2016/06/09

[港劇]黎老闆劇集自high系列~《原振俠》(完)

而家我一見堺雅人就起《真田田》op,很多年來我一見黎老闆內心小劇場係起《願你今夜別離去》…但…其實在我的翻煲龍虎榜中《原振俠》係無翻煲過,反倒是《人在邊緣》和《今生無悔》我睇到記得晒邊集打邊集的劇情…

我想話呢,《原振俠》令我好新鮮的是…黎老闆終於有一套劇係唔食煙架啦~~~~

暫時…我只看了一集…哈
13/6/16後按:我已經睇完晒啦~~~
呢個片頭好鬼…同埋而家睇番好得意…繼《人在邊緣》的英文名係《The Challenge of Life》之後…這套是…好傳說的嗎?

小學時有一水迷過衛斯理,咁我大概知原振俠係衛斯理的朋友,但佢exactly有乜故仔我又無睇過,根據我模糊(大概是首播時睇過吓)的印象只記得係好科幻,啲人閃來閃去打來打去,跟另一套看得我一頭霧水既《龍影俠》(李克人)有得揮…

衛斯理啲故仔我唔exactly記得睇過邊本和內容,最記得係啲女角名字跟顏色有關…然後,n年後羅家良和伊麵嫂拍了部衛斯理的劇…無睇…

我才一條龍完30而立的某龜…而家就在一條龍今年50大壽的黎老闆…好忙呀﹗


真係唔好話無記而家嚟嚟去去都係那班人,《今生無悔》的爸爸(Ming Sir)和《人在邊緣》的媽媽(李麗麗)…一家團聚囉~~~~

而原振俠唔係一個俠…係醫生﹗(shock﹗)…連住《人在邊緣》和《今生無悔》睇,黎老闆終於做到一個專業人士而且係讀得成書既角色…

<--蝦叔呢個銅像有莫明喜感…

呢套野我當年係咪覺得好高科技既呢?同埋啲佈景大到呢…間屋仲大過我屋企等lift個lobby…



左…這個先進科技產品…真係…呃…然後隔離…product placement呀﹗當年黎老闆已經係代言人了﹗?而家睇番呢啲野真係好得意…

女角之一藍綾(洪欣),我完全唔記得有佢份…不過佢真係好靚…忘記佢既鼻音勁mung式講對白既話…
雲彩朱茵姐姐,佢既作用係一個可愛既妹妹,咁佢當年好pure好true的又係好適合…而,我成日「形」住《都市的童話》係有黎老闆…不過其實係林文龍試做正派之作(原來《風之刀》都有佢份…)…無計啦,《傻癡癡》真係太好聽﹗然後,朱茵做《射鵰》其實外型係好配的,只係演出就太做作(太刻意扮cute,硬覺得佢扮翁姐姐)…有啲可惜…


黃娟(許太)第一集尾出場…佢同黎老闆堅keep得好…(劇情我唔記得嘛…無野好寫…哈哈)

認真的劇情和角色介紹search到這篇,很負責任的介紹…哈(同埋靠睇維基)


藍色醫生袍…然後好似有人話黎老闆喺劇入面著JPG皮縷和眼鏡,我睇end roll啲衫係Paul Smith(上面套藍色西裝乎?)…呃…好潮啊﹗尤記得一款JPG黑色單膊背包喺中學生之間係潮中之潮型中之型架嘛,不得了不得了…


