2015/09/26

颱風台北行~上

是咁的,因為轉工於是本來預咗成行的日本行去不了,因為新舊工之間有個中秋long weekend,咁諗住去轉台北遊吓飛機河都好丫,就係一心去玩成就了呢個史上最多災多難的遠行…真係唔去好過去囉…囧﹗

災難之一是farewell lunch地點超凍然後餐飯食濟咗,返屋企已經唔掂地發熱,但見食咗啲藥又退咗燒那就照常出發…出事位…係飛早機之前吃的早餐…唔係個奶油多…呢個係ok無事的…係杯啡(諗住精神一吓嘛…)…一上到飛機嘔到《驅魔人》個細路女咁…超級唔巧意思…囧到爆…不過嘔完又無事可以瞓足全程…
<--這個好有型﹗

對比那位peach港女呢,我…有得到嘔吐袋和口罩﹗哈哈哈。係無得坐囉(因為班機都幾full),但好在的是在我癡住boom牆企喺度回氣的時候本來隔離位的哥哥位說佢朋友同我調位,咁我就可以先坐,佢地等清潔叔叔來清潔完就一齊坐…人間有情呀~

還好(真係還好)係食多咗而嘔,嘔完一之就無,唔係我諗緊病就唔好出門…不如俾我落機返屋企…囧
半睡半醒的到台北,本來想試吓坐高鐵但行吓行吓先見到國光車售票處…咁就坐去台北站(然後我搵唔到傳說中的轉西門町shuttle bus)…any肥,國光車百幾蚊台幣,超闊落然後行李放在車底的部份…唔使好似城巴機場快線咁一多喼就周圍飛…真係好舒服好抵坐﹗

作為一個鐵子一落車見到火車睇就好開心~~~哈哈哈

<--我…我…我…買三日劵得到的小冊子…是泡文…我唔識睇架喎﹗囧﹗﹗﹗﹗﹗

有了一月那次的經驗今次很快地完成買上網卡交通甚麼的,病住都可以飄移去酒店…而這次…其實去邊…我係零plan…只諗住買了三日劵想去邊都得咁…求其到一個點。
到達西門町,就說是半夢半醒無胃口無心機,於是放低行李後…我係去咗*$坐了個幾鐘睇書,轉頭返酒店瞓了幾個鐘…呀…

呀…酒店這個插so位好貼心﹗今次住的酒店跟上次那家一樣…都係有好多騎呢的地方喺埋同一座building…,不過房內企理舒適就無所謂啦,而這次其實係有早餐,但永和豆漿就在旁邊,於是三日兩夜我都無食到佢既早餐…

胃口跌到零的時候行過見到魚生飯還是忍不住想去食…最後係只能爬周面頭的魚生片…旁邊的蜆湯就飲晒…這個密舖平面的飯才520蚊台幣,相當不賴的﹗下次(if any)有胃口可以挑其他的囉…

無胃口但有精神周圍行,搭了轉捷運去台北101睇吓故宮精品但無功而還…回到西門町的時候聽到boom boom boom聲…心諗打到嚟定打大風呢…原來…係放煙花…囧﹗買了點野飲送正露丸再開電視…《包青天》耶﹗

如此,早抖。

4 則留言:

  1. 我是國光粉,買來回票更抵!

    回覆刪除
    回覆
    1. 如果唔係打風要飛撲入機場…回程我都諗住搭國光的說…

      刪除
  2. 我也住過這間酒店!有免費飲品真開心。

    回覆刪除
    回覆
    1. 補充番,住的這家是高絲漢口館~

      呢家酒店除了冷氣勁凍瞓覺都要著住縷之外很不賴,走的時候因為打風要衝出機場,姐姐很快幫我call咗的士救我一命啊﹗~

      刪除

要講幾句嗎?﹗XD