[日劇]07第一煲《交響情人夢》

不枉我死忍到播畢先一次過煲，笑片既野我一定忍唔到一星期一集…終於在這個三日假期煲晒﹗感動啊﹗(放假竟然咁早出文…無錯…我煲通宵了…打完文就落街買麥記早餐食完瞓)…P.S.以下含極多劇情…(4/3/12後按：原來的圖爛link了，偷special的那幅來用一吓…)

睇《My Boss My Hero》和《不能結婚的男人》等輕鬆喜劇睇上癮，雖然這季日劇百花齊放，最終只選了Nodame；無他，想笑吓；同時劇本在嚴肅的古典樂和攪笑劇情極平均，就算我唔識古典樂又無睇過原著，絕對唔覺悶亦唔覺太胡鬧；以劇論劇真係好唔錯﹗仲感受到一股濃濃的音樂喜悅啊﹗

個故事其實好簡單，就係話有飛機恐懼症的千秋真一(千秋王子)雖然有才華，早就受國外音樂大師賞識，但因唔敢搭飛機而不能留學深造，呆在日本的他看著同學(有如肉腸的)逐一出國；鋼琴系的他其實想成為指揮，和老師口角之下反目令他失去被推薦的機會，令他極不是味兒。偶然之下他結識了纏著他而又"烏ware"極的野田惠(野田妹)，驚覺她亂彈一通的鋼琴其實極有天份。某天校園突然來了國外有名的指揮大師法蘭茲.休得列傑曼，他選出一堆騎呢又入唔到精英份子A演奏團的學生組成S團，輾轉由自己轉由千秋王子擔任指揮並收他為弟子，和S團一起練習準備演出的日子令千秋王子明白日本國內都有很多東西可以學，他亦開始享受和S團一起演奏的日子…(4/3/12又後按：而家睇番，千秋王子的性格設定都幾似韓版《原來是美男》的泰京…啲少女向的攪笑+愛情劇都係咁上吓吧？﹗)

劇情其實有啲《娛樂金魚眼》feel，千秋王子橫睇掂睇都好有千歲feel，都係一個富家子弟和一堆騎呢人一齊，更成功擊敗睇死他們的老師和自命高一等的人(A團)。當後來劇情就講千秋王子和清良等人組成精英樂團，劇情就正經好多…

千秋王子的戚咀好有千歲feel~

笑位泉源一--野田妹…個人…隔日沖涼三日先洗一次頭的她竟然同千秋王子講自己好注重衛生，卒之臭到千秋王子出手同佢洗頭。而她成日無錢，攪到cut電cut gas仲無飯食，唯有走過隔離搵千秋王子癡餐，而千秋王子奇異地係煮得一手好菜…而野田妹間房經千秋王子執完後，係完全兩個樣﹗佢執屋能力很強的說﹗

同時千秋王子間屋被真澄、小峰和野田妹攪到「野田化」…

更奇異的是…野田妹間部屋…

攪笑劇情另外來自一堆騎呢的同學，光睇頭兩集介紹佢地出場就已笑死…

Special有介紹原著漫畫人物的樣，和真人版無九成都有八成似，尤其是野田妹和千秋王子，真不能不佩服選角的眼光﹗

話得漫畫改編，除了人物和野田妹間房夠卡通化，連行為都好卡通，當中首推打人的鏡頭…

被打時會有CG彈口水或眼水出呢，笑鬼死﹗千秋王子打野田妹鏡頭差唔多每集都出現，而野田妹次次都只係痴痴起望住千秋王子，之後仲會有個CG心心彈出呢，再笑鬼死多次﹗

<-每當千秋王子諗起自己飛機恐懼症都會有反眼睇…

上次挑戰講落語的《虎與龍》邊睇邊用腦，其實幾辛苦。今次古典樂都係本人死穴，而且在上課、練習、演出、比賽甚至回憶等不同情節都穿插不少古典樂，不過邊演奏邊有旁白(通常係千秋王子…)講解該作家的特色、作曲時的心情和該樂曲的特點，所以唔識古典的本人睇時都唔覺有咩高深的地方，只係過目即忘…講完都唔記得…

少不了的愛情線，呢套都有，野田妹第一集就看上了千秋王子，但千秋王子無咩反應；但從他逼野田妹洗頭、為她執屋煮飯、和她練琴，看得出耍酷而已；…反之爆炸頭真澄一直熱愛千秋王子，他對他的愛隨年月和他的爆炸頭增長…

<-最後的sweet sweet…(4/3/12又又又後按：哈哈，呢一吓從後擁抱《求婚大作戰》都有喎﹗)

看之前expect是套胡鬧爆笑的一類，誰不知笑位點到即止(主打第一集最密)，後段甚至正經起來集中R.S.團和野田妹奮鬥，一起感受音樂的喜悅，是意料之外。意料之外二是開季之前這劇被看低一線，一來是新人主演，二來月九竟然來套喜劇，而且同季有話題性強的《十四歲媽媽》，誰不知竟然跑出成為全季第二(第一是《孤島診療所2006》)，都總算不負所托，無失禮月九招牌了。值得一睇，亦不枉我捱更抵夜的煲，而家打完…好眼瞓…又食唔到熱香餅了…要瞓啦…

《交響情人夢》特別篇： 勁 (謎之聲：《交響情人夢》特別篇+日影/劇絮語) 

(但那些甚麼電影上下集就沒有追了…死唔斷氣咁點解做極都未做完既？)

04/08/2016後按：我竟然喺泡菜國時在酒店睇到電影版…哈哈哈
*******************************************

題外話，如有雷同實屬巧合…

1. 你指我又指？﹗

順手賣吓廣告，路邊社消息說明書台播完《Engine》後會播《不能結婚的男人》(右圖)，愛幽默小品就唔好錯過﹗

2. 又係以表演來結束一個階段？﹗

《一公升》亞也做完指揮後就得面對疾病，《My Boss My Hero》文化祭和考試後真喜男就要回歸黑道，今次千秋王子以表演結束他在日本的學生生涯，咁啱既？﹗

4/3/12又又又後按：仲有一套﹗呢套：[韓劇]《貝多芬病毒》〜愛と情熱のシンフォニー〜