2008/06/17

今年新人特別多…

標榜創作型的。(回帶:我真係好鐘意題目接內文﹗哈哈哈)

基於本人自小就慣咗開住收音機瞓,剛巧臨睡前電台的節目以 播歌為主,而播既歌又咁啱以港、台新歌多,就係咁本人就聽聽埋埋唔少近期新歌(好方便唱K﹗哈哈)。感覺,今年新人好像女仔較多,而幾位女生的聲音好像都 幾相近…弄得我一直攪不清邊個打邊個(奇又奇在佢地都claim自己靚聲唱作喎)。本來想賦文講吓,但寫寫吓搵搵吓越搵越多,咁索性寫吓對今年樂壇新人有乜觀感啦。

(排名不分先後,純粹係search到邊個個名就cop邊個個名先)
(歌手名/派台歌/唱片公司寶號)
(睇吓看倌們識幾多個?出年年頭頒獎禮時再睇一定好有趣…)

Fiona Fung 馮曦妤/陽光雨/東亞-SONY BMG
個人博/官網
據報載:原名馮翠樺的她憑一曲英文歌《Proud of You》而被人認識,另一首較知名是《Shining Friends》,曾被香港歌唱組合2R及Cookies翻唱,也是無綫電視電視劇《當四葉草碰上劍尖時》主題曲。其續集《赤沙印記@四葉草.2》的主題曲《Find your love》亦是由她主唱。曾為陳柏宇《永久保存》、周柏豪《六天》、周麗淇《問號先生》和Twins《救生圈》。
唔講都唔知新力被岳少收購了,咁即係陳柏宇都係東亞人?看上面bio都見馮曦妤唱唱埋埋唔少廣告歌,一聽《陽光雨》的確感到把聲好熟,首歌唔算搶耳不過輕輕柔柔咁幾舒服。只是最近好像無晒聲氣…唔覺電台播呢?﹗(都在播朱韻詩和麥家瑜…)

Emily 王歌慧/《大話精》/東亞-Amusic

官網 
據維基載:2006年在黎明的提攜下入行,參演音樂電影《緣邀知音》(2006)。

9字輩﹗眼大大可愛女生類,可以接江若琳棒囉。歌沒聽過…

JJ 賈曉晨/《最愛的愛》、《不要走》/潮音樂

個人博/官網

據維基載:2002年參演內地電視劇及拍攝廣告,2003年加入香港娛樂圈,曾演出多部 電視劇及電影如《伊莎貝拉》、《俠醫傳奇》等等,並曾參與演出多個知名品牌廣告模特兒。2006年參加無線節目《美女廚房》成為美少女廚神,2007年憑 《味分高下》中的味之天使走紅,2008年將推出首張國語專輯和寫真集,正式進軍樂壇。

乜而家黎瑞恩首《自卑》變咗出道指定作?先有謝太改成《任何天氣》,而家又多首國語版《最愛的愛》…聽完…umum…原來謝太當年唱得不差…又原來月米高嗓音也不算太差…(真係得罪講句,我聽到打冷震…)

Rannes文恩澄/《愛情第二》、《娛人娛己》/ EC Music-國際娛樂
 個人博/官網


據維基載:2004年開始在網上論壇上載自己的作品,亦曾經在網上以網名 "橙橙" 為名,她的原創音樂也曾被人流傳過好一陣子,特別是寫了 "水孩子" 及為已故的著名網上歌手阿霖寫出歌曲 "灰姑娘正傳" 後更廣為網上原創聽眾認識,自從自己開設了個人網站後,便停止在網上論壇上載作品,簽公司後網頁也關閉了。正式做歌手前,曾經賣過一首流行曲給許志安,名為《孫果與了因》。2007年被公司發掘,正式成為 EC Music-國際娛樂旗下歌手,與陳曉東屬同門歌手,第一首派台歌是與陳曉東合唱的《愛情第二》,也是出自她的手筆。

