信用卡

之前某局長說佢曾經覺得商人都很奸…umum…見人見智啦。說到奸，小的第一樣想到的就是信用卡…自制力強者還好，一卡落在天生購物狂上根本就是計時炸彈…好得人驚…

尤記得F.7 study leave之前最後一堂班某老師堂上講的不是高考貼士，而是做人之道：切記不要亂簽卡(難道那學校很多師兄師姐都做了卡奴？﹗)，卡「come」卡雪球只會越滾越大，最後一發不可收拾云云…。一講，講足成堂。

小的第一張卡，係啦﹗就係入u某又慢又黑又鈍的銀行那張，O camp出發前人人在LT好似傳銷大會咁唔填form好似對唔住師兄師姐咁…；而且，呢張卡和某又傷又葉的電台很多合作，不是人氣歌手演唱會就是獨家精品，雖然小的一向不聽這個電台，但還是禁不住覺得有這卡在手是頗型的…(3/4/13後按：這應該是當年聽/睇得太多蘇永康的《深夜宣言》所致﹗)。現在回想…喂，都幾恐怖架﹗因為只要有大學學生證就可以出卡，which is係無入息審查的，雖然credit limit係講緊幾千蚊，但係只要你keep張卡得閒簽吓用吓，久不久就會有信多謝你呢位尊貴用戶支持升limit的了…學生(suppose)無收入都出一餐，還不是諗住佢地有乜事父母家人會幫手…嘩…

記得幾年前出卡通常要簽到咁上下先會有迎新禮物，近呢兩年無呢支歌唱了，很多時交齊文件出卡已經送禮物；同時又無厘頭送你幾千蚊loan，低息喎，好似好著數，聽過啲case卡數就係咁開始。要不呢就係咁加credit limit，跟住又升白金卡乜金物金的，月結單來又可以先找min pay，不就是變相借貸嘛…

前兩天看報導啲專家提供的solution包括多用現金…唉，鬼唔知阿媽係女人咩。用信用卡就係貪佢一個月先找一次數，就算真係有咁多cash喺手，錢總係喺自己身旁好過一早找數俾人使嘛。

實在以上都不是最奸之處。身邊家人好友試過很多次沒看清楚月結單賬目，不是無啦啦交多了年費就係硬食了無厘啦家的財務費用，而個卡主係一向都準時交足應找既卡數架喎。點做？咪打去hotline和CS姐姐大戰一餐。

最新的陷阱是發達lone自動增值，呢個真係好危險，連簽名那一吓都免了，輕輕一拍就可以搬走大堆戰利品，如是者250蚊一次，買時感覺很爽，找卡數時就十萬個肉痛。

自問自制能力不太高又鐘意失驚無神impulse buying(如小的…)有卡在身係十萬個危險。還是無卡一身輕，逼住現兜兜俾錢，肉痛入心好讓自己唔好買得咁爽…

另外的：
水能載舟亦能…之信用卡
【小熊人擂台賽】13：信用咭