2008/11/27

中招路線圖~日劇女角篇

講完男仔既chef's recommendation,唔爭在講埋女仔~

不過講到女仔,說中招好像有點怪…哈哈…

睇吓睇吓原來都幾多的說…以年齡排序:

福田麻由子
Summer Snow白夜行、下妻物語、L change the WorLd 

本人真的很中《Summer Snow》的招,基本上除了二弟小栗旬外(點解我剩係歧視佢呢?﹗哈哈…),成套劇的演員我都很喜歡(甚至是演廣末爸爸那個肥叔叔…見到佢喺《前男友》度演堂本剛爸爸我勁開心的說…)的說,連演病童,只得五歲幾六歲的小麻由子妹妹我都無放過﹗好可愛啊當年﹗幾年過去,看《白夜行》時佢已經係小學生,雪穗小小年紀已經有超乎常人的冷血和冷靜,麻由子妹妹一樣handle得來,得﹗(佢每次對小亮司笑都有點恐怖的說…)妹妹家陣都係十四歲,撞鬼…有前途啊﹗

福田沙紀
拝啓、父上様ライフ LIFE 

其實阿沙紀妹妹算不上靚,我甚至覺得佢個鞋抽下爬可挑周華健的說…不過看《Life》佢做千金大小姐愛海又真係好入型入格,高傲又輕挑的眼神超討厭的…其 實,我好buy啲能將奸/邪角演得好的演員…正派的(如北乃紀伊…)我卻不太buy…就如沙紀妹妹在《拜啟》入面…好可有可無吓…

 戶田惠梨香
野ブタ。をプロデュース 、ギャルサー、たったひとつの恋 翼の折れた天使たち(2) ライアーゲームコード・ブルーデスノート

論演技惠梨香妹妹比唔上另一個Erika華姐英龍華,不過睇得出戶田妹妹的進步~個人印象最深是今年年頭(春天?)的《世界奇妙物語》,整個故事戶田妹妹都是一貫的笑容可掬,千依百順的小女友,點知最後先佢係傻既﹗仲應該有妄想症…披頭散髮…表情時笑時哭拎住把刀係咁追住搵人筒…咪話,好恐怖吓的說…。又回帶…其實我覺得戶田妹妹個樣有點周海媚feel的說…我懷疑這才是我喜歡睇戶田妹妹的原因…

22/9/13後按:Boss》、《上鎖的房間》、《Summer Nude

 綾瀨遙
世界の中心で、愛をさけぶ 、白夜行HERO SPたったひとつの恋 ホタルノヒカリ僕の彼女はサイボーグ ザ・マジックアワーJIN-仁-

 又說我buy啲演活奸/邪角的,我在差唔多時間煲了《白夜行》和《唯愛》(上面寫日文名下面寫中文名,也太不一致了吧…XDDDD),《白夜行》的雪穗(上 面麻由子妹妹演的就是遙妹童年)一直操控亮司,但雪穗都有佢可憐之處,又不能一吓子對佢恨之入骨,遙妹演得很到位就是了…。再看《唯愛》,由心計女變天真千金小姐,又得﹗(《唯愛》也是套讓我集體中招的劇…話時話…)太強了…又說,我覺得遙妹演技真係好得,樣靚身材正…掂﹗

14/2/13後按:我意圖或企圖為遙妹又睇今年的大河劇《八重之櫻》﹗好大工程﹗

深田恭子
ニュースの女 、神樣,もう少しだけ 、 to Heartリモート彼女が死んじゃった。、富豪刑事、幸せになりたい!、下妻物語、セカンドバージン

嚴格來說我只中《神呀》和《To heart》的招,《神呀》個故仔雖然好韓劇式灑狗血,但又看得出奇投入,當時我覺得呢個女仔得十五歲又做得幾好喎(雖然我依然覺得明明帶菌又走去生個女…也未免太煽情…反對﹗),之後《To heart》雖然深田公主件頭大過堂本剛好多,不過都叫金童玉(肉)女嘛。只是多年來看她的戲…就覺得公主妹妹啲表情好唔得,吓吓都係一號二號三號表情… 樣子越攪越似公仔…真係無改錯名…公主樣…

 池脇千鶴
救命病棟24時Summer Snow大奥 

《Summer Snow》的3妹,我一路以為她細過二弟小栗旬的說…哈。池脇好像一路都無乜特別紅過?其實我也只記得佢一套《Summer Snow》,演個堅強的高中生兼未婚媽媽,幾場和大哥就好唔好生個bb出來的戲都好入肉的說,不過又回帶,那個老掉牙兼灑狗血的結局呀…又話說,池脇除了 和妻夫木聰的緋聞,一路都好似好靜喎…

22/09/13後按:字裡人間

廣末涼子
ロングバケーション 将太の寿司Beach boys 、聖者の行進、Summer Snow 、オヤジィ 、できちゃった結婚元カレヤスコとケンジ 、秘密、WASABI 、恋愛寫眞