呢位朱Sir(楊得時)零記憶…反倒是隔離吳岱融叔叔…又係你呀﹗同埋仲有錢嘉樂和魏駿傑…

<--我好似喪掛住睇黎老闆的劇…要煲一煲番一樣都係首播之後無翻睇過的…《風之刀》









**************************************************
13/06/16補後感:

  • 就說是科幻小說,啲場景少不了實驗室呀醫院呀咁…但…好五毛…simple又兒戲…榮糧個實驗室直頭係《閃電傳真機》啲時光隧道既朋友…唔知當年我係咪覺得好先進…但而家睇係好有喜感…
  • 睇《》時見到張太個角色莫明熟悉…呀﹗就是呢套入面既許太啦…又係一時cool一時天真…同埋…演天真時都係好令人出戲(同埋想fw)
  • 成套戲啲女角我睇得最舒服係藍綾(洪欣),雖然洪小姐講對白總係覺得一舊舊…然而佢個角色真係大方又討好…雖然我硬覺得佢先剛剛死咗…原振俠就走去同黃絹(許太)一齊有點那個…雖然…金石(吳岱融)係將一部份藍綾既腦細胞打咗入入黃絹度…但唔係話最後本來的細胞食咗新的嗎?
  • 雲彩(朱茵)好嘈,好煩…好嘈…好煩…本來做妹妹都算…後未無啦啦愛上原振俠一段極度不討好,又係十分令人想快飛…
  • 海棠(王菲)中間出現要救王子(魏俊傑),本來cool cool地但又無啦啦鐘意咗原振俠…um,我估唔到菲姐會接呢個打到上天下海的劇啫。同埋,那個山洞取暖一場…古裝片到呢…呢套野一時時裝劇,一時好古裝,一時又科幻…好奇妙…
  • 估唔到連蝦叔和Ming Sir都要做啲打打殺殺既動作戲…好唔鍚住啲老人家啊﹗
  • 除了啲道具五毛,其實都幾拍得出科幻味,查案進展係第十集之後快啲,吊癮得很…之前就係係咁睇住原振俠吹笛(其實都係黎老闆既歌),藍綾排舞(dancer係由tbb dancer飾演的),同埋不停俾黎老闆既歌洗腦…
  • 真係唔好話無記一集劇出廿次《越難越愛》…呢套野最初係播吓《真的愛情定可到未來》,後尾越整越多《一夜傾情》呀《內疚》都有,連明明係《人在邊緣》既《如果這是情》都出埋…睇睇吓變咗音樂特輯…
  • 海棠中間要鐘意原振俠架嘛,就起《季候風》和《執迷不悔》啦…
  • 好在無第三個歌手…(朱茵姐姐的《地震》和《洗衣機》?)…唔係套戲拖到30集都有份…
  • 莫明(錢嘉樂)我成日以為係錢小豪做的…哈哈哈
  • 數吓數吓,錢嘉樂之外,而家仲有拍無記劇的…竟然係吳岱融囉﹗囧…無記真係缺人得好緊要…我記得有一水兩線劇都見到佢的說…
好開心,極速睇完一套了…可以開下一套…呵…

8 則留言:

  1. 我記得小學望過原振俠好鹹濕就無再睇過(唔知點解小朋友識得分呢啲係大人睇嘅)。
    洪欣兩三年前响金鐘超市撞過,keep得好好。
    响李嘉欣襯托下,全部人演出超晒班。
    你漏咗王菲啦,我記得佢係唯一無同黎明kiss,佢話驚黎明fans唔鍾意,但除晒衫攬住黎明俾溫暖佢好爆。

    回覆刪除
    回覆
    1. 我小學時睇過幾本衛斯理…因為倪匡寫過若干本關於金庸小說的書…所以又順便睇埋…但唔係好有心機本本睇…印象中好似無乜讀到原振俠的情節…哈…
      洪欣堅係令的,但講對白真係一舊舊聽得好辛苦…
      李嘉欣後來啲電影唔覺咁難頂…佢喺呢套劇既演出要搵張太嚟同佢比啦…
      王菲個角色都幾合佢cool cool地既氣質…山洞那幕突然古裝片好爆…笑咗…

      刪除
  2. 我記得小學望過原振俠好鹹濕就無再睇過(唔知點解小朋友識得分呢啲係大人睇嘅)。
    洪欣兩三年前响金鐘超市撞過,keep得好好。
    响李嘉欣襯托下,全部人演出超晒班。
    你漏咗王菲啦,我記得佢係唯一無同黎明kiss,佢話驚黎明fans唔鍾意,但除晒衫攬住黎明俾溫暖佢好爆。

    回覆刪除
    回覆
    1. 手機成日咁…

      刪除
    2. 講起我都無裝到blogger個app…而家其實仲有無?
      我喺手提係齋睇好少留言…

      刪除
    3. blogger 個 app而家好用好多啦 XD

      刪除
    4. opps,等我試一吓…

      刪除

要講幾句嗎?﹗XD