我的遊網習慣…

最近拎番舊notebook出來頂一下，開browser看一下bookmark…呀…物換星移(我最近好像很喜歡用這個…)，前一陣子還常去的近期都沒多去了…那末bookmark自然要set過了…

話說最近進行小博修繕工程，不停回看/修改/刪增舊文，一篇講到曾幾何時小的很迷上forum，有一水是不停上去留言升級…雖然…升來都唔知為乜，哈。那時除了去最大幾個討論區，還有上新聞組(不過我只是長潛的cd-rom)，睇人家無無聊你一言我一語，好好笑的…(那本人最鐘意睇的…當然是粥谷了…)…有一水人們常post劇集電影的對白cap圖…有點不好意思，我好鐘意睇，真係old news is so exciting...只是開始寫博就少上forum了

其實很討厭又長又亂的bookmark，每隔一陣子就不住執一執，將很久沒看的del掉，要不就分folder放好…但工作和家的電腦不相通，將啲link send來send去左add又add也太煩了。所以呢，懶爆的我是將常看的博、網的link加進小博裡的﹗哈﹗哈﹗哈﹗那沒就不怕搵唔番(有時真係鬼um眼，完全諗唔到keyword去search架﹗)。又話說，娘爆的我在識用rss reader前是逐個逐個blog click入去看的，曾幾何時小博的連結是十分長的說，所以索性整個伸縮版，很好，收得埋的，呵。

不過改內容要吓吓走入admin改sidebar code都ok煩的。自從小的發現谷歌大神有谷歌reader後簡直如獲至寶，將喜歡的都subscribe，一有新文就彈出來，大神又不時recommend些新奇有趣的博，真係周不時發現好文的說。最過癮當然係睇友好們share文附加的comment，分分鐘好睇過篇文本身。而好多時我都窩在reader裡睇博文，感到有趣或欲罷不能才走去留個言，好像有點自閉？﹗XDDDDDD

現在小的開電腦以後，首先是開gmail(其最最最最主要功用其實係gtalk﹗哈哈)，再開reader，之後才開自家博，可見小的中毒幾深吧﹗哈哈…

初初以為谷歌reader只用來看博，點知家陣雅虎、生果等新聞網都能subscribe，直頭先買報紙的錢都慳番，朝早放工坐車時拎手提出來睇，幾環保﹗哈…睇開谷歌新聞香港版，唔爭在睇埋日本版，快過本地報紙煲日能資訊，自我感覺十分強大﹗哈哈…

再睇番舊機bookmark，除了荒廢已久的一眾forum，就是飛士卜囉，唔睇都唔記得我無幾可login…平均…幾個星期一次吧。前一陣子入去望望，invitation全都是義氣仔女/打工仔那些升級game…呃…家陣興這些嗎？﹗

又睇番舊文提到icq，現下沒人用的吧？﹗(8/2/12後按：但詭異地上年年尾時無啦啦hit過吓喎﹗)有時我都幾懷念有message彈出來的那句「oak…噢…」 ，還有我那個9字頭8個位經常被人以為係手提號碼的no.。Msn嘛，可能因為被我司block咗慣咗無得玩，一路唔特別熱衷就是了。

物換星移(又來了…)，過得幾個月唔知上得最狂的又會是那個site呢﹗﹗

延伸閱讀：(n年前舊文)點解要大家BLOG
網上世界的我…
自從我寫博後…