深田公主相反,小的在廣末最紅的年代不太喜歡她的,廣末人氣越插水我越喜歡,現在的她比以前更有氣質的說…。《一夜夫妻要結婚》我可是睇完又睇睇完又睇, 太強了﹗有竹野內豐、阿部寬又有妻夫木聰(佢係做大茄的…),那一水廣末被影到一大堆失常行為,但鏡頭吓她演患得患失的未婚媽媽確是很入型入格喎,仲似層層添。回帶:會有機會讓廣末和堂本剛第三度合作嗎?﹗我很貪心…哈哈…(《前男友》我也是翻看又翻看的…)

22/09/13後按:還有第11人》、《超時空泡泡女

 松隆子
ロングバケーションひとつ屋根の下2 、LOVE GENERATION、HERO、THE 有頂天ホテル

其實我不喜歡《長假》入面松隆子個角色,好唔決斷…我中招的是《同一屋簷下二》的牛王妹,當年可以跟足劇中既隆子一味穿衛衣和格仔裇的說…講開這部劇…劇中演隆子細佬的森田剛我到而家都唔能夠覺得佢係一個靚仔…

劇原來看得不多,我反而幾鐘意聽松隆子啲歌,清清淡淡簡簡單單的。不過最多只能一次pick一兩首出來,要不然會悶到瞓著,旋律總是很相像的說…

很喜歡的《告白》:告人惡挪之上:《告白》、《人間失格》

篠原涼子
青の時代ムコ殿 ムコ殿2003anego ハケンの品格

我是先看《巨星夫婿》覺得三姐很有型,再偶然煲舊劇先發現原來篠原大姐有份做《青之時代》的,不過兩套劇佢都係配角而已。真正喜歡的是《anego》和《外派員》,我就鐘意《外派員》多少少,篠原大姐和大泉洋的互動真係勁攪笑的﹗

大姐家陣養尊處優湊bb,唔知幾時復出呢?﹗我仲等緊《外派員》的特別篇啊﹗

22/09/13後按:最後的灰姑娘

 鈴木杏樹
あすなろ白書 ムコ殿

《愛情白皮書》我是最近才看,看畢感覺不大,不過很喜歡星香,善解人意的姐姐,有點像《唯愛》入面的裕子,有個咁既朋友真係唔錯呢…

無獨有偶,在《巨星夫婿》入面鈴木姨姨的角色都係未婚懷孕的說…又話說,姨姨演的二姐有男人恐懼症,很攪笑﹗而演佢個仔的小朋友也很可愛…回帶:我很喜歡第一輯《巨星夫婿》就是了﹗
****************************************************
嘩,幾經辛苦終於完成了﹗

另一篇:[日劇]我們這一代(日劇版)
男仕篇:中招路線圖~日劇男角篇
童星篇:中招路線圖~童星篇

8 則留言:

  1. 麻由子係咪女王的教室有份做果個? 我喜歡她呀, 咁細個就有氣質了~~
    廣末的超時空泡沫女好似幾得意咁~你有無看~
    而公主, 我一直都唔鐘意佢...我覺得佢好假...

    27th Nov 2008 01:33 AM

    回覆刪除
    回覆
    1. 係呀,麻由子有份演《女王》的說…但我沒看過這套啊…
      《超時空》我有睇呀…實在都幾o咀架,咁我係90年代成長架嘛,當年既人和事和物好似唔係好遙遠,但睇番套戲見到以前啲人既造型…嘩…救命…再娘啲丫…好驚呀…(這套很爆笑…i like it﹗)
      公主,我只喜歡上述那兩套劇,多年來我覺得佢演技勁無進步…佢好似好enjoy做公主的說…
      1st Dec 2008 22:39 PM

      刪除

  2. 等我仲以為你會中蒼井優招..

    27th Nov 2008 20:39 PM

    回覆刪除
    回覆
    1. 小優的電視劇我只看過《虎與龍》咋…
      那套我掛住中長瀨智也招…XDDDD
      1st Dec 2008 22:39 PM

      刪除

  3. 話說看daisuki 的時候,不斷想著沙紀mm 何時會變身做愛海...
    愛海與小步我都萌啦

    1st Dec 2008 01:04 AM

    回覆刪除
    回覆
    1. 沙紀的愛海做得太全神啦…睇番《拜啟》時都不禁諗番愛海個無情樣…
      北乃都OK架…不過小步忠架嘛…通常啲劇都係奸角搶啲(其實係對我而言…卡卡卡…)
      1st Dec 2008 22:41 PM

      刪除
  4. 肥肥小茜23/9/13 00:08


    池脇千鶴好耐之前有套做女主角嘅日劇叫(男主角係龍澤秀明吖),幾好睇架!

    22nd Feb 2011 15:18 PM

    回覆刪除

要講幾句嗎?﹗XD