2015年萬千星輝頒獎典禮

其實，啲入圍劇集無一套我完整睇過晒既，然後有好多係播過都唔知(唔記得既或者比較多)。咁據說係大熱門的《梟雄》有望過吓，《張保仔》因為太騎呢而望多過兩吓，《鬼同你OT》和《華麗轉身》因為係食飯時間播所以望得比較多，印象OK同幾好笑的說。另外無乜出現過拎獎的…《衝線》囉…之後…仲有唔知點解段鳳三會變咗段素四(我娘補充係個個演員都會一人分飾兩角的說)既《無雙譜》…無啦。

但我又唔知點解好有興趣睇頒獎典禮，可能無記見我忽然神心所以送啲笑料俾我笑…人家Oscar食pizza…佢地食雞記…啲花旦小生著到令一令食雞…堅係笑咗…(點解無鄭視帝出嚟架﹗有無人call過佢﹗)

另，17哥終於拎到個視帝的邊皮了…

(名單copy自維基…點解無叻哥個獎既？)

最佳男主角 《梟雄》 喬傲天 ／黃秋生

套劇播完到而家我還是覺得秋生哥會拍tbb劇好神奇…雖然這套是一個雷聲超大和雨點超小…well，我記得本來係啲《乜乜hill雄》系列第三輯嘛(有文有真相真好﹗巡禮時叫《巾幗梟雄之諜血長天》~無咗499變成胡囧…原來已經係2013年的事…噢…)…同埋我記得話胡囧拍的時候攪到情緒低落云云…但出街時佢走咗…噢…
28/12/2015後按：原來《巾幗梟雄之諜血長天》同《梟雄》係兩部劇嚟架…而我不知道﹗

 呀…我想話呢，到頒獎的一刻我先知馬明係年輕版秋生…點解黎視帝又唔使年輕版…um…同埋呢，呢套同《東坡家事》都有煒哥，佢喺台慶月出現率超高囉﹗

最後，秋生哥演技和拎獎時的感言嬴晒。17真係輸得心服口服啦…

最佳女主角  《鬼同你OT》姜　蓉／胡定欣

呢套食飯時望過真係幾好笑的說…(其實無乜野講啦套劇)…其實呢，我幾鐘意嘉欣bb喺《華麗轉身》既港女演出(其實佢n年前喺《珠光寶氣》既任性千金小姐都做得好出色)好入型入格…同佢平時個人完全兩回事…睇得出佢真係有俾心機的說…well…不過佢好似一路都無乜視后運…

至於胡定欣，我想話我好鐘意睇佢套《名門暗戰》(我竟然記得有這麼一套劇…仲有鄭俊弘首《投降吧》…真係幾好聽…哈哈)((其實黃浩然都好出色呀…最爆的，係黎視帝一連發現自己阿爸唔係自己阿爸，以為自己個仔原來唔係自己個仔…囧))…佢做奸做忠都係自然地流露出角色的特性(縱然是可怕到一個點的《萬凰之王》)，唔係為奸而奸，睇得舒服既。呀，係呀，我講緊楊視后的麗妃，楊視后呢，硬覺得佢而家好一號表情…佢成功取代了胡囧囧為為我頭轉轉台對像…囧。

最佳劇集 《梟雄》

沒有看…沒有看…沒有看…

最受歡迎電視男角色 《張保仔》 愛新覺羅•旻皓／Bowie／陳展鵬

17哥終於都上到男角色獎了…雖然只係最受歡迎，不過對手係秋生哥，都心服口服啦，同埋呢，《張保仔》真係好kai啲劇情(真心，雖然我只係跳住嚟lap)，就我所lap的，阿貝勒仔係幾英偉…哈哈哈哈哈。出年有套《城寨英雄》(好似係呢個名…)，希望啲劇情是正正常常啦…

為了慶視17哥得獎，我要欣賞番佢1996年的《緝私群英》先得…原來唔覺唔覺佢都出道廿年了…(我真係開始睇了﹗)

最受歡迎電視女角色 《鬼同你OT》孫淑梅／田蕊妮

杜太太好強﹗又拎一次﹗不過睇佢我係舒服既(我好似好鐘意用舒服呢個形容詞)，唔知呢，我好怕啲女藝員的一號表情二號哭樣，同埋生仔都係一樣咁濃既濃妝…真係好驚恐…

呀，其實我鐘意佢做段鳳三呀…哈哈

最受歡迎劇集歌曲 《眼淚的秘密》／《武則天》／吳若希

點解唔係阿姐既「經過那些年~~~~~」架…其實呢，吳若希啲歌唔難聽，又易記，但可唔可以唔好一集播九千幾次？好聽都聽到覺得煩啦…然後呢套《武》又播足七日…真係煩到一個點… 

最佳男配角 《梟雄》 麥瀚林／韋家雄

無看…不過見家雄哥拎到個獎都開心既，俾吓啲實力綠葉嘉許嘛﹗ 

最佳女配角 《張保仔》炎貴妃／姚子羚

雖然當年《酒店風雲》沒有集集看，但佢當年左一句右一句「三表哥」真係好驚恐，之後《鐵血保鏢》(這套我看了一千萬次…哈) 啲喊樣都仲係有啲煩…呢幾年我記得《愛我請留言》的醫生媽媽，好難得一個拋夫棄女的阿媽角色做得唔討厭仲有會啲同情佢添架嘛…至於這個炎貴妃…我無乜睇喎…哈哈哈﹗就是說姚子羚成功從好驚list跳進prefer list，但可唔可以唔好生完仔都係一臉濃妝呢？(我講緊《刀下留人》…)

姚和胡定欣都係睇得舒服組，希望佢地上咗位唔好好似胡囧和楊怡咁變得可怕之後成伙我skip之選啦…(雖然我無幾可坐定定睇電視…)

飛躍進步男藝員 洪永城 天眼／陪著你走／張保仔／過節／在那遙遠的地方•北韓

唐詩詠頒獎喎﹗佢個樣真係好欠打…well…然後…無然後啦，照而家個勢應該會有排見到佢…囧 

飛躍進步女藝員  陳凱琳  四個女仔三個BAR／張保仔／搵食飯團／2015TVB最受歡迎廣告頒獎典禮／萬千星輝賀台慶2015

um…又係《張保仔》嘛…um…是可以做得更好既…um…無乜意見…um… 

最佳節目主持 《Sunday靚聲王》 汪明荃／鄭少秋／林曉峰

「經過那些年…」…~~~~做咗勁多個星期日…終於都做完了…well…

最佳綜藝及特備節目 《Do姐去Shopping》

好多朋友話好睇…到我想睇的時候…係咪做完啦？ 

最佳資訊節目《世界零距離II》

沒看過…

最受歡迎經典劇集《大時代》

其實呢，唔係唔想睇，係我唔鐘意被限時限刻睇…所以…我仍然沒看過這部的﹗哈哈哈…

***************************************

好啦…下年再續﹗~