只聽過和陳妖lone合唱的《愛情第二》,印象不深…又係唱作型呀…

Tina 朱韻詩/《聽見》/星娛樂
官壇
據Yahoo知識載:回流香港後,她被介紹進入一個非牟利的本地音樂推廣組織,就在星光 大道表演時,被現在的唱片公司發現。為了吸收更多音樂上的演出經驗,她參加很多由本地音樂創作所舉辦的音樂活動,在音樂上得以更多的交流及接觸。她亦曾參 加很多本地的音樂比賽,其中2005年CASH流行歌曲創作比賽她的作品入圍最後五名。之後,她的作品亦被其他歌手選用,當中包括容祖兒的《蒸餾》以及胡 蓓蔚的冠軍歌曲《Letting Go》等。現在,有不少歌手亦很欣賞她的音樂創作向她邀歌。

某次睇《勁歌》見佢同豹嫂合唱和第一次聽《聽見》,我常把她的聲線和下面標榜靚聲的麥家瑜撈亂…二人主打歌係因為前述的電台節目常播所以聽熟,俾首佢地是但一個人既新歌我估…我未必估得出係邊個唱。同埋,原來呢首歌係《惡作劇2吻》粵語插曲…

唔知佢有無興趣和黃氏、何氏一齊組個韻詩同學會呢?

環球
據報載:環球08年重錘出擊八位數字,力捧「神奇四俠」四顆閃耀新星更出動譚詠麟、陳奕迅、張敬軒和謝安琪力撐,鎖定男/女/組合新人獎為囊中物。

原來敬hins整個叫新人唔好hill既花牌…就係呢單野…orz…「神奇四俠」…不如四大高手…東邪西毒南帝北丐…

Keeva 麥家瑜/《殺死我的溫柔》
官壇
據網載:Keeva出身音樂世家,有容祖兒的唱功和楊千嬅的性格。

不重複上面朱韻詩一段,即是說我常撈亂她和朱的聲線。另,有容祖兒的唱功和楊千fa的性格…即係會不停叫「我要去跳舞」邊大笑?﹗我好驚啊…

Eva 陳詩慧/《錯在我》

個人博

據報載:Eva則走何韻詩路線(﹗)曾為陳奕迅《演唱會》和吳卓羲《別怪她》填詞。

寫此文前我是不認識呢位朋友的,不過見有報導說她走「何韻詩路線」即時很有興趣,唱作女生?(環球是claim佢做唱作女生的…又唱作了…)少女梅艷芳?定梁祝下世傳奇後現代版呢?

MC Jin 歐陽靖/《ABC》

據報載:乃唯一在美國出過Rap碟的中國人數年前憑一曲《Learn Chinese》打入Billboard榜。

沒聽過的關係無野寫…sorry。

樂隊Mr.

據報載:獲譚詠麟睇中不但親自指點錄音,又帶他們去做義工,大有機會做溫拿接班人

同上,沒聽過的關係無野寫…sorry。

Chelsea 唐素琪/《大家好過》/金牌


據大典載:曾是本地全職專業模特之一,其後簽約金牌娛樂成為娛樂藝人。她是少數網民心目 中的女神;可幸是傳媒向來只硬銷其可愛造型,加上天賦所限,因而免於成為普遍網民的性幻想對象。唐素琪的洋名本為「Suki](Sukie),所以有甜姐 兒「Suki糖」之暱稱。該洋名一直沿用至成為藝人後,才莫名其妙地更改為「Chelsea]。由於「Chelsea」是著名英超足球強隊及日本糖果品牌 名稱,故此唐氏亦被部份網民譏稱作「車路士」,或「車路士糖 ]。

被官台某(本人認為)極度欠缺音樂知識但做緊流行榜倒數節目的女主持評為唱功需要改進…我好像只聽過一兩次,沒太深印象。不過既然佢出身金記,我又會好有興趣留意柏糕點捧佢囉…

原來《愛情萬歲》月米高和鍾舒漫以外的第3個女仔就係佢…

英皇

Carlos陳家樂
個人博

據報載:於2003年曾參與英皇新秀歌唱大賽。後來簽約英皇娛樂集團有限公司成為旗下藝人。有份參與《盛裝舞步愛作戰》演出。

沒聽過的關係無野寫…sorry。

Pink 陳聞平

個人博

據報載:曾參與英皇新秀歌唱比賽2007奪「觀眾海選票王」。

同上,沒聽過的關係無野寫…sorry。

William Chan 陳偉霆/《Taxi》

據報載:全球華人新秀歌唱大賽(香港區選拔賽)冠軍,後加入Sun Boy'Z。現時陳偉霆作個人發展,而Sun Boy'Z另外兩位成員將主力拍電影。

聽過首歌幾次,都有板有眼ok架喎…即係呢,其實Sun Boy'z仲會唔會改組…變成Sun Sun Boy'z咁呢?

