懶人談化妝

這個題目和本博好像不太搭配？？？

哈哈，我都覺呀。人們都說「世上沒有醜的女人，只有懶的女人」(有架﹗心慈則貌美，反之亦然…)，好不幸本人就係懶爆的人，那末…小的是和美麗無緣啦喎？

其實應唔應該多謝親愛的母校呢？乃因當年校規森嚴，頭髮淺一點色都要被照肺，更何況臉上塗多餘的色彩？(潤唇膏也不能太glossy喎﹗)貪靚的頂多是修修眉而已(還好沒校規在眉毛上找事幹…)。素顏開，又唔覺無化妝出街係問題，有時我會覺，可能係這種曲線遲熟，讓皮膚晚一點才受化妝品污染…膚質才不致太差吧…(這是曲線讚自己嗎？XDDDD)

懶開的壞處是入U後突然要求大變，著suit行走江湖總不能素顏上陣，一副面青口唇白的面口，很得人驚。當年吾校好像有啲makeup workshop，但點都唔及一班人放學為威喂逛百貨公司掃。工欲善其事必先利其器嘛﹗器要買齊不難，反正雜誌期期都講乜乜物物係今季must buy item，某某牌子出limited edition(我很懷疑這些limited有幾limited？﹗)一定要掃云云；cheap起上來到屈x寺、萬x買美x蓮等牌子，基本上係唔荒買唔到的。技藝啦喎，工多一定藝熟既，當年吾友儕經常傳閱non-no那些幾多個step化個full makeup秘技大全…當然，學得幾多成…係後話…

其實真的很佩服日本女生對化妝的追求，每朝要我離開周公子懷抱已難，再早個幾兩個鐘更難﹗﹗﹗還是五官+七孔逐度畫畫化化，啊…還是讓我瞓多陣好了。好彩懶人如我生在香港，容許我以「追求自然」做擋箭牌，說實在，跟足那些幾廿個step的化妝guide化出來的妝…很有《少林足球》阿梅的感覺…唉…我手藝差就是了…。又或者咁講，可能慣咗簡單，一下子變複雜會受不來。

當然，儀容這回事是很重要，行出來係代表公司，執正點禮貌也是尊重吧。有時又不得不驚嘆化妝(學)品的神奇，塗點粉底膚色又真係好似平均點，搽點胭脂面色又真係紅潤點，再加點睫毛液對眼又真係好似有神咗…。基於小的幾抗拒日式炸物look，特別是那種好像一萬年無瞓過的smoky eye，化妝功用止於「執番齊眼耳口鼻」…。眼…就是本人的死穴…還是唔好攪咁多好了…

*發現坊間很多女士愛用藍色eye shadow，which is經過奧運一役，原來重手的話效果很嚇人的…

*夏天流流黑色smoky eye又撞著唔係防水性的話…半溶半化的感覺…有點像《黑夜之神》的小丑…

*其實內眼線係點畫既呢？點解我永遠只能在手背畫…畫上眼永遠唔係實色既呢？

*點解明明啲餡一樣又要換個盒賣貴啲？點解睫毛液容量唔覺多咗，但個tube就整到鬼咁粗賣到鬼咁貴？﹗

*點解？點解？

**********************************************
偶然發現原來今期中招精選生田斗真有份做《花樣男子2》架﹗(但我沒看過第一輯喎﹗)

(轉載自google圖片…是誰cap的呢？唔知啊…)

奸角﹗好型﹗呵呵呵﹗其實這部劇的碟一早買下來，但遲遲未開封…現下有個原因去ko這套劇了﹗

究竟係咪得第1集呢？﹗咁就好了…唔使ko晒成套…

(花痴中…XDDDDD)

(這才是寫此文的原因﹗)