笑中有淚~《我的機械人女友》

這戲大部份時間都在笑，後尾谷出眼淚(仲要死忍唔好喊…大佬我仲要出嚟行商場架…)，終於笑住步出戲院，絕對是笑中有淚。

簡而言之，就係《我的野蠻女友》+《叮噹》(我諗和日劇《絶対彼氏》都有點類近)，清新又甜到漏的戲乙部，不論係情人節、聖誕節、生日、周年紀念日、萬聖節、清明節、中秋節、重陽節(我癲了…)都咁啱睇囉﹗

真心(誠意度一百，你知，我平時講反話多…XDDD)推介﹗~

• 為免影響未看此片的看倌們，小的會盡量不提劇情就是了~
• 不過上面都講得似邊啲戲，都大概估到會係乜情節架啦？﹗XDDD反口覆舌的人呀…拖佢出去打
• 其實我未看《絶対彼氏》(26/1/12後按：發文之時已睇過了﹗哈哈哈)，只看過吓劇情概要，和呢部戲都幾似的說…日劇的詳情click link看紫熊大大的文吧…還是不要講太多…我又忍不住爆劇情的了…
• 主角凌瀨遙和小出惠介，《白夜行》的組合啊﹗(雖然小出在《白》劇係做配角…男主角係山田孝之…)
• 男女主角個設定幾似《我的野蠻女友》的，男主角都是傻呼呼的…然而…我是沒看過這部韓片…(XDDDD)
• 很喜歡片中笑料好像漫不經心，前後又互相關連，看似漫不經心但看下去就發現箇中玄機，感覺很溫心很感動
• 結局有點出人意表…卻又勁sweet
• 出碟我一定要買隻看門口，得閒拎出呢回味吓(帶)~
• 遙妹黑心又得，天真又得，干物又得，連機械人都得…太強大了…演技之流露啊﹗
• 一開始個機械人造型極似凌波麗(我無睇過《EVA》架…點解我會識？)我又回帶：遙妹好正…樣甜身材勁……演技又好…支持佢呀
• 其實支持佢呢餅帶睇完《唯愛》已在勁回…哈哈哈…
• 小出惠介個角色反倒有點似曾相識，可能係外型所限，硬覺得和《美味求婚》或《戀空》(電影版)中既角色似似地…定係因為幾套戲重心都在女角那邊…男角反倒無乜發揮呢？
• 怎麼日本新生代男仔都好像長不大，廿幾歲都仲係十尾二十頭既樣？(小出惠介和生田斗真同樣84年的…喂，做高中生都仲得喎…)
• 又係竹中直人…佢啲上堂教學法咁鬼《逃學威龍》既？佢專係攪GAG的…《交響情人夢》呀﹗
• 又有小日向文世…我最愛的日劇綠葉王呀﹗不過佢無竹中直人咁多戲份…
• 看生果日報訪問小出話佢最鐘意走進中華街扮唱戲一段，我就鐘意一頭一尾首尾呼應，又講：好sweet的﹗
• 但個大地震真係大吉利是，震到咁就該煨囉…(官網和預告有呢項劇情的…唔係我爆劇情架…)
• 呢個位好煽情，但又好感動…機械人的奮不顧身極令人動容啊
• 我係咪應該睇吓《我的野蠻女友》呢？據我弟說都好感動吓
• 眼淺的人要小心了，我邊看邊不自覺就標眼淚了…嗚…
• 呢個暑期尾上畫來像有點怪，好像用來攝期似的。其實上情人節或中秋節(人月兩團圓？)或聖誕節會更好囉…不過都時又係一堆西片霸住晒…唉…

『僕の彼女はサイボーグ』公式
From咖啡之心： 《我的機械人女友》 - 你感受到我的心嗎?