2013/09/04

讀書報告#16~《舟を編む》(編舟記/字裡人間)

有幾耐無試過拼盡全力去做一件事? 
多得某博友不停講呢本書和套戲於是小的說好奇走去讀/睇,本書意外地會令人想一氣呵成的看下去,而套戲,可說是近年我覺得改編得最好的日影,起碼完整保留了小說的細節和氣氛,又無cut到肢離破碎喎。 

先講本書。 
行過誠品見到中文版就買下了,就係我最憎的厚到爆印刷…umAny肥,就咁聽個故仔話係一班人編《大渡海》呢本字典,就退休的荒木發現營業部有個語言學碩士馬締,呢個「真面目」的人有夠有趣,跟營業部的人格格不入但跟荒本講起左右的右就一連講出幾個解釋,聽到西岡頭到歪埋… 
而西岡擺明就係適合做營業部多過馬締啦。(最後佢係轉了去宣傳部
一路睇語言宅男馬締有夠有趣的,佢真係不善溝通到極點,跟西岡講野九唔搭八啦,追香具矢整了封令人摸不著頭腦的情信,重點係個女仔都唔sure那是不是一封情信﹗囧﹗ 
我想知編一本廿四萬條字匯的辭典真係四五個人就得?係咪有啲太掛張呢(咁唔怪得要編十幾廿年了。而佢地個造法係將每個字詞寫在生字卡上,跟住儲起,到要編的時候就對照吓邊啲要邊啲唔要,要的就搵專家或編輯部自己寫解說和例句,之後就排版和較對,仲要排四、五次,係廿四萬個詞語既四、五次﹗好癲﹗難怪一本字典要賣咁貴了。而中間出版社為了平衡收支,仲要硬塞啲乜乜物物書俾佢地去編修。 
但睇住佢地排除萬難,衝破障礙,《大渡海》終於出版到的時候是有莫明感動,(套句狂舞派的對白)為了編字典,馬締真係可以去得好盡,花上十幾年心血喎﹗唔係有熱誠,邊頂得住十幾年呀﹗松本和荒本更不得已啦。西岡後來轉了去宣傳部,但佢係有份做初頭工作的嘛,最後佢見到自己個名有出現在成品之上,又是一個莫明的感動﹗ 
話說條時間線有成十幾年咁耐以為會好長好悶,但情節都是快的既,突然一野就轉了去十二年後,跟住又多了個岸邊綠出來,那位小妹妹跟西岡的電郵溝通好好笑,而佢亦從頂唔順馬締,慢慢了解到佢跟住再投入去完成《大渡海》,呀,能夠有件事全身投入去做,多好~而且,今日出了街,聽日就要開始做修訂版啦~~~~~ 
這個小說以冷門到不行的字典編修記來做題材滿有趣的,令小的好有興趣挑吓作者三蒲紫苑的其他大作…哈哈。

豆瓣/維基
***********************
套戲。
  • 其實我麻麻地鐘意個戲名…不過我的意見好似偏離了大眾口味?﹗XD
  •  松田龍平既馬締個樣好正常﹗
  • 小田切讓演西岡95年時個郁正常到我疑惑了好耐究竟眼前的人係咪佢﹗卒之,13年後那個長毛look打回原型了…XDDDDD
  • 但我唔開心無咗《大渡海》出版後西岡見到自己個名出現在本書上那一幕…啊﹗
  • 宮崎葵的香具矢第一幕抱著虎爺時回頭一望真締好似女鬼。小說中香具矢無咁多戲的,好明顯是加重佢戲份吸引人入場了。小說話馬締係全心編字典,香具矢就全心學廚藝,係覺得電影中的香具矢成日COOL樣,好似同馬締好冷淡咁…
  • 香具矢拎住馬締封情書鬧佢那幕好正…
  • LIKE喺西岡問馬締關於香具矢的事時,一聽到佢喺邊度做野佐佐木小姐就打咗電話去BOOK枱,笑死…
  • 西岡的女友麗美喺電影度都多戲咗,演員個樣好熟…但硬係UP唔出係乜水,一查先知係池脇千鶴…撞鬼﹗SUMMER SNOW的三妹…
  •  麗美跟西岡喺本書度好似抽離啲,得閒我嚟你度你又得閒嚟我度咁,電影度佢兩個雖然口就互不相讓,但SOMEHOW係互相扶持的吧。同埋,有天地線喺公司內真係好重要的。
  • 松本老師好正,識晒啲潮語,而個字幕都好爆,將啲「喪」、「爆」放晒出嚟。ダサい如果我無記錯係譯了樣衰?跟住馬締仲話呢條詞目要俾西岡寫,而西岡就用了自己飲醉酒先敢向麗美求婚做例子,好爆,係大笑位。
  • 演岸邊綠那個姐姐仔好似欣宜…
  • 套戲都有綠無啦啦發現西岡放了在書中的馬締情書,但就無咗西岡叫發現呢封信的新人有乜事可以同佢電郵聯絡,那些電郵都幾好笑的說。 
  • 我懷疑我睇完套戲都會有衝動見到新識的生字會想抄下來﹗(松本和馬締喺快餐店偷聽時下高中生啲對話搵生字好好笑,次次都係松本老師識多過馬締自己囉)
  • 呀﹗~我都好想可以有個雲來莊咁既地住可以怒擺書,仲有個俾租都唔收的包租婆﹗(我娘?)
雖然有啲感動位和笑位都無咗,但都OK既,戲本身流暢而且完整,人物都有足夠編幅交代,算係咁啦,終於有一套唔會鬧其實原著好睇好多的了﹗~

2 則留言:

  1. 西崗用求婚做例子果個詞語係「好唔型」 XD

    回覆刪除
    回覆
    1. RE:WEnDy

      哈哈…其實我唔記得字幕的翻譯了…

      刪除

要講幾句嗎?﹗XD