2013/09/17

浪攝流

我承認,《La la la love song》(或《悠長假期》)會讓我無抵抗的將對劇集的喜愛LINKUP到售賣的商品,這一回…是一部叫X-M1的相機,UM。

初初看這個廣告不甚麼樣的,某次睇歡樂早場時喺大螢幕度睇竟然異常中招(竟然是中一部相機的招…不是中令仔喎﹗哈哈哈)


到賦文的這一刻,小的還是覺得這部相機很不錯,不過最後沒有買回家就是了,於是我決定賦文一番讚美佢。

回想了很久,上一次認真的拎相機出街影相已經係上年去泡菜國的時候,平時都係SNAPSHOT就算,用手提的相機佔上9成9,拎番部相機上手,幾乎忘了光圈快門要怎樣較(係…卒之我用番AUTO就算了…掩面逃…)

但無可否認,相機影出嚟的真係層次豐富好多,色彩又令好多。UM

如果唔係第一次那家電器舖說沒有現貨,第二家就是哥哥仔們掛住收舖唔打算招呼我,我差點就抱回家的了,呢一刻或許我要多謝那兩位哥哥仔。因為套裝有兩個,一個62XX,一個88XX,兩個其實我都覺得好貴(注意我想買的起源只是一個令我覺得部機好令的廣告…和首廣告歌﹗)…作為一個連光圈快門都忘記了的人,拎住部8千幾蚊(可以買單反﹗)的機出街但用AUTO嚟影也太浪費了吧…

係,於是取消了。

回想當年買LX3其實貪佢令令的外型,有點復古又懶係有啲手動功能,懶係傻瓜機之餘再加多啲啲野咁。感激上面的兩個哥哥仔令我買唔成,於是我發現了新的目標…哼哼…或者,我會去煲一煲番啲攝影書取一取經架啦﹗

順手又貼一吓,FUJI呢一堆相機的廣告都好STYLISH吓,強機X100呢啲有大師登場,輕便一點的半自動出了《La la la love song》吸啲介乎專業與唔專業之間的影友,之後又有一部x100無敵輕便版的機仔X-F1。讓我膚淺一吓的說:啲廣告好好睇嗎?﹗哈哈哈。

UM,小的第一部DC都係FUJI出品的,有點回歸老朋友懷抱的感覺,十分LIKE。

沒有留言:

張貼留言

要講幾句嗎?﹗XD