范萱蔚/《一起愛》(裕美合唱)/ StarJ
個人博
據維基載:在2004年參與商業電台「森美小儀歌劇團」之舞台劇「早安啊!曼克頓」的演 出後被現時經理人公司賞識,從而簽約成為潮藝娛樂集團有限公司旗下藝人。現為2007年新晉樂壇女歌手。另外,Percy 被香港人際口才學會選為「青年大使」,曾與香港人際口才學會合作到各中學進行一個名為「個人表達之青年力量互動講座」,與同學分享與人溝通的技巧。

呢首傳說中既合唱歌沒聽過,但印象中有見過這張碟的海報…

搭個位講吓,阿裕美妹妹既新歌《漂流記》和《心領》,兩次我一聽都以為係江若琳唱的…(而《心領》的高音是十分危危符…)還是《搭錯車》最有代表性呢…

Renee李蘊/《無心對峙》、《彩虹橋》/輝皇娛樂

個人博

據維基載: 於2004年,13歲正式加入樂壇,是前香港組合Cream的其中一名成員,舞蹈組合Loving Girls的隊長及Ice Band的鼓手。
Renee於2003年參加商場舉辦的歌唱比賽「新星新人類」獲得殿軍,被現任經理人 Peter Chiu發掘簽約為輝皇娛樂旗下歌手,與陳曉彤(Hilda)及盧嘉寶(Carpo)組成三人少女組合Cream,展開其演藝旅途。李蘊其後更跟有「亞洲 鼓王」之稱的唐龍學習打鼓。
Cream於2006年8月演唱會後暫時分開,事緣Hilda前住愛爾蘭讀書,而Carpo則專註學業。Renee於2007年出席電台節目叱吒樂壇訪問時宣佈作獨立發展,同時推出第一首個人歌曲以及拍攝第一齣電影《第一誡》。

Quote番本人兩年前舊文:「個人覺得RENEE妹妹美人胚子初成,假以時日娛樂圈玉女將多一名猛將~(OH…原來佢有份做《人間蒸發》)」 ,現下真的應驗了,只是舊相是童裝造型,現下就是0靚界look囉。阿妹妹會考完唔讀書入娛圈發展了,我諗如果不是之前的濕身事件,妹妹條路可能更順。現下…怪怪地咁囉…(新不新舊不舊,硬覺得係李彩rain那種situation)

有無人可以話我知有無舊文中說的新世代組合Chips去咗邊?﹗

*****

18 則留言:


  1. Renee大個左麻麻地...
    至於hocc路線那位姐姐...sorry我get唔到hocc會點填別怪他...佢次次出碟都玩唔同野, 好難跟佢喎.
    不過sell新人, 為左令大眾有d印象, 係咪都話佢似某某先...起碼我都為佢留左幾句言啦.
    >>Keeva出身音樂世家,有容祖兒的唱功和楊千嬅的性格。
    呢個詭異, 點會有人sell似某某歌手性格? 會唔會遲下有人sell"似譚校長一樣係食物焚化爐"?
    唐素琪...做model都仲ok, 做藝人唔夠sharp. 不過既然史小姐都可以成功, 我信得過金牌奇蹟o既...睇下點.
    馮翠樺...上次睇勁歌好難聽喎...

