關於藏歌…

click吓click吓click到舊文講我儲落的戲飛，心血來潮睇吓儲落的mp3，數吓藏量最多的是誰…原來我真係好熱愛光一王子架喎﹗Kinki Kids竟然一支獨秀跑出了…

就說我走在街上無歌聽是會死的，從n年前聽discman呀walkman到md機到一條條的mp3機，再到而家一部手提已經可以一條龍攪掂的年代，總知就要聽。咁我又係好衰的，小的係鐘意聽的話就會狂聽(即是說…今期流行緊呢隊既歌我就在狂loop，講起上來今年都突然流行了很多人的歌…)，其他的都不會掂既1但我真係好衰，又唔鐘意只帶一部份的歌出街，鐘意將藏歌都一吓子放在機裡咁就可以隨時隨地想聽乜都乜…呃，於是部手提長期只有幾gb容量…哈哈哈﹗

呢個時候就會好討厭唉窿無得插sd card，ios6消電快，入歌一定要經itunes，無得就咁喺手提度delete歌﹗而我最討厭的…是鈴聲只有29秒呀﹗唔夠我欣賞那首曼妙的樂曲耶﹗(但…你唔接電話了嗎？﹗)((最討厭是啲相一張2MB…我邊有咁多位呀大佬﹗))

OT了…

um，自從n年前試過滿心歡喜從姨姨度拎來一隻哥哥既《Final Encounter》cd返屋企，滿心歡喜放入cd機時…竟然read唔到喎﹗小的可是五雷轟頂啊﹗原來cd有一日係會read唔到一吓子聽唔到的﹗(轟隆﹗)…於是小的(很不重視版權地)很落力的dub帶/md到而家會買隻碟番嚟第一件事就係rip晒做mp3，音質既野確係會平板咗好多不過起碼可以存放得耐啲嘛…呢個電子化的行為係從n年前買第一條mp3機(已唔記得牌子…記得係128mb的…泡菜牌)就開始落力電子化…儲吓儲吓(告訴看倌們，圖書館是我的朋友﹗)儲吓儲吓，庫存內的歌要聽兩個星期先聽得晒﹗哈哈哈﹗

上面個圖是一些我隻隻碟都有追的(雖然，有些某個年份後就無買/聽了)，我以為最多會係郭城城呀李克人那些唱了十幾廿年的(呀，有啲碟唔係成隻覺得好聽就只rip了幾首鐘意的…)，最多竟然係KK(我很濫聽的只要唔係難聽到想熄機都會keep…我真偏心…XDDDDD)…喺唔delete(即係逼自己係咪都要聽…於是出街聽時新近幾年的碟成日都有啲歌聽極都唔知係乜既煩歌…XD)既情況下，KK、光一和剛都有SOLO…即係三個單位…大碟加細碟…唔怪得咁多了…囧﹗

上圖差唔多係庫存的一半，二千幾首歌了…睇落都好癲…其實好多睇個歌名我都唔知係乜…好多係LIVE版都有幾個，加埋CD版或翻唱版同一首歌有幾個VERSION，又或者泡菜文/英文/日文幾個版…睇嚟得閒都要同個list瘦吓身…

即係呢…舊既唔走新既點嚟呢…走去買了隻新歡們的舊碟…可真是不錯…又要rip了…XDDDD(我是很貪心的吧﹗)

以上。