2016/04/07

[日影]HKIFF之一:《紅的告別式》(ピンクとグレー)


是咁的,日本上映前(好似係1月9日)1月4日有主角現身特別場,其實小的好想去睇架…但因為已確定參觀《唯愛》船廠,而且呢場優先場又未有網上買飛資料…咁…算啦…睇吓之後有無緣…

之後﹗有﹗耶﹗噢﹗在此再次多謝成功爭取購票的友人~假期事忙,到今天終於賦文補番我傷心的後感…

可能我個人有原著潔癖,我唔太鐘意部戲的處理…

  • 首先套戲個譯名,「告別式」我明…紅又是甚麼呢?唔講以為睇法國片(高尚咗?)…明明係粉紅同灰…對照兩男角一紅一暗星生活架嘛…點解既點解既?
  • 然後呢個奇怪的名攪到主持人(定翻譯君?)都講錯…
  • 導演和監製都現身喎﹗勁﹗
  • 現場好多平城跳粉,條龍長到無朋友。文化中心場不設預先劃位的嘛…
  • 就係不設劃位,有位遲入場的少女疑似坐了喺導演和監製附近…
  • well…套戲呢,回帶:我個人係好原著潔癖,而我係相當buy加藤的結局,對導演的處理…我是有點無言的…
  • 中學時代拍得相當兩小無猜,但點解無咗校園祭架?明明係蓮吾(呢度應該叫番慎吾?)((中島))同大貴(菅田)發表自家創作的場景嘛
  • 其實呢,一開始知道中島演蓮吾,菅田演大貴,我估應該前半段中島會突出啲,但蓮吾死咗到大貴出書再演蓮吾自傳電影仲唔係菅田dd發揮時候?呃…但唔知為何阿導演改成戲中戲時中島演番大貴去演蓮吾,菅田dd演咗成瀨(aka路人)演大貴,then大貴(aka中島)成日見到蓮吾的幻影…變咗柳楽優弥成為蓮吾…岸井ゆきの變咗サリー…然後夏帆變咗蓮吾紅咗後既疑似女友(係廣告同電影共演後?)香凛…又真係好突破…那隻腳…我笑咗…
  • 其實我有啲面盲…研究咗好耐唔太分到岸井ゆきの同夏帆…哈哈
  • 睇微博好多博友對那場床戲是打了個突…大個仔大個女啦~~~(然後菅田dd在《共食》中係更激囉…)
  • 灰咗之後部份大貴角色複雜咗好多,因為佢係蓮吾死後第一到場既,係佢睇晒蓮吾六封遺書再選一封,其他的都消掉,aka佢幫蓮吾完咗佢既故事;then差人又以為佢係兇手令佢被拘留了一大輪,既係朋友又差點成為疑犯所以記者咬住佢唔放,then再出書寫蓮吾先會咁有話題,then then主演埋套戲,大貴終於紅起來…但一切卻因蓮吾先有今日…佢感受到蓮吾的痛楚但又混埋自己對蓮吾既愛且妒…
  • um…中島常出現是有點吃力的…而我覺得導演cut咗消遺書和被拘…直接跳去出書和演電影又大紅…skip晒大貴內心交戰場面…then交出一場床戲和唔知做乜去無上裝night club…想點呀?
  • 然後因為我去了一轉死手間…miss咗疑似加藤出現的慶功場面…現場大家係大叫囉﹗而我不知道…
  • 最後結局啦…我是很buy加藤那個大貴都自毀的結局…夠shock…看完書後一直在想菅田dd會點handle…。然後結局是灰色後一路都是中島演啦,then個結局變咗原來大貴一路唔了解點解蓮吾會死啦,原來蓮吾決定好似家姐咁死啦…我想死呀變咗…ending出奇的正能量…囧咗…
  • 家姐原來係小林涼子﹗《魔王》後都無見過佢了﹗
  • 菅田dd灰色部份做乜呢?就係做個見佢前面憎佢後面既死仔包演員,俾中島大貴打到爆血…囧。
  • 好啦,點解會有個咁既改動呢?到答問環節疑團就解開晒啦,原來是電影公司選劇本的…然後演員又是公司選的…(所以前後都係中島君做晒?我陰謀論了…)
  • 雖然是處女作,不過我覺得加藤局在佈局上做得唔錯呀,睇得流暢(本書)又有高低起伏。反倒是電影,我先感受唔到傳說中衝擊的62分鐘,然後灰色部份睇得我想瞓…(又去了轉死手間)…
  • then then呢,個問問題的姐姐話這是無乜文學性的作品好慘呀﹗哈哈哈…咁流行小說啫…仲要係第一本…想有幾文學啫…
  • 如果無睇原著,作為一部青春片睇係ok既,不過有原著呢,我個人覺得,個人覺得啫吓,都要理解番作者的想法…如果唔係因為無共鳴而改成自己的方式,咁做乜要改編呢又…(阿導演定監製?回答題問時說原著比較青春,電影就改成成熟啲嘛…)
  • 好啦…係我想法啫都係…我不是討厭中島君架,只是我覺得後段大貴爆發由菅田dd演會好睇啲啫,演技wise嚟講…
  • 而中島君呢,蓮吾紅咗後個火機廣告呢,書中說影到蓮吾好sexy成為萬千少女偶像架嘛,但…點解變咗同個90年代風的女子一齊飄飄吓?囧﹗而那個牌子,suppose係因為蓮吾是代言人所以不能收大貴交換的那個雜牌(唔記得係酒店定餐廳的)…但戲中又skip了…呢個格差位又令大貴內心交戰架…
  • 呃…我太認了?
  • 好啦,今回菅田dd被搶戲了…我期待佢喺《暗殺教室2》度以紅頭搶番戲吧…(第一集dd有啲路人feel…直到最後打交咋﹗)
  • 講起《暗》…金毛山田金田四(好複雜的名﹗)((我只係睇咗兩集SP…沒有睇本篇…諗起吳尊搵大炮定炸彈都係想笑…))喺《蚱蜢》演殺手阿蟬(哈哈哈﹗我改名改到上咗癮)好.有.型﹗完全擔晒斗真同學的風頭…咦…dd在集平城跳團的郵了?
  • 以上。
Last but not least,野.生.捕.獲﹗雖然捕獲到宮官的話我會開心好多…

戲已睇完,感想甚麼的也罷了(雖然我還是很想讓他們知道…點解要咁改呀﹗)…影相﹗哈哈。

6 則留言:

  1. 李小球13/4/16 14:32

    可能我冇睇過原著啦,套戲我覺得還好,原著睇緊但睇得好慢呢......
    呢幾日要努力溫書,要放低一陣先,希望之後再睇會記得啲野啦!

    回覆刪除
    回覆
    1. 呢本係無文學性既作品…遠目…
      唔知呢,我諗一開始我覺得NEWS把鬼但讀落去又喜出望外,加上知道菅田DD會演所以又再期待多一層…本書我鐘意個結局…所以唔得套戲的處理方法囉…

      刪除
    2. 李小球18/4/16 11:41

      今日又開始睇返本書了(睇到佢地喺公園影相),睇完再討論下~~~

      刪除
    3. 話說我好like《霸王別姬》式自毀結局,小說個ending令我諗起呢套戲…所以…我唔太like電影版的happy ending

      刪除
    4. 李小球22/4/16 11:22

      《霸王別姬》好睇!書同戲都好睇!

      刪除
    5. 結局完咗時我完全不能置信then呆咗…
      書我好似矛睇…n年前的《胭脂扣》都未睇完…哈哈

      刪除

要講幾句嗎?﹗XD