    17th Jun 2008 14:16 PM

    回覆刪除
    回覆
    1. Renee我覺得佢會變少女李彩rain…
      hocc填別怪她…我會聽喎…這個真係幾好笑…
      新人啲description我係cop報導既,未必係唱片公司official claim,但不排除係宣傳大員講過所以記者先會寫…但話似某前輩的路線或唱功都話,似性格真係幾驚…遲啲會唔會有人sell似敬hins的hills…或陳醫生的high 爬呢?﹗
      阿唐素琪我成日以為佢就係大典那個kawaii(港女…?﹗)…原來係另一個…個樣望多幾次先有印象…(其實我留意呢個女仔都係想睇柏糕點捧佢…金記實在係有點石成金既加技…)
      fiona fung上勁歌那次…都係…哈哈,勁歌金咪考起好多舊人,何況係新人,不過佢把聲唔係我杯茶…

      18th Jun 2008 09:45 AM

      刪除
  2. 李小球12/2/13 20:22

    不愧為娛樂界代表!佩服佩服~

    17th Jun 2008 15:02 PM

    回覆刪除
    回覆
    1. search engine之偉大je…
      你唔見我好多都話無聽過無野寫咩?﹗哈哈

      18th Jun 2008 09:47 AM

      刪除
  3. 嘩~我真係無個識囉。不過我見過范萱蔚全新二手碟十八蚊都無人要。

    17th Jun 2008 18:30 PM

    回覆刪除
    回覆
    1. (我覺得呢位姐姐和裕美妹妹啲歌都係有少少騎呢…)
      成日覺得范小姐出咗碟好耐…原來今年先出的說…

      18th Jun 2008 09:49 AM

      刪除
  4. MC Jin幾得意架... 歐陽靖嘛。聽下佢D歌... 幾搞鬼。我中意"飲啖茶食個包.."
    http://www.myspace.com/jinforthewin

    17th Jun 2008 18:41 PM

    回覆刪除
    回覆
    1. 你講起呢句歌詞我又有啲印象喎…
      你管一吓先…

      18th Jun 2008 09:49 AM

      刪除

  5. 死火,完全都沒有聽過。
    可能是我近來少聽radio了。

    17th Jun 2008 21:49 PM

    回覆刪除
    回覆
    1. 我臨睡會開住收音機瞓…所以先聽得多…
      以前那些談心節目無乜播歌…我咪唔識新歌囉…

      18th Jun 2008 09:51 AM

      刪除

  6. @_@冰子你好得閒嗎?服服服!
    問題時間,呢班人而家去咗邊:
    應昌佑
    Tinka
    CK
    XXDD

    18th Jun 2008 00:54 AM

    回覆刪除
    回覆
    1. 我回帶了:search engine之偉大je!(XDDDD)
      應:佢有新歌打咗上台啦,據說好快會出新碟(不過都是一貫Amusic式情歌…令人擔心…)
      Tinka:是誰?﹗(蔡琴…)
      CK:唔知…

      18th Jun 2008 09:52 AM

      刪除

  7. 今年好像model特多...冇咩人特別有印象
    歐陽靖唔得喇,香港唔多buy ABC...

    18th Jun 2008 09:36 AM

    回覆刪除
    回覆
    1. 我記得唐素琪…是因為我以為佢就係大典度被人封為港女的KAWAII…
      那位MC JIN…沒聽過他的歌…Orz

      18th Jun 2008 09:54 AM

      刪除
  8. 田中小百合12/2/13 20:27

    嚴格來說Fiona馮也不算是新人咯。

    18th Jun 2008 22:21 PM

    回覆刪除
    回覆
    1. 咁佢未正式出碟都未叫係出道既…umum

      22nd Jun 2008 22:47 PM

      刪除

  9. 如果以今年新人來說,比較喜歡唐素琪,以前見過她一次,她那時仍是模特兒,唱歌都不錯,雖然假唱很勁……
    賈曉晨本來都喜歡,不過賣樣賣得太嚴重,不覺得唱歌好,唉!覺得香港樂壇始終很悲哀,始終都是要玩偶像派,不是要搞得勁樣衰就是有實力,但是何必要太玩樣?

    19th Jun 2008 21:27 PM

    回覆刪除
    回覆
    1. 我聽過唐素琪首歌一次咋,朱韻詩和fiona既主打歌就熟啲…
      jj首歌太恐怖啦,佢真係要練練先得…實在而家好多歌手都係出吓碟撈個歌手身份,方便登台多個身份搵銀…之但係唱成點就係另一件事囉

      22nd Jun 2008 22:51 PM

      刪除

要講幾句嗎?﹗XD