2008/06/10

[日劇]曼哈頓愛的故事~《マンハッタンラブストーリー》

話說最近想看的兩部日劇《パンドラ/潘多拉》和 《ラスト・フレンズ/Last Friends》都是黑暗到無朋友一類,怕弄得心情不好,不如先來一杯本人飛佛宮藤官九郎(係呀﹗又係佢呀﹗點丫﹗嘻嘻)的曼哈頓咖啡輕鬆一番,笑咗先嘛﹗

(其實想看新作《未來老師》的,不過看了幾集沒太大意慾看下去,反倒是這舊作讓人停不下來要一煲到尾呢﹗)

比起《木更津》、《虎與龍》甚或《池袋》(無獨有偶這幾部都是Tokio人做主角的說…),《曼哈頓》故事十分簡單,就是在電視台附近的咖啡廳內的人交織的愛情故事,宮藤借(八八掛掛的)店長(松岡昌宏)獨白/身體語言/眼神大請愛情理論~雖說是談情說愛,但還是很多爆笑騎呢位讓觀眾笑餐飽,加埋一眾熟悉的面口(睇開宮藤san的話一定不會對塚本高史、森下愛子等陌生吧),劇情沒有大起伏,但卻看得人開懷﹗

看罷不禁要高呼一句:さすが宮藤さん!

關係就係咁囉:A=>B=>C=>D=>E=>F=>G=>H (又好似好複雜?﹗係呀,劇中人愛的對象可是掉來掉去的…)

(啦啦啦,有雷架啦,小心﹗) 

A 赤羽伸子(的士司機) - 小泉今日子
的士司機界的idol(?﹗),時cutie時man時粗豪時少女,不時擔住口煙,但對愛情經驗不足時常有失控行為,特別是她常踢客落車…或失驚無神噴泉頭配司機制服…見到…笑死咗…

話實本人對小泉大姐認識僅限於她和龜梨和也的花邊新聞,看她的戲倒是第一次。拍此劇時她已37、8上下,但演技確實不賴,少女情竇初開還是怨婦都難不到她…說實在,看著看著倒真覺她滿可愛的(難怪龜梨會中招?﹗)

B 別所秀樹(排舞師) - 及川光博
糾纏於赤羽和千倉老師之間的美男,及川大哥是王子樣代表呢架嘛,handle這個美男角色當然無問題,不過是太typical了,沒啥看點。

C 千倉真紀(劇本作家) - 森下愛子
有「浪漫之神」之稱的劇作家,曼哈頓寫播放中的《軽井沢夫人》劇本,不時將自己感覺或人家的事蹟寫進劇情,人家發現時又不當一回事的說「只是我寫的對白而已…」…最攪笑都係,她常和赤羽邊看《軽井沢夫人》邊哭,但…劇本是她寫的…她可是知道所有劇情的說…

看外表森下愛子應該大不了小泉今日子多少,但原來她大長瀨智也足足廿年…也真能做他的媽媽囉…但我看《池袋》時真覺二人似姊弟多過母子…orz…

D 土井垣 智(聲優) - 松尾スズキ
不停和電視台女生攪婚外情的著名聲優,不論是外劇、廣告還是電台節目都可以聽到佢把聲。就是不停攪婚外情,於是生埋一大竇仔女,其中一個女更入電視台當女演員了…

實在,有把口甜舌滑的口才…可能比靚仔更能殺死異性。看大叔外型的土井坦和美男型的別所就知…

D´ 土井垣 春子(聲優)- YOU
土井垣智妻子,肯有一子一女,高中生女兒到電視台當女優了,細仔還是兩歲小bb,還不是學爸爸聲演的廣告講野,很好笑的。You我不知是何方神勝,不過一聲佢把聲…其尖和高…一定一聽難忘﹗

E 江本しおり(主播) - 酒井若菜
幕前一副可愛腔的主播,幕後變做鄉音粗豪大姐。和土井坦攪婚外情攪到懷上對方孩子也不悔。酒井若菜的瞬間轉腔真的很強,角色存在感(重要性)也比《木更津》強多,起碼不是行來行去的花瓶啦﹗

