2013/09/01

十個文庫本的好處

就說我是走難人,走難袋是永遠執極都極重的(是一個謎﹗因為我受唔住去到日本都要承受有遮唔落雨無遮就落雨的打擊,於是我決定連遮都帶埋),一味打機我又覺得太浪費光陰(反正CANDY CRUSH成個月都過唔到關,好想哭﹗),帶書上路讓我增進知識,又可以出吓讀書報告文呃文,再為自己增加幾分偽文青氣質,多好﹗

但點解中文書(不論是香港出版或台灣的翻譯外文中文版)總係又重又厚又盛咁既呢?

看,文庫本是多輕巧呀﹗優點之一。
二:細本﹗雖然上圖的中文版和日文版不是同一本書…哈哈哈…再嚟一幅圖…看是相差多遠呀﹗據說文庫本之所以會出現就係方便大家坐車時拎住睇,報紙咁大本會阻到人,放在袋又唔方便,好貼心。

三:用紙順滑,就係《編舟計劃》(呢本書和呢套戲等我另行賦文讚美先~)書中講的既要貼指尖一野扇過去的感覺。小的其實很討厭厚紙,也很討厭英文書袋裝的黃紙印刷,放得一頭本個月好似就會發黃到裂開的感覺(太誇張了…)。真事是很易有污點,也很易有怪味…就如我本珍藏了N咁多年的舊版《神鵰》(四本裝)小說…

四:就是一堆字,無多餘的FORMATTING、插圖等,也沒有如圖中這本咁離譜,明明仲有三份之一(以上﹗)空間竟然由得佢空白了,完全係打腫塊面充闊佬的朋友囉…一本好書無話要厚先係好架…

五:一時有一時無的片假名/平假名,完全係溫習啦﹗哈哈哈。而且是溫習副詞、連接詞的好幫手﹗

六:平。以日元原價計,由3XX到8XX YEN不等,視乎厚度啦…雖然我FEEL到旭屋個對換率係好似低番少少…於是我還是忍不住久不久就去進貢一吓…XDDDDDD

七:書脊都有作者名稱五十音標記,書店就很多時很開出版社再排五十音,搵書很方便的。中文呢,啲書店有時跟作者姓氏筆畫,有時跟類別,有時跟名氣…有時SPECIFIC想搵某個作者的書我又唔知佢喺呢家店屬於乜分類,係搵餐死…一係就去HELP DESK搵店員幫忙架咋…

八:出文庫本速度極快,起碼比英文書出平裝版快。中文書除非第一版係厚皮版,唔係好多時都係一版走天涯,係厚就係厚架啦,咁就唔好怪我走去睇外文啦,背住舊磚咁既FEEL呀大佬﹗

九:書店會有免費書套。雖然只係個爛鬼紙套,不過你知啦,本書軟LAI LAI的放在個袋度左碌右碌,未睇完已經殘晒了…(呢本…係殘到我受唔住決定包書…但轉個頭我就睇完了…XD)。日本的文具店或手藝品小店很常見文庫本書套,包住就唔怕本書易殘,又唔使俾人知我睇乜﹗哈哈哈﹗

十:貼心地會有繩架(有啲)﹗有啲會有書簽(很多都會有﹗仲會有啲得意插圖或金句名言咁…雖然我個人鐘意摺角的…XD)
******************************************************
我睇外文書不是我扮勁,係中文版真係好大本咋﹗囧﹗

8 則留言:

  1. 但係文庫本的選擇唔齊, 結果最後都只好買番單行本...

    三分一空白的排版我都係第一次見, O晒嘴

    回覆刪除
    回覆
    1. RE:まこと

      而家我未會追新書…通常都會想睇邊個作者的就去搵番,所以通常都搵到文庫本的…好在…
      三份一呀﹗咁吉都唔知做乜﹗雖然本書我覺得OK好睇的…

      刪除
  2. 我都係鍾意文庫本,夠輕,夠實而不華.

    同埋我鍾意用書套,因為夠型.

    回覆刪除
    回覆
    1. RE:逸之

      係,無多餘的裝飾或排版…唔鐘意既就去買番單行本,任你鐘意,有得揀呀﹗
      書套真係幾好…又唔使俾人知我睇乜…又KEEP到本書

      刪除
  3. 文庫本好,又平
    係香港計個匯率硬係好似好唔抵咁
    我本來有本書等唔切想買搵左間本地日系書店訂....運船x1.3,計返我託人去買都係0.8,差成0.5...
    (點知本書最後訂唔到 囧)
    平時反正要買既書都會去日本先買所以我好少幫襯

    乜旭屋買書有カバー?我仲以為香港無添...

    回覆刪除
    回覆
    1. RE:rice

      我唔忍得的,想睇就去買,唔理屋企已經成大堆書未睇的…哈哈﹗
      我去AMAZON JP度望過,訂三本書書本身大概二千YEN,但運費已經二千幾YEN,是一個DOUBLE…
      之前我去東京時都狂掃,文庫本平平地又細細本,買得多都唔覺個喼會重好多…
      而家,如果我忍到的話,都會先寫低遲吓去日本時再買~

      旭屋有紙書套架…佢通常都會問你要唔要架喎﹗

      刪除
    2. amazon.co.jp寄香港運費真係離譜,我D 同學就會寄埋日本地址一次過運黎,話平好多喎。
      不過我唔太鐘意買書,睇完一次兩次都唔再睇,又無地方放,所以而家我轉頭kindle喇,係有D 無電子版既 (其實係大多數) 先迫住要買實體書

      好似你第一張相果兩本,面果本我都買左kindle 版,底果本就未有電子版,等緊佢出

      (小聲)其實我呢D新界人未去過旭屋...

      刪除
    3. RE:rice

      係呀,我本來想把心一橫訂咗先算,但最後都係覺得太貴而停下來了。暫時先得閒去旭屋望吓有無,唔係就等一吓到十一月去日本時掃啦…

      其實好多書我都唔會再睇的,但我鐘意拎住本書喺手的感覺…真係無得救…我覺得我第時可能會俾書責死…

      新界有乜地方賣日文書的?我只知老尖咋?

      刪除

要講幾句嗎?﹗XD