[日劇]《女系家族》

兒女 (金枝慾孽主題曲) 林保怡
作曲：黃尚偉 填詞：甄健強

夢半醒 我方知這樣寒冷 何謂愛 無非淒風苦雨間
流著血 紅著眼 就算多轉幾個彎 明日從酒醒 宿醉未散
尋常一對到頭來 豪無樂趣 然而呼喊痛哭拉扯可是對
為可燒到猛火裡 我都不介意伴隨
話我知 這生醒了又再醉 問蒼天 有幾多快活兒女
------------------------------------------------------------------------
04年無記有《金枝慾孽》時日本有《大奧第一章》(另見：《華之亂》)....大家都係講女人之間嘅戰爭....

講女人嘅戲都05年方興未艾(或者永遠都唔會停…)....兩地電視台都再呢一次....無記係《胭脂水粉》....日本就來一套《女系家族》...《金》 和《大》劇講宮廷嘅女人..而《胭》和《女》劇就由一個家族生意出發....又係一堆女人...又有一個懷住遺腹子嘅女人...咁啱嘅又會...都唔知係邊個抄邊個....

同《金枝》一樣...今次都係睇咗無記套先再睇日劇....唔同上次就係今次對《胭脂》係完全失望...而《女系》就喜出望外

大家都係講家族話事人死咗之後...個個都各懷鬼胎...唔係想坐正做生意話事人就想搶多啲遺產....睇《胭脂》....越睇越把鬼火..日日係度三姑六婆你寸我我寸你....講鏡花堂生意嘅戲唔多....反而呢家人唔係坐係個廳度閒話家常就係行街食飯....咁都可以develop到生意...唔係呀話....後來阿嫂變奸總算編劇有點心思...等套戲無咁《真情》feel...不過都係有啲公式化....大結局阿嫂講番自己啲衰野真頭係趕收 工....唉....

《女系》講和服家族老闆過身後佢三個女爭遺產....呢三個女無為阿爸過身傷心好似好衰格咁.... 都未算....佢地身邊各自有啲人好似好關心佢地....到頭來其實想係佢地身得到好處....無啦啦又殺出一個爸爸嘅情婦....佢由頭都尾都楚楚可憐咁(佢係真係楚楚可憐....相比阿雲裳)....一路被三姊妹恰，點知到頭來三姊妹攪呢攪路得個桔...全部都係輸家...贏嘅竟然係個死人.... 真係估佢唔到

戲入面無絕對嘅忠奸....個個人心懷鬼胎等你忍唔住要繼續睇落去想知邊個拎到至多遺產....最後得個桔嘅結局真係意料之外....作者(另外一個鉅作係《白色巨塔》...堅!)同改編嘅編劇應記一功....加上三姊妹演技(大家姐係《大奧》個阿江與夫人...二妹係瀨戶朝香...好少見佢做呢啲攻心計嘅女人...三妹第一次睇佢...唔識)..真係睇到人欲罷不能

我想睇嘅係有quality嘅戲....唔係一路睇一路鬧嘅爛戲....

04/11/2015後按：呃﹗而我不知道《女系家族》係山崎豐子作品喎﹗然後，《白色巨塔》的劇我沒看完，《華麗的一族》劇也是爛尾，書只看了上部，太對不起山崎老師了﹗囧﹗仲有成日話想睇的《命運之人》呀﹗