F 船越英一郎(演員)
《軽井沢夫人》男主角,他是人堆中唯一一個叫店長做"master"的人,又認真的品嚐店長沖調的咖啡,本以為他是嚴肅正經的,誰不知他比店長更八掛眾人的感情線;同時他說自己是"family man"愛妻號的同時…他卻愛上愛上土井垣的江本…orz…

最爆,是他如何從赤羽的本名羅馬拼音中砌番赤羽伸子出來…還興奮的拿這個開心大發現給眾人睇…那一刻,我覺得佢好似譚炳文…

G 蒲生 忍(曼哈頓店員) - 塚本高史
忍這條線跟本就是《金枝玉葉》呀﹗原來他因為失戀時到店長的店…店長遞上一個雪糕…令「她」感動不已,就決定到店長的店打工,不過店長只請男生,所以就「女」扮男裝囉…實在,除了平時講野偶然一兩句「の」、「ね」尾較女孩子氣,「她」對店長一切事務都細心照應之外,從忍平時放工的造型和愛visual rock行為實在很難發覺「她」是女生…

弄得店長不知如何是好,還是「忍君」的叫著…又弄得對忍有好感的江本由異性戀變了同性戀…

最爆的是…除了女生男相/男生女相的忍,「她」媽媽也是雌雄莫辨(當然啦,是男人演的…) ,難怪店長不禁高呼:怎麼蒲生家的人都是這樣的…(XDDDDD)

H 曼哈頓店長 - 松岡昌宏
不知日本的咖啡廳店長是不是都常和客人交流,又很關心他們的呢(《溫柔時光》的Master也如是),曼哈頓的店長平時是個沉默寡言的店長(雖然他比較想人家叫他做master…),只靜靜的沖咖啡,期待客人趁熱品嚐。不過事與願違,來店的人都不太飲他的咖啡,反倒是忍接受他們的意見,先後加了店長覺得不態在他的店出現的東東:電視機、意粉、咖哩飯、漫畫、早餐…(這個很有《未來老師》中補習社社長常改店名的…)

平時唔多出聲的他,會躲到店的store room裡把客人的關係寫在黑板上慢慢分析,不時會用客人飲不飲咖啡打賭,在客人遍到問題是又會一支箭的衝出去…穿上乾濕縷後扯掉master衣物…和…重點:鬍子﹗這時候他才會出聲,講出一大堆道理﹗這時候他不會一味獨白的了…哈哈…

松岡昌宏的只看過《夜王》(而且是爛尾的),那套很難不被北村大神吸引著吧。這回才是他表演的時候,他靠眼神和動作表達情感,加上抵死的獨白,實在這個諸事八掛的店長也蠻可愛的~和赤羽十個襯囉﹗

不得不提是赤羽、千倉、江本、忍回憶自己過去時演出當年的佢地既猫背椿(即係《虎與龍》入面個演歌家嫂),肥肥地(有點少女朱咪咪feel的)的外型演一眾美女的年青版,不時高呼「バガやろう…」…笑死咗…

講係講唔盡,總之睇完後好滿足,好開心~呵呵呵。大家一齊看吧﹗(我又逼人看嗎?卡卡卡)


******************************************************
記得鄭sammi和梁影帝套《同居密友》有一場是鄭sammi不知就裡將梁影帝屋企檔牛腩汁倒掉,那煲野可是精華中的精華…於是二人只得去勻隔離左近的麵店買牛腩來重整一煲…

看著看著,不知此店那煲「千年汁」又用了幾耐呢…


那煲汁很醜但很好味,但我真係好想知究竟煲汁究竟會唔會換既呢?﹗哈哈

青年商店, 柴記永x商場 (開飯居然無entry啊﹗)

18 則留言:

  1. 我迅速立完留言. 咦, 好似d 選角麻麻 (應該我我孤陋寡聞, 冇咩邊個識) 同個關係咁複雜0既.
    手頭上有好多貨, 呢個應該係唔睇冇損失??

