日藝想當年~Speed

係呀，我在想當年…但其實呢幾個妹妹都係廿幾歲咋喎…

即係呢，睇住Speed最紅時拆夥，個人單飛飛到唔知飛咗去邊；對照特區曲奇餅隊越做越有(whereas係咪越來越好就見人見智…)，就證明，一個十卜鐵既經理人/唱片公司係好重要，有時，甚至比藝人本身是否有實力重要…

記得93、4年上下，在安室奈美惠無啦啦大紅前最紅的偶像應該係內田有紀(whereas佢當年係專做牛王妹的)，95年上下安室紅了(應該係拜小室的eurobeat風所賜…而我係唔鐘意這種史大奧的…)，之後就有大堆沖繩幫藝人彈出來，如Max(其實係安室單飛而重組既…)、知念里奈、DA PUMP咁，Speed都係其中一堆，兼且紅得發紫…

又要扮獨特一下，其實四位小妹妹最紅時，小的係頂不順她們的。乃因第一次聽她們唱歌是看Kinki個節目《LOVE LOVEあいしてる》(已摺)，Speed和Kinki合唱《Body & Soul》…1. 合唱的效果係勁難聽…那首歌個key根本不合Kinki囉…2. 當年hiro係嗌歌多過唱歌，尖到我頂唔順…。雖然，打從一入隊hiro就被讚是歌藝最好的一個，當年和今井繪理子負責主音，hiro首首歌都要chur 高音，我．聽．得．好．辛．苦﹗當年，我是比較喜歡Max的。

嚇走了後沒多留意(注意香港當年是有頗多日本藝能界相關雜誌 的﹗)。只在年末FNS/紅白聽一聽，咦，《White Love》、《My Graduation》等都好不錯喎(之後hiro沒chur高音了)。當年還未正式學日文，覺得graduation個「唇」發音好怪…特登去圖書館搵日文書研究點解咁讀的說…(注意當年係無網上的…)看香港的組合通常大家有份唱，你一句我一句咁，但見Speed時才知除了band友外，group都可以分工合作的。當年新垣和上原負跳舞和和音，今井和hiro就負責唱，oh，原來divison of labour係可以apply到偶像身上的。(被J家的影響了，當年覺得係大發現來的﹗哈哈…)

而這個分工據說就是拆夥導火線，因為目光總落在主音的兩個嘛。又據說因為當年她們人氣大盛，幾個妹妹都有條件單飛，咁一份錢四個人份梗係好唔過自己袋一份，拆之前逐個出solo single，就係那時本人開始欣賞hiro既歌啦(中招了﹗)。都說本人一是先知先覺，一是後知後覺。

單飛後個樣越整越misia的新垣去了紐約學畫畫，據說學成歸國後有開過畫展和出個solo碟(這個不用據說，是真的…)；本來單飛最頭威頭勢的上原多香子，之後據說和赤西仁拍拖，甚至推掉工作陪他到美國讀書…umum，睇官網佢而家應該係做吓model拍廣告和拍戲咁；今井和hiro單飛後一路有keep住出吓碟，hiro後來更出了jazz風的英文碟，相當不俗的說﹗今井04年奉子成婚07年離了婚，hiro之前就有傳過會結婚，avex還急急腳出精選，不過後來好像沒聲氣了…well…

即是說呢，單飛後係越整越沉，無晒影﹗好記得當年雜誌有篇日藝評論說齊心就事成，可能粉絲喜歡的是Speed招牌多於四人，當隊散了粉絲也散了…都幾悲吓。又難怪，早年Morning娘不停還音樂椅，隊員出出入入還是這麼受歡迎了…

也許，有過一剎那光輝點都好過一路都未有過既…

講到尾有公司支持係唔同啲，看avex某常來香港影月曆的大姐還不是紅了這麼多年…

我很喜歡的一首…《Steady》(睇番啲樣就知好耐世紀的了…)

(26/1/12後按：4位妹妹喺出文無耐之後就宣佈復合，so far佢地出番的歌我都有追，是不錯的。不過聲勢大不如前就是了…但keep住出吓碟咁都算係咁啦~掛…)

Speed @ Wiki
沖縄アクターズスクール @ Wiki
最GB帝國 (我最愛的Max金曲~《一緒に》~)