[日劇]其實只想笑餐飽2~《ヤスコとケンジ》

劇集既野，有些是看少一集都唔掂，miss了立刻甩晒劇情完全時差。另一種是公式化，睇少一集半集又唔影響觀眾追劇，甚至完全唔知有miss過，很好，完全relax。

家陣得閒死唔得閒病的時候最啱就係睇後者，這部《ヤスコとケンジ》(康子與健兒)就是這款，笑餐飽，睇完，一流。

故事很簡單，就是說健兒(松岡昌宏)以前是暴走族，10年前父母過身後帶著妹妹康子(多部未華子)，搖身一變成為少女漫畫家，健兒勁度緊張妹妹，對妹妹一事一物都「關懷備至」…這…是笑點。某日康子遇上同學優等生椿純(大倉忠義)，同時又認識他經營花店的姐姐繪理香(廣末涼子)，原來繪理香以前是女暴走族，暗/明總健兒多時，她如何向健兒表白…也…是笑點。

其實上面這段故事大綱不是重點，每集劇情進度緩慢，主要是睇每集都有的笑點：康子仆倒飛撲在地、康子和繪理香花痴鬥一番、純的王子樣、健兒助手アジダス和モスcosplay俾健兒畫畫、健兒和康子鬧交時反枱、繪理香明明想溫柔對健兒表白但見到他時卻怒火中燒開了爆走mode鬧番佢轉頭…

和同季的《33分探偵》，或以前的《極度鮮師》、《巨星夫婿2》、《Gal Circle》等一樣，formula一鬼樣，集集換湯不換藥的，連幾時出主題曲也是一樣(看《極度鮮師2》時真係聽龜梨和也首《絆》聽到想嘔耶…)。不過都好丫，反正我唔想用腦，但求有得笑一番就好了，還好這套公式得來沒《極度》咁誇張，胡胡鬧鬧之餘去到中後段開始玩溫情，其實都幾溫心的；又還好，沒有如《Code Blue》或《少年刑警》咁懶係多道理(最衰係又長又悶嘛﹗)…那就好了，其實我只想笑一餐…

我也來公式化，次次都係講完general後感就講人的嘛﹗XDDDDDD

以前看Tokio時總覺松岡昌宏是躲在一邊木獨打鼓人，劇集只看過《夜王》(爛尾了…沒心機追完…)和《曼哈頓愛的故事》，前者沒太深印象，後者就大件囉…松岡演的店長勁得意可愛(﹗)的說(也許演過宮藤劇的演員我都會加分…)…原來松岡不是一味木獨的說。這部《康子與健兒》更不得了，無時無刻不在咆哮、反白眼、五官扭曲…笑死我了﹗好難唔諗起佢個隊友真喜男囉…另，松岡個暴走族郁很有型吓的說。

廣末涼子呢，真驚訝她樣子和幾年前看《前男友》甚至更遠古的《Summer Snow》有得揮，望住佢同多部未華子同場，不禁在想廣末和多部一齊演大學生都呃得人喎…。又說，廣末在劇中又要演暴走mode又要少女，兩個佢都handle得揮灑自如，笑點嚟架﹗(題外話，睇同季佢個舊拍檔剛叔套《33分》真係驚嘆，8年前一齊《夏之雪》，而家兩個邊似年齡相差1年呢…感概啊﹗)

妹妹多部未華子樣子較平凡(甚至有點像化妝前…呃…)，不過她演技也不賴，上年見她演《富貴貧公子》又係望住心儀男生大發花痴，今回是工多藝熟吧？﹗睇佢拍笑片多，我要挑挑佢演劇情片先…不過博友說《鹿男》少悶喎…

最後演王子樣的大倉忠義呢，佢除了外型ok有型(J家嘛…)之外，實在啲演技真係要加兩錢肉緊improve吓囉。開心、傷心、肉緊、羨慕都係1號表情，orz…有點難受…J家新生代中演投相當的大有人在(如…我的中招對像…)…咁既level…唔得喎我覺得﹗看一看資料才知，原來佢有份演上年長瀨智也的《歌姬》(演占姆士)…orzzzzzzzzzzzz…完全睇唔出喎…點解演技好似退步咗架﹗

(conclusion，公式位又來了)即係呢，想笑吓唔用腦，這是一套不錯的選擇﹗~

劇集資料

唔用腦只想笑另一選擇： 其實只想笑餐飽~《花ざかりの君たちへ》 (但剛播了的SP唔得﹗有點悶…我邊看竟邊覺得胡鬧…囧…)