讀書報告2016#4~我為甚麼不去日本工作

一口氣看了這兩本，真心覺得我在香港返工真的很不錯(要link番一吓呢番絕爆cap圖)。

(圖片轉載自網路，出處：左/右)

知道小的學日文既人，會問既問題大概是：

1. 「你學完日文未呀？」(咁你學完中文未丫？)
2. 「你會唔會去working holiday？」(不要再說了. jpg)
3. 「點解你唔做日本公司？」

關於(1)，小的只係識講/睇/寫/聽一點，只要快一點，偏離標準腔一點，口語一點，我都有唔明的危機(快來說我謙啦~~~~)…不要問我學完未了(或者點解考完一級仲要上堂)…哈哈。

關於(2)，不要再說了. jpg。

關於(3)，呢個係好雙向的。貢小係有申請過日資，也有申請過幫日資搵人的人力資源公司。但好詭異因為…我日文又唔係去到專業境地，當你完全唔識咁日資點解要請你？當你識日資既要求我又未達標(你叫我聽電話我真係唖架﹗)，於是次次都係無疾而終。不過咁有咁好，做野日日對住會覺得好厭煩，保持距離就可以保持美好的感覺…

可能看得職場劇太多…男女不平等先不說…但天光做到天黑…好辛苦喎﹗

well，工作上係曾經跟過日本客既野。咁佢地跟得海外project英文唔算太差，唔知係咪我地雙方都想就對方(或者係想用對方嚟練習)，對方不停寫/講英文，我就不停寫/講日文，雞同鴨講之下完成咗個project。前前後後兩個月，讓我深深覺得沒做日資真好。

咁呢，我是一個基本上粗心大意，穿插小心眼和突然細心的人。就是說，有時間的話我會想做好件事攪好多點子，無時間的話其實我會跟慣常做法就算。在兩個月的交手過程，對方係好細心將每樣野確認，上至文件上的一粒字(你知，跟template架嘛，點解用呢個verb我地係唔會，亦不能深究)，，下至場地會提供的一張廁所地點提示牌都要影相確認，係，係影相。文件上既野關乎錢銀，亦關乎件事既成敗，check清楚我明。咁equipment list要確認邊啲我地俾，而我地俾的野合唔合你心意我都明，影相俾你就影啦，但你要我確認我今日影的那個牌是活動當天拎出嚟的那個…呃…咁又有難度喎﹗

如果我一路都喺日本職場成長，或者我都會一樣逐件事確認。但我唔係…於是我是感到火滾的…哈哈。

我喜歡position自己為一個「剛巧會一點日文的外國人」多於「會日文的人」，會是bonus，對方也會願諒我講/寫得不好的地方，失禮咗唔出聲就算…唔好篤爆我…我係盡量溝通架嘛。做了正員工連寫也寫不好，一腳俾人伸出大西洋了…。商業日語好多年前想學好的，但覺得太悶，還是做番業餘人士好。

你知啦，工作既野快樂有時爆粗有時，興趣還是留番做興趣，作為生活的調劑咪幾好。訂了機票得閒諗吓日程，懷抱著去玩的美好願境。日日在日本，天天吃1080yen的午餐，搭十幾廿蚊一程的地車(我是…不懂踩單車的﹗)…討唔討厭未知，但應該會破產先，我唔會有乜專業的外國人嘛…人家幹麼要高薪請我…一個謎。

看完呢兩本書是加強了我的想法。而我在現司教育下，無野係唔會同老細鬥ot，走係鬼鼠地走(絕對唔會講「辛苦了…」呢啲好假的肥仔既假話)，然後餘閒時間我想留來休息和學野，忙死好過過勞死呀﹗去到可能會俾人覺得好好懶唔用心工作。哈

當年申請過的日資唔請，可能係好事喎…完。

*************************************************

從來我說過我超愛看日本文庫本小書，今日亦然，平令正唔使講，以前多數無圖而家開始有啲黑白圖調劑吓。咁台版書呢，唔知點解咁啱我多數睇外文翻譯(小說和商管都有)，唔知點解(重覆：唔知點解…)…好厚…好厚…好厚﹗厚重的只係cover，內文是黃油紙(<--非專業用語…細個小學說油印紙…通告專用，一刷即爛，用久會霉…囧)，排版密密麻麻，但都可以日版係小本文庫本，台版是吋幾厚，拎上手放得耐係會手攰…只能說一頁一頁的看下去很有成就感。

港版書呢？um，呢本《打工血淚史》同林日a的為例，紙…超厚…排版…超疏…上下留白位…超多…然後一整本兩三個鐘即睇完…睇過啲乜…唔太知…有啲係打書釘飛兩飛就睇完…個厚度同內容不成正比到一個點…(好啦…第一行quote的例子不在此例)

英文書我好少睇…哈哈。通常我都會貪平少少買台譯版。雖然我明知英文版係輕啲…我衰…