情留住我情留住你~~~~唔好意思，睇完《
寒戰》後就忍唔住想搵番城哥和采妮姐姐啲片出嚟懷舊一番。
雖然個廣告真係拍到佢二人金童玉女咁，而首歌又幾好聽，但個情字金牌我堅覺得好肉酸，江湖味極濃囉…而詭異地，當年係有個同學有而且戴住返學的…我十萬個震驚囉﹗
咦，我成日以為楊采妮演郭城城個MV係《童話小公主》，查番應該係《YOU AND ME》喎﹗死啦，係咁講郭城城添﹗無計啦，咁我真係因為郭城城而識楊CHARLIE嘛﹗(嘩﹗個MV編對係錢國偉﹗)
UM，其實我唔太BUY周玉女那TYPE的，楊CHARLIE做
城市驚喜那期NO我又真係有睇喎﹗(﹗)雖然都係長髮的，但感覺爽朗好多，雖然…以歌論歌…就周玉女把聲好聽好多…楊玉女係好讀書FEEL囉…(而，記得佢喺勁歌拎新人獎唱LIVE…係好驚恐的﹗咁多年把且只有ERIC嫂唱小室作俾佢那首甚麼「落幕夜像不可推開使這晚漫長」可以相提並論了﹗)
雖然楊玉女唱歌似讀書，但感覺係舒服既。這首《初戀》當年很喜歡K房常唱的…
《心跟你還戀愛》…又是一首K房熱點。就因為成日點，我發現有個MV係有古天樂演架﹗但唔記得係邊首了…一路都搵唔番…我記得當中楊玉女一把摑落白面古度架﹗XDDDDD
提到楊玉女不能不提
吳奇隆啦，《梁祝》睇十次喊一百次(一日內睇了三次…癲呢﹗)…如果我無記錯，祝英台阿媽係吳家麗，仲有孫興傾情演出的？
《梁祝》收得於是就有多套《花月佳期》，劇情唔記得啦，但當年睇時是覺得O的，而首歌…唔記得了…唔好問我…(其實我最記得的那套戲是…《超級學校霸王》呀﹗一班天王巨星扮STREET FIGHTER…癲到無朋友﹗)
《全城來吧差差差》﹗完全唔知點解當年啲玉女個個都要整番首兒歌，王馨平有首《生命有價》，同周玉女和湯寶如(？)又有首《美少女戰士》，楊玉女有呢首之外仲有首《愛的魔法》…完全唔記得係卡通定乜鬼的主題曲了…但就好記得有首咁既歌囉﹗
道別話要講半天，分開了片刻都掛念﹗又係一嚟就記得點唱的K房熱唱呀﹗呀，這是跟巫啟賢合唱的《愛情來的時候》…
LAST BUT NOT LEAST，《祝福一句》都係all time favorite來的。
**************************************************
以上。
沒有留言:
張貼留言
要講幾句嗎？﹗XD