…實在太開心…這樣我喜歡的歌就可以用啦直接。去到而家我都仲係自cut mp3…不過蛇果機好討厭只能用29秒…(然後我很少關震機的…其實鈴聲無乜得響…)

《數字戀愛》范曉萱 (1998)

(今日quote的歌全部都好有歷史﹗)…98年時我用緊好頹的CDMA手提(就是…黎老闆喺沙灘度那水出的另一款…自覺部機型到要掛頸等人一齊欣賞﹗)…那時有無得send msg既呢？數字msg那時在台灣傳過來我有啲同學係好迷…但手提我估應該未有得send…有啲同學係返學返到一邊拎手提一邊拎call機…係啦…啲7788250…都是都是我想你就係call機send架啦﹗係咪好可怕呢﹗

當年有人用call機的證據…就係楊千Fa《1-100》(1998)隻碟無啦啦送hello mimi套…好囧。

呀…呢啲90年代中後的歌…都排緊隊等夠廿年了…