    10th Jun 2008 14:40 PM

    回覆刪除
    回覆
    1. 啲人腳都係嗰堆囉,睇開有感情架
      咁我覺得呢套野相對比較正經,主題講愛情應該較易入口吧?﹗
      你問我唔睇係咪損失我梗話唔係啦,卡卡,作為一套消磨時間既喜劇都唔錯架…笑吓嘛可以…

      10th Jun 2008 21:01 PM

      刪除

  2. 比起《木更津》、《虎與龍》甚或《池袋》(無獨有偶這幾部都是Tokio人做主角的說…)

    10th Jun 2008 20:19 PM

    回覆刪除
    回覆
    1. 木更津是岡田和櫻井嘛
      或許我應該adjust吓啲標點,我意思係《虎》、《池》和《曼》都係tokio人做主角的說…umum

      10th Jun 2008 21:03 PM

      刪除

  3. 比起《木更津》、《虎與龍》甚或《池袋》(無獨有偶這幾部都是Tokio人做主角的說…)<~《木更津》呀准一唔係V6架咩....
    第1次浮上水~多多指教呀~~=]
    (但好似賴左野....唔好意思)

    10th Jun 2008 20:22 PM

    回覆刪除
    回覆
    1. 你是第一次在鮮奶留言的吧?多多指教啊…
      話說留言的話有用keyboard m字隔離個箭咀的話會被system當code,箭咀後面成段字都會被cut架…
      我都中過好多次招…

      10th Jun 2008 21:05 PM

      刪除
  4. 真巧,我剛看完這部舊戲! 看了幾個月才看完。這類輕鬆神化的戲,分開一集一集看較適合我,例如一星期一集。
    不停地一口氣『煲』我會頂不住。話說我也有看得悶悶地,有時給那些abcedf弄到不耐煩。不大去理那些字母箭嘴,就看得愉快些。阿船越個真係好似譚炳文!每此『再現ドラマの女  :  猫背 椿 』出場,加埋音樂,我都發笑。
    看了好幾套宮藤官九郎的劇,此君真係才華非常,無理中有理。絕非頂閒惡搞當有料之輩。 這裡提到的就只《木更津》未看過。

    11th Jun 2008 09:23 AM

    回覆刪除
    回覆
    1. 又真係幾啱喎,其實套戲我有喺手好耐,不過的唔起心肝去睇而已…
      我呢啲八八掛掛既,似足店長咁八人家既野,咪好想知最後abcedfgh感情著落囉…真係估宮藤唔到架,明明結局出end roll前結局已經定晒,唱完歌仲可以來個大兜亂…
      想唔大讚佢有料到都唔得啦﹗今次佢算係正經架啦,集集都講吓愛情理論咁…不過嗰啲位ok悶的…卡卡…
      木更津我好似仲有一兩集先睇完,個人鐘意《虎》、《池》或呢套《曼》多過《木》囉~
      船越我以為佢係正經架,點知都有啲爆笑行為﹗哈哈
      猫背椿喺《虎與龍》個角色係正經的,《曼》就真係勁爆,啲青情和聲線真係一流,見佢行出呢就想笑…

      12th Jun 2008 09:27 AM

      刪除
  5. 哈,見到宮藤就又浮上水面...
    最近一概不看黑暗劇,我正在追CHANGE~~很歡樂的劇,暫時來說...
    未來講師本來打算睇,點知個個都話唔好,結果就pass...
    曼哈頓都睇咗好耐,大概虎與龍後冇幾耐——唔使問依然比較喜歡虎與龍啰~
    不過學你話齋:さすが宮藤さん!最後感情大逆轉真絕!每集master大變身經典!
    宮藤套《愛的魔法使》更神化同惡搞,演員形象被顛覆得七七八八,不知iceko看過嗎?

