2013/09/20

[韓劇]《學校2013》(完成﹗)

南舜君係識張彗星的嗎?人家用個影唔到犯案過程的相入了閔俊國的罪,你就扮拍了片嚇走了吳正浩一干人等…XDDD

UM,就說小的因為睇完《聽見你的聲音》而一條龍了鐘碩didi這一部,um,很有愛的作品。um,第一吓我諗起《極度鮮師》和《龍櫻》的。

呃,這部真的很讓人誤焦點的說…



好啦,回說部劇(可以嗎?)um,一開始姜世燦是補習社的明星講師,賺住大錢的無啦啦被邀請到勝利高中做老師,呢一吓我真係以為佢會好似《龍櫻》的櫻木老師咁想將啲垃圾學生谷入首爾大添…
係咪呀係咪呀?

老師的setting真的很《龍櫻》的,一個是一心提升學生成績的業績oriented(姜世燦),另外的鄭世仁老師(我完全無cap張娜拉的圖,哈哈哈﹗)就係傳統學校劇的熱血老師,就算自己教席不保都要救學生,救得一個得一個那種﹗
Bigbang﹗有呢啲老師我上堂份外入腦啦﹗(咦…我都超晒齡啦喎仗高中生﹗XD)
演姜老師的崔Denial(好得意的名字…)有啲角度都幾似有天的說…(笑)。兩個老師係兩個極端,之前睇《龍櫻》時都諗起過,老實說,到了高中如果想上大學的話,一定會選姜老師呢啲會教到考試技考又會講吓笑令令仔仔的老師,高二仲好似鄭老師咁打基礎會唔會太遲呢?但又說劇中好多學生都唔似會升到學,高中就會係佢地人生讀書的最後日子,呢個時候唔教佢地又幾時先教呢…um,我開始明白點解學生的成份奇奇怪怪咁,有好叻又有好差的…

啲同學又好奇妙,呢家學校既然咁重視成績,重重金禮聘明星老師來教書,但又可以容忍學校內有啲一味瞓覺要不就攪事打交的學生,如高南舜那種通過鑑定試入來的問題學生又照收,收完又煩要唔要將佢同朴興秀(金宇彬)是但一個強制轉學,不是太奇妙的嗎?

更奇妙的是,一大班問題學生,呢班人擺明唔係上堂學野的,但同一班上又有啲人係一心讀好書上大學架(如名校落第生宋夏晶((佢竟然係做《愛情雨個妹和《信義》的王妃(((人家其實係叫朴世榮)))﹗﹗﹗不過李潤城都可以做高中生,佢女仔都仲叫ok丫…)))(Sorry,我真係好接受唔到咁超齡呀﹗)實在係太懸殊了吧?點樣可以擺埋一班度教呢?同時我又想知,民基阿媽既然係咁緊張個仔,無理由俾佢同吳正浩那些人同班咁耐都唔郁走吳正浩架喎﹗

Um,睇睇吓雖然學生的設定有點《極度鮮師2》(我初初以為高南舜VS吳正浩,啲性格就似足龜梨和赤西仁個角色啦﹗),老師和故事取向會似《龍櫻》(或韓版《考試之神》啦,但turn out又唔係喎,變成校方和學生之間的周旋,學校不停想郁啲學生,學生自己又問題不斷,之後就由鄭和姜兩位老師發揮愛心去救得一個得一個咁。

幾多位都出人意表的,以為民基阿媽大仔咁出色去美國讀大學,而民基俾佢管住晒係軟弱,但原來個大仔係足不出戶仲會狂叫的(應該是被阿媽壓力逼成的吧?)((是《告白》的少年A定B?困在房裡足不出戶那個﹗),民基之所以不反抗阿媽反而係體諒佢難處。另一個就梗係南舜和興秀的感情線恩怨大情仇,一開始南舜倖吳正浩打都不還手(唔好打面呀﹗),仲以為佢係唔想生事所以打不還手罵不還口,後來第三集左右興秀出現,兩個成日你眼望我眼(其實係南舜情深地望住興秀啫…),柔情似水晒咁…拖到去第八(七?)集先真相大白,原來你以為惡那個是被欺負那個,然後以為被欺負那個又原來係惡人喎﹗

吳正浩呢條線,佢其中一個小弟想做番個好人,正浩想打佢時佢話你係咪想好似高南舜咁打斷隻腳時真令人心痛的說…囧﹗(入戲了…)…呀,吳正浩呢個didi係咪劃了眼線呢?

