[日劇]《Code Blue》後感+秋季碎碎唸

如果說《魔王》是喜出望外的精彩，那末這部當季收視冠軍絕對是失望，雷聲大雨點小那種﹗不看白不看，開咗個頭就埋埋個尾佢。就係咁。

醫療劇係日劇常見劇種，這個不是小的特別飛佛項目，印象較深是《急救病棟》系列、《潘多拉》(我想講…《妙手仁心》﹗哈哈)，不過《Code Blue》一劇出街時碰上小的開始上急救course，又遇上幾位主角都是本人喜歡之列，咪又睇囉。

看了幾集感覺有點公式，初頭以為是菜鳥成長記，後來發現是每個角色都有些故事，基本上冷靜無情的繼續如是，驚驚青青的都繼續驚驚青青，熱血的仍然熱血，成長怕且是留番後段吧。然後每集都有一大堆病人傷者，幾個菜鳥和老鬼輪流上直升機出去救救救，救到就是喜悅，救不到就是自責，菜鳥和老鬼互相勉勵…就一集。

當然，死傷急救場面是很震撼既，不過集集如是，很膩；如果不是有直升機場面…和江口洋介套《急救病棟》有乜分別呢？﹗探討醫療體系又不夠《白色巨塔》來，熱血菜鳥…好像又不是主菜，除了看幾位主角，又真係諗唔到特別原因去追，平淡得濟就是了(說悶又太harsh？不過追看性真係不太高…)

藍沢耕作(山下智久)--山P是看點囉﹗哈哈。全程扮酷真係幾殺死人，冷靜又技術高超，又丁丁咁多多黑崎feel，這樣一個角色對比其他菜烏不就是極搶鏡…，很難不吸引人目光。但，那越整越頭盔的髮型，對照官網上的造型，係越整越令人不安，睇睇吓仲幾似IQ博士添…

白石恵(新垣結衣)--即係呢，白石個醫生學位係點讀返來既呢？一味背死書，實際做就畏首畏尾，成日都當場呆咗由其他人執手尾，都太恐怖吧﹗話晒急救係分秒必爭，佢驚多兩驚個病人都瓜得囉﹗又難得有間醫院俾佢驚，醫療事故呢架喎…大佬…

新垣呢個角色唔多討好，兼之，又係髮型﹗掛住面兩旁的頭髮想點？

緋山美帆子(戸田恵梨香)--新垣妹妹個角色好煩，反到是緋山就幾討好，每套熱血菜鳥劇總要有個角色係自視甚高，落手做卻失敗收場，自信被打擊過後慢慢恢復過來，不服輸的熱血份子﹗實在我喜歡戶田妹妹做如《唯愛》、《野豬》那種總是看透人家心思的聰明女角色。另，佢個史大奧幾周海媚的說…(這就是我幾buy佢的原因吧﹗)

藤川一男 (浅利陽介)--我懷疑呢個角色係用呢襯托藍澤幾勁而已…

冴島はるか (比嘉愛未)--話說這角色是護士，但越看我越覺得冴島應該和白石交換post，冴島點睇都有醫護人員格過白石…又或，新垣還是很稚嫩的外型太唔似醫生？﹗又或，做醫大學生會似啲呢？﹗

呢套本季冠軍都係15.65%，以呢個人氣青春偶像卡士而言，umum…好像低咗少少…唔係夏季劇真係走唔出低收宿命？﹗咁睇，《魔王》11.51%幾收視又唔係好差咋喎…同埋，真係有戲味好多囉…

《Code Blue》和《魔王》1集後感
**************************************************舊既唔去新既唔嚟，送走看得我如癡如醉的《魔王》，迎接新一季囉~

(讓我抄一下鄰居的風格來個期待篇﹗哈哈…)

イノセント・ラヴ (Innocent Love) 月21 フジ
堀北真希、北川悠仁、香椎由宇、福士誠治、成宮寛貴、内田有紀
脚本：浅野妙子

觀望吧。據說本來預咗俾中居正廣擔正(話原來今年月9是Smap 3子+織田裕二)，點知佢為咗準備演唱會而辭演，於是就臨急搵腳，找來堀北妹妹擔正云云。即係呢，睇劇情說個故事係悲慘女孩的愛情故事，純愛又悲慘(好《Last Friends》的感覺)…呃…都係觀望好了。看卡士北川悠仁…乜水…再看才知是組合柚子成員…望一望張相似以為係News個小山慶一郎…哈…(又係J家毒嗎？﹗)

セレブと大貧民 (千金與大貧民) 火21 フジ
上戸彩、上地雄輔、国仲涼子、清水優哉、柏原崇、三浦理恵子、宅間孝行、中山恵
田村裕、若村麻由美、山下真司、風間杜夫