    12th Jun 2008 10:59 AM

    回覆刪除
    回覆
    1. 我睇緊《潘多拉》,似似地《白色巨塔》咁講人性黑暗面,不過都ok喎,唔係暗得太緊要,反倒是幾刺激的說…
      《未來老師》…可能係第一部我覺得無聊的宮藤劇,睇咗幾集就無追了…
      其實我最愛都係《虎與龍》,不能不提當然係本人既飛佛長瀨智也囉~還好《曼》劇雖然無佢份,但片尾聽到佢既歌聲~~還是很令人陶醉的啦…(花痴中…)
      《愛的魔法使》聽過呀,但好難搵呢…《曼哈頓》都搵咗好耐的說…嗚…仲未睇呀…

      12th Jun 2008 13:10 PM

      刪除
  6. 現時追一套CHANGE就夠,潘多拉好多人都話好,會考慮
    《愛的魔法使》我好似見到bt上仲有...筱原涼子在劇中很可愛...同伊藤英明的笨蛋夫婦肉麻當有趣得極致!起碼有阿部,算是原班人馬,《未來講師》連一個熟面孔都見唔到
    《曼哈頓》片尾曲Tokio嘅,當然係長瀨嘅聲喇~話說我連《歌姬》都未睇...
    不過《壽司王子》睇咗,雖然無厘頭之極(堤幸彥難道只是掛名??),但都係想睇埋電影版..

    13th Jun 2008 21:16 PM

    回覆刪除
    回覆
    1. 剛睇完《潘多拉》仲寫埋後感,有興趣去看看啦~我睇街坊後感就係《change》係簡單化既政治劇,加咗啲喜劇元素,《潘多拉》就剛好相反,壓逼感、張力都很強,係忍不住快快追到結局為止囉…
      俾你講到我好有興趣睇《愛的魔法使》啊…爭呢套,宮藤的舊劇就煲得七七八八了﹗
      《歌姬》我都有寫文講一下,基本上係耐性大考驗…長瀨我還是最愛佢既《虎與龍》…
      (tokio雖然係一隊band,但首首歌都係長瀨唱…好似佢個人大碟咁…哈哈)
      我呢水成日煲《壽司王子》隻主題曲《no more》囉…戲就未睇啦,唔知會唔會有碟買呢?﹗(個人其實想睇《欺詐擸人》電影版多啲…哈哈)

      15th Jun 2008 18:32 PM

      刪除

  7. 《潘多拉》仲未睇,所以唔敢睇你篇讀後感住~
    《change》其實只係披著政治外皮而已,起碼到第5話有此感覺。但因為實在很喜歡群戲,這次群戲唔會《HERO》差,看得很歡樂~
    宮藤嘅戲除咗《講師》就差《木更津》啦,我反而係搵唔到呢套。不過始终最愛都係《虎與龍》~~
    tokio係真係band吖嘛,主唱长濑。单人嘅歌大概就係《一个人的牙刷》同另外唔记得名2003嗰首?
    《寿司王子》连我都有啲顶唔顺..

    16th Jun 2008 21:48 PM

    回覆刪除
    回覆

    1. 趁人少少先講,其實我一路都不太迷木村,so far都只係熱煲過一套《long vacation》(而我係中竹野內豐毒…),唔係電視播我都無乜睇佢啲劇…umum
      又趁人少少先講,其實我都鐘意睇人性鬥爭(政治好,古裝宮廷劇又好…),實在講得鬥爭複雜都唔係問題,簡化咗反而無咗鬥智鬥力既樂趣…
      所以聽到《change》係套簡單化咗既政治喜劇我係有少少卻步囉…睇吓街坊評價點先決定睇唔睇了…所以先睇《潘多拉》…
      《木更津》我都係麻麻地,睇係睇咗,無乜印象…可能我太buy長瀨了…卡卡…
      《一個人的牙刷》以外,03年套《女婿大人》首歌係《不能沒有你》,曲風差不多的…無前作咁好但又唔特別差咁囉…(其實tokio近年啲碟都幾唔錯,06年隻《harvest》我聽到而家添呀﹗)
      《壽司王子》我當佢係套唔使點用腦即管笑個飽的笑片囉(對不起光一啊﹗),其實我都係有少少懷念佢做《沒有天使的街角》那類悲劇男主角feel既角色…

