2012/11/08

(轉)鈍了的Sharp

剛剛LAP到報紙這一篇,原來SHARP今年剛好成立100年,但因為財困面對破產危機,SORRY…我比較OUT…唔睇唔知。回想一吓…,我又真係無乜買過SHARP的產品…唯一我諗得起既…係手機…咁大把…

聲寶呢個牌子係由細聽到大,不過我屋企好似無乜買(係樂聲和日立比較多…),記得細個時阿爸話西德野好用(唉呀,暴露了我年紀添…哈哈哈﹗),但歐洲牌子貴,於是就買壽司國的產品啦(唔通係咁令小的咁迷日?)。UM,聲寶我比較有印象既係佢啲電視,但電視呢個ITEM唔係我話事,記得用高清電視之前轉了幾部平野國貨,之後有一日屋企無啦啦出現一部LG的,阿娘話日牌貴喎…

又真係好似篇文咁講,鬥平又唔夠國貨嚟(呢句係我講的),鬥功能又唔夠泡菜貨嚟…電視唔好講啦,手提我熟啲(笑),買了部SHARP手提係因為小的太迷和風,好想無論如何都出一部,但若干年前SHARP跟史馬通合作的機機價太貴了,去信和買又不化算就此作罷,到夏普有行貨國化和風(這個TERM係咪好勁?﹗(笑))時真係欣喜若狂,可惜快樂既日子過得總係特別快,就如文中所說,我轉了用唉瘋啦﹗

(嘩﹗呢部好靚﹗睇咗好耐點心2.0…啊﹗即係安卓啲VERSION名呀…睇死我了…但2.0…而家安卓好似出到4.1啦喎﹗)

文中提到的另外一些日系牌子,PANASONIC(呀﹗年初見到新聞話佢會回歸手機界仲出高階安卓機我真係好期待架…但而家又好似無影了…)我09年買完部相機後就無買過了,NEC…嘩﹗完全唔記得有無買過…仲有NDS同部CASIO的電子辭典,通通都因為轉了用唉瘋而被擺在一旁了(嘩﹗數馬瘋真係好毒﹗哈哈哈)。唯一無被唉瘋取代的係叻卜囉(我真係有舖日牌癮的,我用緊FUJITSU…哈哈哈﹗)

(突然諗起細個覺得好強大的愛華,聽WALKMAN時拎住部愛華覺得自己好型架…唔知點解我由細就唔多好SONY…反而鐘情聽愛華喎…點解呢?嘩多一個…看維才知原來愛華被索記收構了﹗)

講起SONY,雖然我唔多鐘意呢個牌子,但從SHARP轉身慢呢個CASE(我諗起加利利維爾個評語…哈哈哈),又真係不得不配服SONY反應快,從N年前佢斬BETAMAX,到後來的CD、MD鑬,開發完賣得唔耐真係幾慘的,但死守不代表會見到雲開和月明呀,反而快快手搵過樣有SO的好過了,睇佢搶攻安卓界幾好睇,身邊最多人用的一就是索記一就是三叔咋﹗

無既,感概一吓啫…

2 則留言:

  1. 不如我將年中買嘅日本雜誌俾你睇啦,全部都講日本家電敗亡,你睇完寫返個summary。
    話說最記得當年SHARP嘅廣告有個口號叫「SHARP,SHARP嘅IDEA」,我覺得好正。

    回覆刪除
    回覆
    1. re:金田一

      咁我等你本雜誌啦…

      sharp既idea…我無印象添…我最愛係panasonic…ideas for life…
      雖然日牌不爭氣…但我還是死守唔買三叔的…哈哈哈

      刪除

要講幾句嗎?﹗XD