又係歌手拍劇﹗今次男主角係組合羞恥心成員…不過…又係千金小姐和窮小子戀愛故事？又係上戶彩？我好像一路都沒看上戶…興趣不大就是了…

オー！マイガール！！ (Oh! My Girl) 火22 日テレ

望一望這套劇有友坂理惠﹗上面有內田有紀和柏原崇﹗好90年代啊﹗

チーム・バチスタの栄光 (白色榮光) 火22 フジ
伊藤淳史、仲村トオル、城田優、釈由美子、宮川大輔、鈴木裕樹、戸田昌宏、鶴見辰吾、林隆三、名取裕子、伊原剛志

醫療劇牌面，再看下去是一件醫療事故引起的兇殺案推理劇(有點《魔王》的感覺啊﹗)，我想會像《潘多拉》一類應該會幾緊張的。唯，看見伊藤淳史…我一係諗起豬八戒…一係諗起電車男…我驚睇到佢正經做戲反而想笑啊﹗

ＯＬにっぽん (OL日本) 水22 日テレ
観月ありさ、阿部サダヲ、美波、井上芳雄、モロ師岡、前田知恵、皆川猿時、東幹久、浅野ゆう子
脚本：中園ミホ

觀月由《鬼嫁》少婦變身OL《Anego》﹗編劇中園由《Anego》到《螢之光》講職場女性劇都精彩爆笑，今回觀月上場唔知會點呢？﹗有機會再睇，唔睇機會較大…

小児救命 木21 テレ朝
小西真奈美、塚本高史、勝地涼、山口紗弥加、笛木優子、大杉漣、渡辺えり、陣内孝則

又係小西真奈美做醫生…《燦爛燦爛修研醫》、《潘多拉》後又係醫生…Orz…而且個造型都係差唔多的說…

風のガーデン (風之花園) 木22 フジ
中井貴一、黒木メイサ、神木隆之介、国仲涼子、伊藤蘭、平原綾香、奥田瑛二、緒形拳
脚本：倉本聰

睇的理由只有一個：倉本老師收筆作啊﹗ 可惜無二宮和也啦…

夢をかなえるゾウ (實現夢想的象) 木24 日テレ
水川あさみ、古田新太

會實現人家夢想的日本阿拉丁象神？﹗好神/奇怪…orz…(又係水川了…季季都見佢…)

ギラギラ (閃亮閃亮) 金21 テレ朝
佐々木蔵之介、真矢みき、原沙知絵、三浦翔平、田中要次、古手川祐子、石橋凌

又來《夜王》男公關嗎？﹗orz…真矢みき又係連續幾季見到佢…

流星の絆 金22 TBS
二宮和也、錦戸亮、戸田恵梨香、三浦友和
原作：東野圭吾
脚本：宮藤官九郎

欺詐師3兄妹找尋雙親被殺真兇，聽落已覺有趣，再看看台前幕後卡士，無唔睇既理由吧﹗(又係兩個J家1女搭檔？﹗《魔王》呀﹗哈)((14/2/13後按：後感見此))

サラリーマン金太郎 (打工一族金太郎) 金23 テレ朝
永井大、井上和香、青山倫子、風見しんご、菊池健一郎、小川奈那、安座間美優、塩山みさこ、金田美香、細川茂樹、柴俊夫、古谷一行、宇津井健

只知是舊劇翻拍，沒有太大興趣就是了…

ブラッディ・マンデイ (Bloody Monday) 土20 TBS
三浦春馬、吉瀬美智子、佐藤健、松重豊、片瀬那奈、芦名星、藤井美菜、川島海荷、 徳永えり、中原丈雄、嶋田久作、田中哲司、吉沢悠、成宮寛貴

黑客救地球？﹗聽落故仔幾有趣。三浦小弟擔正得很快啊…睇吓街坊評價，或許事後一次過煲

スクラップ・ティーチャー～教師再生～ (Scrap Teacher~教師再生) 土21 日テレ
中島裕翔、山田涼介、知念侑李、有岡大貴、上地雄輔、加藤あい、向井理、 八嶋智人

J家(又係J家﹗)Hey Say Jump和一班更小的弟擔正…orz…可以pass了…

ROOM OF KING 土23 フジ
水嶋ヒロ、鈴木杏、井川遥、板尾創路、斉木しげる、我修院達也、ミッキー・カーチス、 渡部篤郎

聽落就覺有趣，話說4人共住公寓同時參與得到此公寓的遊戲…仲有難波學長水嶋ヒロ咁快擔正啊…(輕微中招了…)睇睇睇…

SCANDAL 日21 TBS
鈴木京香、長谷川京子、吹石一恵、桃井かおり、戸田菜穂、沢村一樹、光石研、 遠藤憲一、石原良純、小日向文世
脚本：井上由美子
我諗會係《女系家族》一類女性之間勾心鬥角的劇吧？﹗看看播出後的街坊評價才決定煲唔煲吧…

***想看的其實不多…我可以去清舊劇了﹗哈哈…

料資來源：
2008年10月期ドラマ情報
from Fish：秋季情報