我唔明，典解…

這個地方我確有很多野唔明，典解呀？﹗﹗﹗

我唔明，典解經濟好我又收呢份人工，經濟差我都係呢份人工？

我唔明，典解有人覺得我這個POST應該收好高人工？(每天都在問我的人：家母)

我唔明，典解我正正經經還債有人覺得我傻仔呢？

我唔明，典解樣樣加價追通漲但我人工就無得追？

我唔明，典解人工又無得加，但要做的野就越來越多？

我唔明，典解忙到想放假去旅行都無時間？(鬼叫我衰要考能力試咩…)

我唔明，典解越忙越想寫文和食野？

我唔明，典解樣樣野食都話有毒，咁有乜係食得架？

我唔明，典解今年經濟唔好有人就即刻覺得讀BBA無前途呢？

我唔明，典解琴日收音機會話今年開俾新鮮畢業人既職位會少咗3000-4000？五月就畢業架囉，要搵足五個月嗎？

我唔明，典解咁快可以predict到起薪點跌番去$7,000 - $10,000？(咁當年我grad時邊個可憐我呀﹗吓吓吓吓吓？﹗)

我唔明，典解啲十派亞越來越惡？

我唔明，典解這個世界HEA精和冗員越來越多？

我唔明，典解我仲忍到唔打佢地一身？

我唔明，典解明明唔係做緊野但講電話時又話自己O緊T？(時為晚上七點幾…)

我唔明，典解貧者越貧，富者越富？(我明既其實…)

我唔明，典解投資明明涉及風險，但人們硬係覺得大市有升無跌？

我唔明，典解明明唔係disposable income都拎去買投票？ (我很同意dodo姐這個pt)

我唔明，典解淨係有人成立雷曼苦主大聯盟，無人成立MPF大縮水聯盟？

我唔明，典解淨係圍銀行疑似詐騙，唔順手圍埋濫收手續費、電話滋擾、濫發單張、cut teller得番atm、無入票機…？﹗﹗﹗﹗﹗

我唔明，典解通漲而家無人講？(死啦﹗減息呀﹗inflation會再高的了…)

我唔明，典解特衰政府做好事無人讚，環球衰退特衰政府都無本事阻架喎，但就被鬧到飛起呢？

我唔明，典解我咁唔留意時事經濟都走去講呢啲topic？

我唔明，典解讀得大學，又做得議員，英文都可以咁爛？

我唔明，典解我唔講番娛樂版？

我唔明，典解陳天后結婚和造人要講足成個星期？要報到我妒忌佢風光大嫁嗎？

我唔明，典解艷照門件事都成半年前，仲要count住「淫照風暴」第幾日？

我唔明，典解著得少衫就等如索？

我唔明，典解露腿就等如「長腿」？

我唔明，典解啲少女個個Janice Man/Angelababy造型？

我唔明，典解這個造型頂cap帽要戴到好似民初啲瓜子帽咁？﹗中間個空位用嚟做咩好呢？

我唔明，典解我個人咁娘？

我唔明，典解我大大聲話自己娘，無人曲線讚番我其實好潮？

我唔明，典解呢？係咪因為我無貼相？﹗

我唔明，典解？﹗定係因為我唔係專家，無點石成金的能力呢？﹗

umum…我真係好唔明…典解啊﹗