講開又講,右手邊這個姐姐仔有啲似初出道的徐子珊…而家睇到十一集,鄭老師大致上和二班建立了某程度的感情,餘下來係收捨南舜、興秀、正浩呢幾個麻煩友,最後一齊升班上高三就收工了吧啲劇情﹗
*******************************************************
好啦,花癡MODE來了…XD

喺揭露民基和夏晶背後問題上劇情是爽快的,但南舜和興秀究竟有乜恩怨情仇,攪到一個追住去保護佢,另一個死都要生死不相往來咁…(鐘碩didi真係慘,次次都要追住去搵個人來保護,相比之下,保護彗星係走走跑跑啫,保護興秀成日要俾人打…嗚﹗唔好打面呀﹗)

有人癡咗線,拖佢出去打…
究竟邊個係好人邊個係壞人呢個關節上劇情都有夠衰的,拖到第八集先真相大白,原來佢地兩人係好朋友,好到一齊打交一齊玩一齊盛咁,興秀因為想去踢波所以想脫離京畿道打架王(好有氣勢的名號)南舜一幫,就要循例俾南舜打一身,南舜打打吓諗起興秀要離開自己時一怒之下打斷了興秀的腿,令他斷送人生最大的夢想…

詭異的是,奀之之的鐘碩didi是京畿道打架王,而大隻雷雷的捲捲毛(<--死都唔肯叫佢個名)是被害的一個…實在太令我驚訝了…囧

原來,興秀雖然被朋友打斷隻腳不能踢波係好嬲,佢更嬲既係南舜喺佢受傷時無陪在身邊(﹗),反而走咗去,佢已經無咗足球,仲無埋唯一的朋友…所以佢唔可以原諒南舜…(三年前都仲係呢個樣既?﹗﹗﹗﹗)…角色上佢地係19歲,三年前係16喎﹗一樣樣既﹗(太認真了…)

呃…唔知,仲以為佢地耍緊花槍…

每一集戲我都好期待姜老師點樣玩呢對歡喜冤家,三個都好可愛的說…即係呢,南舜和興秀二人同場硬係一個講對唔住一個說我不會原諒你,一個說走一個死都唔肯走…明明南舜的愧疚是很令人心痛的但見佢兩個啲眼神咁柔情似水還是忍不住想笑…


一開始我覺得鐘碩didi好高大好超齡…但見到《紳士》的捲捲毛金宇彬後…真係一山還有一山高…佢係更大件喎﹗我接受唔到啊﹗

Last but not least,佢二人可能係繼女林和嬲憂師兄後另一pair best couple啦﹗囧﹗(證婚人一定要搵姜老師﹗)

哈哈,以上~
*******************************************************
22/9/13後按:

打風的時候我努力的完成了最後幾集,哈哈﹗這個傳說中的love love場面…囧﹗

最後幾集大魔王吳正浩卒之都係退學,老師也沒法能幫佢一世(姜老師想出錢時,吳正浩就係咁答…)…雖然高中畢業係重要,但那學生如果唔係讀書的材料,做啲搵條啱佢的路不是更好嘛…

最後幾集是那個勁似除紙山的麗娜甚麼的電話偷野案,吳正浩疑似被屈,同那個覺得自己會嫁到有錢人從而想做播音員的寸寸女人表演,love love二人組跟吳正浩一干人成了朋友(我幫佢地改名了…XDDDDD)…南舜屋企無啦啦變旅館,最初係招呼興秀,後尾仲招呼埋正浩三人…好好笑…

至於鄭和姜兩位老師繼續不停你辭職我辭職再到我辭…但總算解開了姜老師以前個老師之謎,好啦,功德圓滿了。一路睇一路諗,um,老師對住咁多唔同學生,可能輕輕一句老師其實唔覺,但對學生嚟講就可能刻骨銘心…um,老師果然不易為呢…

 <---我都不相信呀﹗
*************************************************

返轉頭,我決定再挑一挑《秘密花園》…勁癲喎呢件事…XDDDDD

2 則留言:

  1. LOVE LOVE二人組!! XDDDDDDDD

    回覆刪除
    回覆
    1. RE:火女

      估唔到自遠古的《人間失格》後會有另一套LOVE LOVE的劇又不幸俾我睇到了…哈哈哈

      刪除

要講幾句嗎?﹗XD