      17th Jun 2008 10:19 AM

      刪除
  8. 其實我一向都唔迷木村(以前甚至會有排斥感)~主要係之前公佈change卡士,知道深津同木村再次共演,然後先的起心肝去睇虐死人嘅《從天而降的一億顆星星》,睇完雖然都唔係話迷上木村,但我覺得佢做呢個角色(一個壞男人)的確好好,好有魅力!所以因為《空星》對木村改觀。而又因為實在太虐喇個結局,所以早就決定春季只追呢套啰——純粹移情作用,哈哈~
    本來知道係福田靖編劇就知道唔會係黑暗劇..
    《木更津》我可能同你一樣,因為岡田而唔係長瀨,雖然想睇,但又唔會太積極去搵啰~不過都仲記得《歌姬》未曾睇嘅...
    仲有,其實《壽司王子》好多時候都笑唔出...所以我先懷疑堤幸彥係掛名(明明TRICK系列都好好笑嘅)。不過iceko你竟然唔睇佢嘅戲?!
    啊~我相當期待夏季堂本剛嘅土11!

    17th Jun 2008 14:23 PM

    回覆刪除
    回覆

    1. 雖說我對木村無乜興趣,不過佢有些經典劇如《愛情白皮書》、《美麗人生》我都有興趣睇番…。話時話,smap有啲歌都幾好聽,只要中居大哥唔開口,另外4人唱都幾ok~可以咁講,我係smap歌迷多於木村劇迷囉…(鬼叫我中佢師弟啲招多啲…XDDDD)
      《歌姬》你頂得住頭幾集,就會漸入佳景的了﹗而家夏天檔劇集公佈了,唔知長瀨會唔會秋天或冬天出動呢?好期待佢既新劇啊﹗
      無無無…光一的劇我都有睇架﹗不過未睇《壽司》套電影之嘛﹗我係好忠心KINKI粉來的,套套我都睇,不過唔係套套都鐘意咁解之嘛…悶如《和弦》我都照煲…
      堂本剛嘅土11--我倒想知佢以乜造型出現,佢而家好型格喎…(所以我覺得佢既一身造型和《前男友》入面個上班族角色係極唔match…)

      18th Jun 2008 10:02 AM

      刪除
  9. sma嘅歌我興趣都不大,佢哋啲live真係...木村以往嘅劇其實睇得唔算多,你講嘅我都未睇過(笑),不過如果想睇下不一樣嘅木村,我其實真係幾建議你去望望《空星》啰(只要忍受住比較變態嘅劇本)!尤其係結局,幾位主角嘅戲,完全令我忽視劇本嘅不足!——最近我總係到處宣傳《空星》,哈哈~~
    話說,《CHANGE》也漸入佳境..
    長瀨今年會出劇咩??但係《歌姬》除咗有佢,我仲未搵到其他吸引我嘅元素啵..
    堂本剛再演偵探就夠吸引啦~另一方面,我有睇《篤姬》,唉唉,友坂理惠變咗好多...

    18th Jun 2008 17:00 PM

    回覆刪除
    回覆
    1. 睇smap既live有個樂趣,就係中居吓吓都超誇的動作,配另外4個比較正常幅度的舞姿,好攪笑的…
      歌就一首首,唔係首首啱聽…
      你咁講我都有興趣搵吓呢套野內睇…哈哈,呢水手頭上好多劇未煲完,有機會有機會﹗
      change睇吓點啦,本身興趣不大…所以先睇《潘多拉》和《last friends》了…
      無啊,就係夏季劇都無長瀨粉,而家在用念力希望佢秋季會出山…
      《歌姬》最大的吸引力咪就係長瀨囉﹗哈哈…

      22nd Jun 2008 17:35 PM

      刪除

要講幾句嗎?﹗XD